- السلام عليكم ورحمه الله وبركاته
السلام عليكم ورحمه الله وبركاته
مثل ماهو في العنوان تعرفون وش خايف منه خايف مالقى سكن لاشقه ولاغيره وهذي حصلتلي اول زياره لي للكويت قبل اسبوعين مع عطلة المدارس عندنا بالسعوديه كان يوم الاربعاء والخميس مو اللي راح اللي قبله بصراحه انا ورفيقي تعبنا وزهقنا من الدوران واللفلفه في الشوارع مترنا الكويت كلها يالله لقينا شقه في السالميه قريب من جيان اللي بالسالميه الساعه 2 ليلا ولا بعد طلايب نبي ننام لان يقول لنا الموظف بسكنكم بس تطلعون يوم الخميس الساعه 12 الظهر قلنا ابشر بس نبي ننام والسعر طبعا اللي اعرفه بريال 400 غرفتين وصاله بس كانت نظيفه ومن الساعه 2 بعد الغداء الى الساعه 6 مساء يالله لقيت فندق بسرير دبل سنقل انا وخويي شوف انا وخويي نايمين بسرير المزدوج بعدها طحنا شوي ورحنا لمول الافنيوز ثم مول 360 ثم تعشينا بسوق شرق ورحنا للفندق وطحنا ونمنا من التعب ورجعنا بعد صلاه الجمعه للرياض يعني ماشفنا شي
حبيت اعيشكم معاناتي حتى اني كرهت الكويت بسبب السكن ولاتمشينا فيها
فعشان كذا قررنا انا وخوياي ثلاث اشخاص نروح الاربعاء هذا للكويت بس بشرط حجز سكن قبل نمشي عشان ماتمرمط مثل رحلتي الاولى
فاسؤال هل الشقق والفنادق لازالت مشغوله وتتوقعون يوم الاربعاء نلقى شقق او ناجل الروحه بعد فبراير
وياليت المساعده بشقق سعرها مناسب تكفي لي ثلاث شبان حلوين
ولكم الشكر واسف على الاطاله طبعا انا حاولت اختصر معاناتي مع السكن والمشاوير اللي قطعناها والساعات اللي ضاعت علينا ماستفدنا شي من روحتنا بس الحمد لله على كل شي
للاسف ما عندى خبر اكيد بالفنادق حاول تدخل موقع البوكنج وتجرب تحجز بالمارينا مثلا
او اى فندق اخر لان الاسبوع الماضى كان عندنا ضيوف خصوصا من اهل السعوديه وايد
المولات والاسواق نشوفهم عوايل كانوا منورين بس اتوقع فتحت المدارس السبت الماضى وخفوا الزوار
وحياكم الله