- الفندق في نقاط سريعه :
بونسوار ،،،
- تقرير سريع عن زيارتي الى لندن ومانشستر في نوفمبر وديسمبر 2010 ،،
سافرت من الرياض الى لندن على الخطوط السعودية بتاريخ 15 نوفمبر (عيد الأضحى) ،، وكالعاده كانت الخطوط السعوديه متميّزه في الرحلات الدوليه ،،
- مدة السفر كانت 42 يوم ،، 6 ايام منها في مانشستر ،،
- مطار هيثرو كان زحمه ،، واخذنا ساعه تقريباً عشان نخلص اجراءات الجوازات !!
- السكن كان في "انتركونتيننتال" لندن ،، طلبنا سياره تستقبلنا وكانت قيمة التوصيل 79 باوند ،،
الفندق في نقاط سريعه :
- من ناحية الموقع ،، ممتاز ،، ويمكن انه افضل فندق من هذي الناحية ،، متوسط بين 3 مواقع مهمه للسياح (ساحة البيكاديلي ، شارع اكسفورد ، شارع النايتسبريدج "هارودز")
- هذا الفندق من الفنادق القليله اللي في سلسلة الانتركونتيننتال اللي مملوك من الشركة الأم ،، ولهذا السبب الخدمه المقدمه فيه ممتازه جدا ،،
- الحجز كان على غرفه عاديه ،، وبفضل بطاقة "الرويال امباسدور" اخذت ترقيه الى جناح (رقم 875) عباره عن صالة جلوس كبيره مع تلفزيون ،، غرفة نوم مفصوله بحجم جيد وتلفزيون ،، 2 دورة مياه ،،
- فيه صور للغرفه العاديه للفائده ،،
- الأسعار بشكل عام مرتفعه ،، لكن اذا قارنتها مع باقي الفنادق ال 5 نجوم في لندن ،، نفس الأسعار تقريباً ،،
- الخدمه بشكل عام ممتازه وراقيه ،، سواءً نظافه ،، غسيل ملابس ،، الكونسيرج ،،
- مستوى الأكل عادي ،،
- الانترنت سعره مرتفع (15 باوند) في اليوم ،،
- معظم القنوات التلفزيونيه العربيه المهمه موجوده ،،
- بالنسبه للأماكن اللي تستحق الزياره في لندن اظن انها معروفه ،، لكن بشكل عام الجدول اليومي كان في النهار بين "اكسفورد" والهايد بارك" ،، فترة العصر ومابعدها مافي منافس ل "هارودز" و الكافيهات العربيه في "النايتسبريدج" ،، بعد الساعه 9 ،، افضل مكان هو البيكاديلي ،،
- فيه مطاعم وكافيهات عربيه كثير ،، بس لفت نظري:
1 - المأمونية فرع المايفير ،، وفرع النايتسبريدج ،، أكل روعه ونظيف ،،
2 - الأرز اللبناني في النايتسبريج (شاورما نظيفه) ،،
3 - ليفانت ،، قريب من الاكسفورد ،،
4 - مايفير شيشه ،، قهوه مصريه ،، ملتقى الحلوين ،،
وما انسى طبعاً الفرن الإيطالي في "هارودز" ،، احلى بيتزا ،،
- الجو كان بارد جداً مع بداية شهر ديسمبر (2-5) تحت الصفر ،، نزل الثلج على لندن ومانشستر بكثافه ،،
- الكريسمس ،، ممل ،، ممل ،، ممل !
- مانشستر ،،
مانشستر حلوه لمده قصيره ،، فيها جامعات كثير وعشان كذا تلقى كل شي فيها مناسب للطلبه من ناحية المتطلبات والميزانيه ،،
السكن كان على شارع "اكسفورد" في فندق (هوليدي ان اكسبرس) ،، الفندق جديد ،، صغير ،، مودرن ،، واسعاره معقوله ،،
قريب من الفندق فيه شارع "روشم" ،، اللي يعتبر شارع للعرب والشرق آسيويين ،،
- مدري احس اني كتبت الموضوع بسرعه ،، لكن اذا تذكرت شي بضيفه بعدين ان شاء الله ،،
بالنسبه للصور ،، فيه حوالي 43 صوره من تصويري ،، وبضيف صور من مواقع أجنبيه للفائده ،،
- * وهنا تبدا صور الغرفه العاديه ،،
يتبع بإذن الله ،،،
اورفوار ،،
