السكن كان في
Marceau champs Elysees

فندق 3 نجوم( والله مايستاهل الا بو نص نجمه)
الواير لس مجانا
الموقع ممتاز جدا

( جنبك كنيسة لاداء الصلاة خ امزح
جنبنا كنيسة بعدها مطعم نورا( كل يوم فطور الين مايوصل الخشم
الشارع مره شرح ويجيب الراحه وجنبك كل شي
تحتنا صيدلية وجنبنا باللفة على اليسار سوبرماركت وميني بقالة
المطاعم منتشرة على الشارع
بصراحه انصدمنا بمستوى الفندق وسبب الحجز كنا نبي 3 غرف بعض مالقينا من زحمة راس السنة
غرفتي انا تخيلو وانتم بكرامة التواليت لحاله
والحمام بجهه

احسن غرفة غرفة جواهر
وفيه غرفه الحمام مايدخلونه الي اوزانهم فوق 80
عسى ماشر المتان مالهم رب؟؟
الغرف جدا صغيرة
جلست اغني كافي صدمات بحياتي جاي تصدمني بعد والله الدنيا غريبه وش بقى فيها بعد؟؟
اول يوم من شباك الغرفة

جلسنا يومين ماستحملنا وغيرنا الفندق جنبه
Elysées Régencia
4 نجوم
كان تقييمه جيد جدا زوين يعني مش حالك ماصورته لان مافضينا ماكان
فيه وقت ابدا

مقتطفات سريعيه

الشانز وايفل وقوس النصر قريبين
واحنا رايحين الشانز لابد بالمرور

الديوان

مادري وش فيه مسكر كل يوم امر من عنده تذكرت رز بالشعيريه

مستر بن كان بالفورسيزون

قبل لااسترسل ابي اقولكم كلام من القلب للقلب :
حبيت باريس اكثر من قبل حبيتها ببرودتها الي ينخر العظم
حبيت الوناسة والحياة فيها قررت اتزوج فرنسي واعيش هناك شي يعذب شي ماودك ترجع منه اللي يحب الشتاء انصحه يقضيها في باريس في راس السنة
كلنا انبسطنا وكانت من اجمل الرحلات تنعش القلب وتزيل الهم وتورد الخد < خلطة نشاء مثلا؟
طبعا اول يوم وصلنا فيه كان 24 ديسمبر يعني يصادف الكريسمس يوم 25
وش احكي وش اخلي الشوارع مزينه من والى الاشجار كلها لمبات واناره تحس يوم العيد
طيب الي عندنا وش خسرانين لو يحطون اللمبه على نخلة ميته؟؟؟
دخيل الله مانبي الا يقفلون الشرقية عشان نقدر نطلع ونتمشى < ابد ماتلمح لشي

وهنا بكل اشارة ودوار تلقى هالشي

شوفو كيف الوناسة وش اوصف لكم الشعور مره حلو
هذي في الجهه الثانية من قوس النصر ذكرتني بلندن آآي

وهذي الجهة الثانية

طبعا نهاية الشانز فاتحين اشكاك انا اسميها كذا وجواهر تطنز علي ( كوشكات )
يعني نفس امتداد الشانز بالنهاية يصير الشارع كله اشكاك محلات بيع الحلويات والمطاعم والسوفنيرات وميك اب وكل ابو شي تبيه تلقاه هناك واسعارهم جدا حلوة

تدرون وش ذكرني فيه؟؟ بجنيف مادري لما شفت الاضاءة والمحلات فز قلبي وتذكرت البحيرة
لبى العرب

كم انتي جميلة ياباغي

يتبع.....

نكمل ونشوف ايش فيها الاشكاك
يالبى ولبى ولبى

من زاوية ثانية

اظن انها صينية

اشتقت للبر اول ماشفته احس ريحته بر

كان ودي الهمهم مره وحده

فلاولاتي

حتى عيدهم حلو وعايشينه

يتبع...

نكمل الاشكاك..
هنا عصارة الليمون < تموت في شي اسمه اواني منزلية

انواع الصابون ريحتهم يمي يمي< عفوا مو للاكل اختي صرئوعة

اخذت ثاني وحده الذهبية لي والي تحتها لاختي مزمز الي ماجات ويانا عشان الاختبارات

الوحده ب 38 يورو وكلن يقولي ليش ماجبتي لنا
يوم كنت صغيرة كنت اخاف من هالشي
بس الحين ابوس راسه ياشيخ

ابو فروة تلقاه بكل زاوية

يتبع...

هل سألتم نفسكم يوما ليش صرئوعة اختارت باريس؟< لاحد يناظر بس لدعاية

طبعا فيه ناس يسموني علبة النوتيلا
لانها كانت جنب راسي افطر واتغدا واتعشى فيها
جبت لكم طريقة النوتيلا .. والي بيسويها يعزمني عليها
نصبها

نرققها
هنا يستخدمون الخشب وعجبتني عندنا بالسعودية يستخدمون علبة الشريط (لخبز الرقاق)

نغرفها ولانبقي داخلها شي

ندهنها

حقتي
لجواهر
بينتس باتر مع نوتيلا شي يمي

نطويها

نزرطها جنب الدفاية

طبعا الدفايات بكل مكان بالشارع وطاولات الاكل بس بدون كراسي
كانت متعة كبيرة
وصرت اروح لهم بين فترة وفترة اكل نوتيلا اتفرج وحلو بالنهار جدا بس زحمه شوي
بنهاية هالحلقة كان ودي انه يكون عيد الفطر والا عيد الاضحى ونحتفل فيه كذا
بس بدون ابوهم نويل لبى قلبه

الحلقة الثانية
صحينا متكسرين وودنا نكمل النومة ونغوص بالدفا اكثر
رحلتنا كانت الى برج ايفل
طبعا قبل مانروح ...بعطيكم نصايح
اولا: تلبسون ثرمال تحت الملابس احسن شي الي عند مارك سبنسر
ثاني شي الجلديات المبطنه هي الي تدفي من ناحية القلفز او الابوات
اي شي مبطن من داخل يدفي وانصحكم باابوات مريحه احسن ماركة جربتها وسعرها معقول
هي UGG وتدفي
شفت لها فرع بالشانز ان ماخاب ظني
تحتاجون سكارفات وقبعات صوفية تغطي الراس الاشياء الي تدفي الاطراف اهم شي
وانصح الكل الي يبي يتسوق لايتعب نفسه مع اسواقنا المخلقنه اشترو كم لبس ليومين او 3 ايام بعدين يطب الشانز فيه كل شي خصوصا H&M اشيائتهم توخق غير عننا
خلصنا نصايح... وبعد ماتدفينا
كان توجهنا لبرج ايفل بمزيد من النشاط والحيوية

مريت كل الاماكن الي زرناها سوى

كانت مريحه لنفس كان ودي كل اهلي معي

ياشمس ياشمس لالالا تغيبي ..< برا

يتبع..

يبعد ايفل عن الفندق تقريبا 10 دقايق مشي او اقل لاننا كنا نصور وماحسينا باالوقت
وكنا ناوينها بالعالي .. ولما وصلنا

زحمة مره
وكنا نبي هالمرة نركب وشكلنا من حظ اخونا سامي الجابر 3 سنين وبعدها يفاجئونا قناة العربية< عشم ابليس
قلنا نتنزه <
احسن لنا ونستمتع بالباقي من السنو الي لسه ماذاب
وانا اصور هالمكان احس اني شايفته من قبل

ولاننسى نتدفى

اسألوني وش امنيتك ياصرئوعة!!؟؟؟
ج: انزف بالعربة وفيها حصانين
( ياحلوني وانا منزفه على هايوي الدمام الخبر عشان التطنزومايبقى هيلقي مايصور
)
للتاجير كانت ب 35 يورو اتوقع

هذا الغلا والحب من الله سبحانه ..

يتبع....

للاعضاء الحلوين

: اتذكر سوينا مشهد درامي لتصوير كل وحده تقط الثلج على الثانية يوم صورنا
ويفقعون راسي بثلجة كبيرة
مرت فصول السنة ماقدرت اشوفك انا لاصيف ولاشتاء

المملوح بشهامته

الحركة الخطنطيرية الشتوية

الجو كل مابتعدت عن الزحمه يصير
مقابل ايفل كان ودي اكمل بس تعبو

واحنا راجعين من ايفل اشتد البرد دخلنا كوفي قريب منه واستمتعنا بالهوت شوكليت

بعد ماريحنا بالفندق طلعنا الشانز
الى مطعم
vesuvio
استقبالهم كان جدا حلو وتوديعهم كمان
بيتزا

طلبي
( باستا)

طلب جواهر ( روزيتو)

بح لابد من المشاركة الوجدانية

الفاتورة

طبعا اغلب الاكل اغلبة مو حلال خصوصا اللحوم وفيه ناس تفضل ماكدو على هالمطاعم فاتهم الاكل اللذيذ
نكمل في الحلقات القادمة بإذن الله ...