أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
كيف حالكم يا جماعة الخير
وكل عام وانتوا بألف خير
والله يعيدها كل سنه علينا وعليكم
ويتقبل منا ومنكم صيام يوم عرفه للي بيصوم ويتقبل حج من رايح للحج ويرجعه بالسلامه
انا اشوف انه الايام قليله جدا جدا
واذا ما عندك غير هالايام يفضل تخلي مخططك بين المانيا والنمسا فقط
ميونخ ( استلام السياره فقط ) - ليلتين سالزبورغ - 6 ليالي زيلامسي - 4 ليالي ميونخ
3يوم يعني 12 ليله
او انك تخلي الرحله بين جنيف وزيورخ ومنها تزور ملاهي اليورب بارك
3ليالي جنيف - ليلتين زيرمات - 4 ليالي انترلاكن - ليلتين رست - ليله زيورخ
او عكس هالمخطط بحيث تبدأ من زيورخ وتنتهي بجنيف
او ممكن تلغي زيرمات رغم انها مميزه واجواءها رائعه بحيث تضيف الليلتين وحده لجنيف ووحده لانترلاكن
فندق رتشي بعيد شوي مشي عن اوروبا بارك تقريبا 7 دقائق مشي
سكنا فيه المرة الاخيرة وانا اعجبني لان الغرفة كانت كبيرة والاطفال مع المربية في غرفة مستقلة لكن من ضمن الغرفة الرئيسية لكن الفندق ما عجب زوجتي كثير صاحب الفندق مستر رتشي رجال كبير في السن كان يطلع بره باب الفندق يحمل مظلات المطر وكان يهتم بعيالي مع المربية نطلب لهم العشا قبل مانطلع ديليفري وهو يحاسب اللي يوصلون الاكل ويطلع الاكل لهم ويسخنه بعد لو برد فندق جنيف مدري ليه انت مختاره لأنه في لا بيريل وهي منطقة خارج جنيف من ضمن مجمع تجاري يحمل نفس اسم المنطقة لابيريل فندق عدن افضل اذا تبحث عن شيء كبير وواسع وعند ابواب جنيف اما اذا معك سيار فافضل لك تسكن في الضواحي افضل واحسن وانظف وارخص واهو شي ائمن فندق انترلاكن تعيس جدا ممكن تشوف فندق انترلاكن او لو معاك سيارة اسكن في رينقنبيؤق اللي حاطه في تقرير 2010 فندق زيرمات ممتاز ممكن اقول لك ممتاز جدا بالنسبة للبرنامج اليومي اذا شاطر اكسيل افتح لك ملف حط فيه تواريخك وابدا بتعبئه هذا اللي انا اعمله لنفسي واساعد الكثير من الاعضاء في عمله وممكن ايضا اساعدك فيه صار عندي كمية جداول جاهزة ههه اتمنى لك التوفيق بالرحلة وبرافو عليك يعجبني التخطيط المبكر انقل المايك لبنت حواء لتكملة الرحلة معها عيدكم مبارك
john doe
قصدك المخطط
زيورخ - 3 ليالي رست - 3 ليالي جنيف - ليلتين زيرمات - 5 ليالي انترلاكن - زيورخ
يعني 12 ليله = 13 يوم
هل راح تكون زيورخ بالذهاب والعوده مرور فقط بدون سكن ؟؟
هذي المسافات تقريبا
من زيورخ الى رست 175 كلم
من رست الى جنيف 342 كلم
من جنيف الى زيرمات ثلاثه ساعات ونصف
من زيرمات الى انترلاكن ساعتين ونصف
من انترلاكن الى زيورخ 120 كلم
مخطط حلو وممتاز والفنادق ادلى بدلوه اخوي ابوعزيز وما قصر واذا تبغى شوري اسكن مو في وسط انترلاكن احسن مكان في قريه اسمها بتنبرغ قريه جبليه رائعه فيها فندقين دورنت وغلوريا بصراحه مميزه اطلالتهم على البحيره والاجواء فوق رائعه وكمان شوف الفندق اللي نصحك فيه اخوي ابوعزيز
والاماكن السياحيه ممكن تشوف التقارير الموجوده وتختار الاماكن اللي تحب تزورها
والسياره استأجرها من زيورخ وسلمها في زيورخ
لان جنيف جنبها القرى الفرنسيه رائعه ويفضل تسكن فيها اذا كان معاك سياره وزوجتك غير منقبه وفي مواضيع اخوي ابو عزيز تلقى فنادق وشقق كثيره ارخص لك من جنيف الغاليه
تسلم لي يا بو عزيز
والله يعطيك العافيه
كنت انتظر ردك يا خبير سويسرا لأن مواضيعك هي اللي خلتني اغير الوجهه الى سويسرا بالكامل مع وضع رست في الجدول
بالنسبه للفنادق انا اعتمدت على المراجعات حقت نزلاء الفندق وتقييماتهم
لذلك اخترت بعض هالفنادق
بالنسبه لجنيف يا ليت تحدد لي كم فندق في ضواحي جنيف ويكون سعرها حلو ونظيفه
وراح اشيك على فندق عدن
فندق ريتشي راح اغيره
لأني شفت فنادق حلوه واقرب لليوب بارك لكن فضلت الشي اللي مجرب
فندق دو لاك في انترلاكن اختره بناء على التقييمات ووجوده على النهر
وإذا تشوف انه فيه شي احسن بسعر مقارب يا ليت تعطيني اياه
وكذلك يا ليت تعطيني موقع الفندق اللي تقول عليه في بوكينج
اما بالنسبه للاكسل الحمدلله لي معرفه فيه وهو ولد حلال
يا ليت ترسل لي بعض الملفات اللي تشوف انها تناسب خطتي إذا ممكن
وانا راح انقحها واختار اللي ابيه واحطه في ملف اكسل لحاله وارسله لك تشوفه وتعدل عليه إذا تبي
وإن شاء الله نرد لك هالخدمات يا بو عزيز
JOHN DOE
ماعندك خاص ياعسل
شوف لك طريقة توصل فيها لي
بالنسبة للفنادق ارشح لك فيلا دولاك
اعتقد انك مابديت تقرا الدليل
وفندق ريقنبيرق
http://www.hotelbrienzersee.ch/
بنت حواء1429
الله يعطيك العافيه ويجزاك خير
افدتيني كثير
واخترت فندق جلوريا
وزيوريخ راح تكون نقطة عبور فقط
الوصول الساعه 1:20 الظهر
والعوده الساعه 10:40 دقيقه في الليل
بو عزيز
يعطيك العافيه
وبالنسبه للدليل ما مداني اكمله
مشغول شوي وما كملته
فندق فيلا دو لاك اشوف انه في ديفون
وهذا معناه انها في الجزء الفرنسي
وفرنسا مانعين الحجاب
لذلك هذا اعتقد انه بيسبب مشكله مع الدخول والخروج
هل بيكون فيه مشكله كبيره مع النقاب
وهل ممكن تنصحني بفندق ثاني يكون في الجزء السويسري وعلى قولتك يكون في الضواحي
كذلك تم تغيير فتدق ريتشي الى فندق ثاني يبعد 150 متر تقريبا عن يوروبا بارك
اما الفندق في ريتينبرج شفت مكانه بعيد عن وسط انترلاكن
وش اللي يميز هالمنطقه علشان اكون بعيد عن انترلاكن
ووش رايك بفندق https://www.booking.com/hotel/ch/gloria.html?aid=1300939اللي نصحتني فيه الاخت بنت حواء
موقعه حلو وسعره كذلك ممتاز
بالنسبه للملفات ودي اعطيك ايميلي لكن اعتقد ان القوانين تمنع هالشي
واتمنى نلقى حل لهالمشكله
JOHN DOE
بالنسبة للنقاب والحجاب فللاسف ماعندي اي فكرة عن وضعهم ان شاء الله يكون احد مجرب ويفيدك
اللي اعرفه انه اذا معك سيارة وتجب تسكن في مداخل جنيف 5 دقائق او اقل بالسيارة وعلى البحيرة لكن غير مطل ففندق عدن ممتاز خاصة انه في مواقف والهاي واي قريب ما تحتاج تخترق المدينة
اذا حاب تسكن في الريف فاقترح عليك فندق الشافان القريب جدا من ديفون ومقابل المركز التجارر الشافان
ونقطة انطلاق ممتازة كونه على الخط السريع
وحتى لا تسالني عن اسمه هذا هو اسمه
Hotel Best Western Chavannes de Bogis
جوابي على سؤالك عن قلوريا في بيتينبرق
بالفعل الفندق رائع
لكن ما انصحك فيه لعدة اسباب
افضل لك وبمراحل برينزيرسي
يكفيك ان الاخير 4 دقائق بالسيارة لانترلاكن والمواقف مجانية
وتقريبا نفس الاطلالة
واكيد لو عملت بحث عن اسمي في النت راح توصل لي باذن الله لانه بالفعل ممنوع نشر الايميلات هنا
السلام عليكم
عذرا من صاحب الموضوع
بس حبيت افكر الحبيب أبو عزيز بموضوعي (جنيف والسكن في ديفون مارس 2011)
منتظر رده الكريم (انا عارف اني ابلشته وهو مشغول بس هو كريم)
وكل عام وانتم بخير
واذا ما عندك غير هالايام يفضل تخلي مخططك بين المانيا والنمسا فقط
ميونخ ( استلام السياره فقط ) - ليلتين سالزبورغ - 6 ليالي زيلامسي - 4 ليالي ميونخ
3يوم يعني 12 ليله
او انك تخلي الرحله بين جنيف وزيورخ ومنها تزور ملاهي اليورب بارك
3ليالي جنيف - ليلتين زيرمات - 4 ليالي انترلاكن - ليلتين رست - ليله زيورخ
او عكس هالمخطط بحيث تبدأ من زيورخ وتنتهي بجنيف
او ممكن تلغي زيرمات رغم انها مميزه واجواءها رائعه بحيث تضيف الليلتين وحده لجنيف ووحده لانترلاكن