سيرلانكا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
extreme
02-12-2022 - 06:49 pm
اكلمكم الحين من فندق Taj Exotica Bentota بنتوته وبصراحه الوضع نايم هنا في سريلانكا يا زين اندونيسيا حتى خدمات الفنادق الخمس نجوم كأنها ثلاث نجوم ،، الفنادق الثلاث نجوم في سنغافورا او ماليزيا افضل خدمه او حتى بالي في اندونيسيا
عموما الفندق المعلومة الحصرية هي Taj Exotica Bentota تغير اسمه او بالاصح اليوم بيطبقون اسم جديد VIVANTA
بصراحه خدمه الفندق سيئة وغير محتريفين في التعامل مع الضيوف ، الناس هنا تجيي وتسكن بس ما اهتموا في اخدمه تقدم لهم ،، طلبت تغير الغرفة من الدور السادس إلى الدور الارضي منظر على البحر ،، جلسوا خمس ساعات ، بإختصار
الفندق قيمته فيه يعني بمعنى اصح بالنسبة لنظافه الغرفة مستواها معقول يعني لا يتجاوز هذا المبلغ للقيمة،، انا حجزته 80 دولار لليله غرفه عادية منظر على البحر من موقع booking.com
وبصراحه الموقع سعرة رخيص مرة لان موقع الفندق او مواقع ثانية دبل ثلاث مرات ،، حتى الطيار والصرح حرامية دبل السعر ثلاث مرات .
يعني خذوا في الليلة 80 دورلا + الخدمة يطلع 99 تقريبا ، يعني معقول بالنسبة لخدمه بس مستحيل انه يستاهل اكثر من هذا السعر مره هذي اول مره اجيه وآخر مره اجيه ،، بمعنى اصح اول مره اجي سريلانكا وآخر مره .
موقف حصل لي في فندق هيلتون كولمبو انسرق من السيفتي 500 دولار بس وباقي الدولارات فيه يعني يتوقع ما راح اتدقق عموما الباب لقيته مفتوح وعلى طول كلمت جوال السفير عبدالعزيز الجماز وكلمني بعنف يحسب اني اكلمه في موضوع شغالات يقول وش داق الساعة 12 بالليل ، نص دقيقة شرحت له السالفه واعتذر وقال الحين يجيك موظف السفارة وفعلا وصل واحد منهم ما ادري وش وظيفته الحقيقة ثم وصل الثاني يقول انه مدير مكتب السفير ووقف معي بكل احترام ورفعنا الشكوى على الفندق بس ما اردي اعتقد انه الافضل هو انه يبلغ الشرطه في هذا الموضوع بس اشوف انه ما سواها واكتفى بإنه يرفع شكوى على الفندق للتحقيق فيها وبس يعني ما ادري ليش ما بلغ الشرطه وسوى تقرير ، عموما هو ما جزاه الله خير عرض علي اي اشئ وقال اذا بغيت شئ او ناقصك شئ الحين نعطيك انا قلت له مشكور ما ابي بروح لبنتوته يومين وبمشي من هنا ولا راح اجي مره ثانية البلد ما فيها شئ اصلا .
اشوفكم في موضوع آخر
فيه صور ودي انزلها لكم بس الموقع هنا يقول الصغية غير مقبولة وانا ما ني فاضي اشوف وش المشكلة ..
نراكم على خير


التعليقات (9)
عايش زماني
عايش زماني
السلام عليكم
شكراً لك اخوي على هذه المعلومات
لكن بسئلك هل انت قفلت السيفتي وفتحوه ولا انت ناسيه ماسكرته ...؟

قصر
قصر
اضم صوتي للاخ extreme الفندق مايستاهل خمس نجوم والبلد لازال غير سياحي وغير مهيأ للسياحة
لاطرق ولا مطاعم ولا خدمات الا في العاصمة كولومبو فقط

ستروبري شورت كيك
ستروبري شورت كيك
ياحول الله يعني يوم قررت و نويت يصير كذا!!!! طيب وش البديل عن التاج لأن الكل يمدحة وحاطتة في بالي وش تقترحون؟

اوعزام
اوعزام
ستروبري شورت كيك
البديل في هذا التقرير
https://artravelers.com/p/re/420006
ويهمني رأيكم في الفيلا ببنتوتة
محبكم/ابوعزام

extreme
extreme
كل الناس سالوني هذا السؤال هل السفتي مقفل أو لا ،،،،، السفتني مقفل ولا نسيته ،، كان مقفل ومتأكد
بس كيف ومن فتحه ما ادري ،،، عموما إلى الآن السفارة تحقق وطلبوا مني خطاب لو بالبريد الاكتروني اكتب فيه ان السفتي كان مقفل ... عشان يستكملون الاجراءات ويشفون من دخل الغرفه

الكونت^جاز
الكونت^جاز
يعني يا اخوان لو خيرتكم بين سريلانكا او الهند ايهم تفضلون ؟؟؟
بعدين لو بنقارن بين كولومبو (سريلانكا ) و بنقالور ( الهند ) لقضاء ثلاث ليال استجمام وكسر روتين عن الرياض ايهم تفضلون ؟
وهل الي بلقاة في سريلانكا راح القاة في اندونيسيا و ماليزيا ؟ واي اغلى سريلنكا او اندونيسيا ؟
شكرا

راحة سفر
راحة سفر
الله يعوضك خير ، لكن المفروض أنك ما تثق بالسفتي بوكس لأنه فيه ماستر كي يفتحة مباشرة ، أذكر مرة كنت حاط فيه كامرة ونيسيت الرقم السري واتصلت بالهوم سرفس وجاء وفتحه على طول
برقم كان معه في ورقة .
أما سؤالك مستر الكونت جاز فأنا جربت سريلانكا وكيرلا في الواقع كيرلا أعجبتني أكثر بكل ما فيها من الطبيعة والفنادق المختلفة المستويات والأكواخ والمنتجعات اللي يغنيك عن الخروج منها ، من ما فيها من جمال الطبيعة .
وإذا حاب تروح جرب مكتب اسمه هبي ترفل http://happytraveldreamer.com رائع بكل ما تحملة الكلمة من معنى وأنا جربته والمدير اسمه ناصر أكثر من رائع أيضاً وأسعارهم مدروسة حسب تجربتي في أيام الصيف .

smaq20077
smaq20077
extreme
الله يعوض عليك اخوي بس مدري احس دراهمي لا يمكن اثق واحطها في السيفتي بوكس.

فـور يـو
فـور يـو
ستروبري شورت كيك
انا سكنت التاج من شهر
ما شفت فيه الا كل خير
نظيف ورخيص وعلى البحر
والاخ على ما اعتقد ما قفل السيفتي
لانو لو كان مقفل وأحد فتحه
اكيد راح يقفله بعد السرقة
يعني ما راح يتركه مفتوح وينفضح


خصم يصل إلى 25%