اطليانو
هلا بخبيرنا الغالي هذي الساعه المباركه نشوفك فى بوابتنا بالنسبه الجو راح يكون متغلب من الامطار وبليل يرد
اللبس الشتوي
وأفضل منطقه طبعا تحس بالعرب والخليج بكل فتره عن تجربتى سنه كامله شارع أجور رود طبعا كل شئ قريب
عندك من البقالات والصيدليات 24 ساعه
اما الفنادق طبعا فندق هلتون متربول بأجور رود وفندق كمبرلاند
وهذا رابط فى أماكن سياحيه

وإذا بغيت هذي الشقق الفندقيه ممتازه بالشتاء يعنى ما فيها تكيف بس مروحه تحصل رقم موظف الاستقبال
عند الاداره أعرفه معرفه شخصيا من بين الارقام واحد اسمه حسن او بدر قوله من طرف بوعدالله من المنتدي

الشارع اللي ذكرتأجور رود هو السنتر او منطقه شبيهه بالسنتر وهل المنطقه آمنه....
منطقه تسوق يعني خابر الحريم وعشقهم للاسواق...
معليش تحمل اسالتي اول مره اجي مع الاهل .....

اطليانو
تروحون وترجعون بالسلامة انصحك بالسكن في فندق يومين وتبحث وترى بعينك الشقق وتأكد بأنك ستجد ماتريد بالسعر الذي تريد لأنك ذاهب في وقت غير مزدحم لكن انصحك بعدم الاستعجال فيما يخص الشقة وقيمة استئجارها وكن يقضا بالتعامل مع سماسرة الشقق وخصوصا الذين في اجورود/اكتوبر في فصل الخريف وهو وقت له مميزاته ففي الخريف يكون الجو باردا بعض الشيء لكن جمال والوان الأشجار شيء رائع/ للأسف لا أعرف الأجابة فيما يخص الاطفال/ مع أطيب التمنيات.

ayed alenezi
هلا بك اخوي طيب المنطقه اللي ذكرت هل هي السنتر في لندن اهم شي عندي المنطقه.....

حياك الله خبيرنا
بخصوص الشارع الذي ذكر هو الاجولرود (شارع العرب) وهو في السنتر بجانبك الهايد بارك وشارع الاكسفور
رحلة سعيدة

مشكور اخواني جزاكم الله الف خير واذا فيه فنادق تنصحون فيها زياده .........
واحسن اسكن باكسفورد اجور رود والفرق بينهم ......
وشكرا مره اخرى......

دامك تبي السوق ف احسن لك الاكسفورد تحتك السوق ..
والاجور رود عبارة عن شارع فيه محلات عربية .. وبعض المحلات أسوقه ..
اذا تبي فنادق بالاكسفورد دش على هالرابط :
https://www.booking.com/searchresults.html?aid=1300939
وهو طبعاً سنتر لندن .. وآمن ولله الحمد ..
وطبعاً استمتع بالهايد بارك تجدها عند تقاطع الاكسفورد والأجور رود ..
وبوم الاحد يصير بالهايد بارك شي اسمه "سبيكر كورنر" اعتقد انك تعرفه .. تروح وتستمتع هناك .. والاجواء الحلوة ..
والجدول اللي موجود بموضوع أخوي موادع1 جزاه الله خير يكفي ..
وبالتوفيق

اطليانو
اذا كنت من النوع الي تحب تقعد قريب من العرب والخليجين فالإدجوار رود بيكون حل مناسب لكم
اما اذا ماتحبون لمة العرب في مناطق ثانية اهدى ورايقة زي ماريليبون/بيكرستريت /لانكستر قيت/كوينز ويه
وكلها قريبة من الأماكن الحيوية وتقدر تطلع منهم مشي للأوكسفورد وللهايد بارك
الإدجوار والأكسفورد مشكلتهم ازعاج يحرمكم النوم اذا كان نومكم خفيف ..
اخر مرة جولي اهلي سكنوا بالاوكسفورد ماكنت انام من الازعاج بس امي كانت مبسوطة لأنها تقدر تطلع السوق بروحها مشي

مشكورين ماقصرتو وجزاكم الله الف خير............