أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا بالجميع هذه اول مره اشارك بحياتي في منتدي ولكن منذ فتره طويله وانا استفيد من مواضيع هذا المنتدي والمشاركين فيه والان دوري لافيد من يريد اي معلومه عن اليونان
والله ييتي بوقتج يا عاشقه
ابي اعرف كل شي عن اليونان
اول شي ابي ارخص طيران يودي اليونان
شنو اهم المناطق والجزر والفنادق بهالاماكن
انا بقعد اسبوع فيها شنو اهم الاماكن السياحيه والاسوقه
وراح اسالج اكثر واكثر بس جاوبيني على هالجم سؤال اول شي
وراح اكون لج شاكره لانه ودي اروح وللاسف انه اليونان محد يروحلها وايد فماكو احد يفيدني
مرحبا بكم جميعا ....
لقد سافرت الي اليونان لمدة ثلاث سنوات متتاليه واعتقد انه اذا الله مد بعمري راح اسافر لها كل سنه
ببساطه هي دوله تسحرك ببساطتها وتاريخها العريق
اثينا تمتاز بالطابع التراثي والاسواق والمطاعم فمن يريد السكن بالفنادق البوتيكات فلها طابعها ويوجد بها منتجعات فخمه جدا تمتاز بشواطيء خاصه لها افضل الحجز فيها اذا كانت رحلتك لاتشمل الجزر اليونانيه
الجزر اليونانيه متعدده وكثيرا جدا منها القريب من تركيا مثل (جزيرة رودس وغيرها ) والاخر قريب من ايطاليا وهي جزيره (كورفو)وهناك مجموعه جزر تحفه في خلقها وجوها مثل (ميكانوس وسانتوريني) وهناك اكبر جزيره فيها وتدعي (كريت) وهي اقدم جزيره لديهم مطاران وعدة مواني
بالنسبه لخطوط الطيران فانا عادة استخدم طيران الخليج مواعيده ممتازه واسعاره رخيصه
اما بالنسبه للطيران الي الجزر فهناك شركتان للطيران
http://www.aegeanair.com
وباعتماد علي اي جزيره ستذهب فهناك شركات متعدده للنقل البحري
منها :
http://www.ferries.gr/bluestarferries/
كل شي في اليونان جميل في جزر لاتصلح الا للعشاق وبعض الفنادق لاتسمح بدخول الاطفال
خاصه جزيرة سانتوريني فهذه الجزيره الاولي بالعالم من حيث الرومانسيه
الاسواق منتشره وبضائعهم المحليه حلوه وغريبه اما اللوحات الفنيه والمشغولات اليدويه لا استطيع الوصف
الاكل لذيذ لديهم جبنة الفيتا الاصليه والزيتون وكل شي كل شي فوق الخيال .
انزين اذا قلتلج اختاري جزيره وحده من هذول الجزر يكون فيها سوق ممتاز و مناظر ممتازه و افضل جزيره يونانيه شنو تختارين؟؟
ممكن تعطيني اسامي المولات باليونان و شنو افضل فندق قريب من المعالم والاسوقه؟؟
شوفي الاسواق بأثينا العاصمه تنقسم الي كذا نوع
النوع الاول بلاكا:
وهو سوق فيه مطاعم ومقاهي واقدم منظقه باثينا فيه محلات اغلبها تذكارات وملابس صناعتهم وتحف وتذكارات
النوع الثاني قلافادا :
منطقه في سوق فيه زارا ومانجو وh&m وهالنوع من المحلات العالميه ومحلات يبيعون بضايع تركيه وشغلات حلوه وفيه سينمات وفيه صالون سيدات وحلو وايد
النوع الثالث (the mall):
مثل المجمعات اللي عندنا زارا وهالسوالف وفيه مطاعم وحلو للعايلات والاطفال بس بعيد شوي يعني قريب عند المطار
النوع الرابع (منطقه البرلمان ):
كله ماركات لويس فيتون , كريستيان ديور , برادا , هيرمس كشخه وايد وفيه مجمع اسمه ( attica) حلو نفس طريقه سلفريج وهاردوز بلندن.
هذي الاسواق
بس اليونان مو سوق اليونان جو وحب ووناسه
الجزر اذا انتي رومانسيه ورايحه مع زوجك اكيد بختار لك جزيره العشاق سانتوريني
اما اذا كنتوا بنات وشله او جماعه فجزيره ميكانوس راح تخبونها تمتاز بجوها الشبابي
ساحاول ان اكتب لكم تقارير مزوده بالصور عن اثينا وسانتوريني وميكانوس
ابي اعرف كل شي عن اليونان
اول شي ابي ارخص طيران يودي اليونان
شنو اهم المناطق والجزر والفنادق بهالاماكن
انا بقعد اسبوع فيها شنو اهم الاماكن السياحيه والاسوقه
وراح اسالج اكثر واكثر بس جاوبيني على هالجم سؤال اول شي
وراح اكون لج شاكره لانه ودي اروح وللاسف انه اليونان محد يروحلها وايد فماكو احد يفيدني