وعليكم السلام ورحمة الله وبركاته
هلا بك أخوي كويتي 1968
بالنسبة لشاليهات البندر ليست بعيدة وبأمكانك الأستمتاع بالشاليهات بالفترة الصباحية والفترة المسائية يمكنك الخروج .. ويوجد مجمع صغير قريب نوعاً ما منه على ما أعتقد أسمه لي مارش ..
بوجه عام المنتجع جميل وبه شاطئ جميل وبركة سباحة ونادي صحي ومطعم سوق السمك كما بالأمكان زيارة جزيرة الدار عن طريق القوارب (تاكسي البحر وهي قريبة جداً من الشاليهات) ..
أن شاء الله رحلة سعيدة
تحياتي وتقديري

البندر كمنتجع حلو ..
هو بمنطقة ستره وتبعد عن مركز العاصمه وضاحية السيف من نص ساعه بدون الزحمه الى ساعه بوقت الذروه ..
عالعموم اذا ماراح تطولون اكثر عن 3 ايام العيد اتوقع الطرق سالكه عشان الاجازه ..
وحياكم الله بالبحرين

كل اللي اقدر افيدك عنه موقعه علي الخريطه
وانا قاعد اجمع معلوماته عنه لان انشالله راح يكون اختياري بالعيد

أهي بمنطقة سترة .. والمنتجع في شاليها أحجام وتختلف على حسب عدد الغرف .. وبعض هذه الشاليهات تضم غرفة وغرفتين وثلاث.. هذا غير الشاليه اللي يضم مسبح صغير خاص به ..
المسافة من المنامة إلى البندر مثل ما ذكر أخونا تقريباً نص ساعة أقل أو أكثر على حسب الوقت هل زحمه أو لا ..
أخوي المنتجع حلو ووناسه بس العيب فية ادا كان عندك اطفال صغار خطر عليهم لان البلكونة تطل على البحر مباشرة .. والأجانب كثر في المنتجع والبركة خلط رجال نساء والأجانب ملابسهم كلش مب مستورة .. (في نظري ما تصلح حق عائلات محافظة أو عندهم أطفال ومراهقين) ..
ولازم تاخذ معاك السناك (جبسات كوافي بسكويت ومن هالأشياء لأنها غالية هناك) وتقدر حتى تطبخ في الشالية ..

عني انا من وجهي نظري واحترم اراء اخواني الباقين النوفيتل افضل بكثير من البندر لقربها واحسها اونس من البندروتنظيمها الداخلي وشاليهات مرتبه مره عيالك يسبحون حولك وهي اسعارها معقوله وقريبه من شارع المعارض تقدر تجيب احتياجتك وجو مطاعم صدق اسعارها غاليه شوي بس الكوفي ع المسبح يعتبر نوعا ماء معقول (ان شاء الله سفره سعيده)