معليش شباب سوال اخر هل بطاقة الهوية الوطنية تنفع لدخول البحرين ولا اشيل جواز السفر احتياط

الحمد لله على كل حال ..
وماوضحت اذا كنت شباب او عائلة ..على العموم العوائل افضل مكان للسكن ضاحية السيف حلوه مره واسعارها اكيد مرتفعة لانه وقت موسم العيد وبالنسبة لحديقة واهوو الي في السيتي سنتر حلووه وفيه ايام واوقات للكبار والصغار يوم الاربعاء اتوقع في المساء للنساء فقط والسينما تفتح من الصباح الى الساعة 2 الليل وبعدين قريبة عين عذاري من ضاحية السيف وموقعها واضح اول ماتدخل البحرين مع الجسر امش سيده لايمين ولا يسار وتجيك بعد كبري وسط المنامة على اليمين والبطاقة الوطنية مسموح تدخل فيها وبس

عبادي انا الوحدي ومو معاي احد من العائلة وماعندي مشكله لو اسكن في غرفه وحده وشكرا

واهو ,, ليست فقط للصغار ,, لجميع الاعمار
و يوم الاربعا تكون للنساء فقط

اهلاً اخوي ..
ام طيب بقول لك ..
الاسواق : سيتي سنتر كبير و روعه حق تمشي و تسوق و فيه مطاعم و مقاهي حلوه + السينما حقته حلوه و مريحه و قاعآته كثيره تعرض افلام واجد + فيه جوا السوق فوق عند المطاعم مدينة واآهوو المائيّه روعه صراحه مدينة مائيه مسكّره و فيها العاب مائيه حلوه زحلايق و كذا و تذكرة الدخول للكبير الظاهر 9 دنانير .
السيف : غني عن التعريف .. فيه محلات حلوه و مطاعم و سينما و قهاوي و جمبه برى في مطاعم حلوه + مجمع العالي جمبه برضو حلو .
الدآنه : المجمع عادي و كله هنود و اجانب بس ميزته السينمآ شركه ثانيه و تعرض افلام مختلفه عن السيف و السيتي سنتر روحوا له مره و شوفوا الافلام .
البحرين جيان : قبال السيف موجود بالجهه المقابله للهاي وي سوبر ماركت جيآن ماخذ الجزء الاكبر من السوق بس مافيه سينما .
برضو عندك جنة دلمون المفقوده ملاهي مائيه حلوه + منتزه عذآري حق تمشي و فيه العاب برضو حلوه للكبار يعني و للصغار بعد بس روحوا له ب يوم الجو حلو + منطقة العدليّه فيها مطاعم و كافيهات حلوه اسألوا عنه شارع العدليه اللي فيه المطاعم .
و بسس
موفقين

أول شي أنت راح اتيي في العيد وفي العيد أسعار الفنادق والشقق ترتفع (لكن يفضل أنك تحجر من بلادك على الأقل يطلع لك أرخص شويه).
ومنتزه عين عذاري تبعد عن الجفير تقريباً 10 إلى 15 دقيقة إذا مب أقل بعد.
وحديقة واهو سعر الدخول (9.000) تسعة دينار للكبار، وهي كلها ألعاب ومب ضروري أنك تجيد السباحة هناك في مراقبين على طول موجودين أي شي يصير يساعدونك .. والرجال أي شي يلبس شورت بدون تي شرت ..
والسينما تفتح من الساعة 10 الصبح أو 11 وآخر عرض يكون الساعة 12 وتصك السينما الساعة 2 ..

العسكريين يقدرون يسافرون بدون اجازه ؟

meeeesh
لا مستحيل