اعشق السفررر
05-10-2022 - 06:51 am
السلام عليكم ورحمة الله وبركاته ..
انا ان شاء الله بزور الكويت في عيد الفطر المبارك
والرحله مدتها اربعة ايام فقط
لذلك اريد منكم ابرز المراكز التجاريه واكبرها وافضلها وكذلك المدن الترفيهيه
انا رشحت لاول ايام العيد الافينيوز + المدينه الترفيهيه
شرايكم يكفي ولا لازم ازيد عليه بما ان المده قصيره
انا يهمني في الرحله المراكز التجاريه والسينما وزيارة اكبر مدينه ترفيهيه في الكويت فقط واحده لضيق الوقت ..
ومايهمني ادخل متاحف ومراكز علميه او حديقة حيوان !!!
لاني بحضر في ايام العيد وابغى ادخل المسرحيات اللي تنعرض في العيد لذلك الوقت يادوب يكفي
نرجع للمراكز التجاريه
الافينيوز + سوق شرق + 360 هذول اللي اعرفهم وياليت تزودوني بمجمعات اخرى بمثل مستواهم
كل واحد يدلي بدلوه وينصحني ويرشح لي افضل المجمعات والمدن الترفيهيه والمسرح ..
وشكرا مقدما ..
اول يوم روح الافنيوز تغدى هناك وعقب دش السينما
ثاني يوم روح المركز العلمي ( انصحك تزوره مع انك ماتفضل المتاحف والمراكز العلميه لكن هذا غير مكان حلو على البحر ) اذا تحب وتمر على الابراج وبعدين سوق شرق وقريب منه سوق المباركيه سوق تراثي
ثالث يوم تتغدى في 360 والمغرب تروح الترفيهيه
رابع يوم عندك مسرحية طارق العلي بخيت وبخيته ومجمعات السالميه منها المارينا مول والفنار
اذا عجبك ولا غير مثل ماتبي