كان حجزى عن طريق الخطوط القبرصية.
الرياض-لارنكا-اثينا-الرياض
سعر التذكرة =2300
فيزة اليونانية تاخذ بحدود 10 ايام وسعرها 200 ريال(زينة السفارة انة فاضية مافيها زحمة)

• ما انصح بالخطوط القبرصية لسبب: ان طياراتهم صغيرة وقديمة وخدمتهم عادية (اكلهم مهوب حلال)

وممكن تاخذ بديل الخطوط القطرية اذا كان سعرها مناسب
الرياض-الدوحة-اثينا-الدوحة-الرياض

الحمد لله على السلامه
وعلى كذا انت طلعت فيزة شنقن من السفاره اليونانيه
ومثل ما تفضلت افضل شيء باليونان الجزر
بانتظار تقريرك وما قدامك الا الخير ووسع صدرك

هلا اخوى السحاب
نعم طلعت الفيزا الشنجن من سفارة اليونان......وعلى ماسمعت انها اسرع سفارة بفيزا الشنجن.
طلعنا من مطار الرياض على مطار لارنكا (اسوء مطار شفته بعد مطار الظهران وجدة)
كان وقت العبور حالى 5 ساعات فكنت آخذ حسابى(اخذت كوبون من وكيل القبرصية لدخول صالة درجة رجال الاعمال مع العلم انى درجة سياحية)
بعدها اقلعنا على اثينا(وقت الرحلة حوالى ساعة ونصف).........مطار اثينا حديث ومنظم وهذا تم استخدامه اثناء الالومبياد 2004
سعر التاكسى من المطار الى وسط البلد -ساحة سيانتجما-ساحة امونيا-شارع شنقرو -يتراوح من 25 الى 30 يورو.
فية باصات تنقل من والى المطار ...بس كنا عائلة وما حبيت اتعبهم معى.
سلام

السلام عليكم
كان مخطط الرحلة كالآتى:
5ليالى اثينا- 5ليالى جزيرة كريت- 3ليالى اثينا
وكان يتخللها زيارات يومية للجزر القريبة من اثينا
الفنادق كانت: الماريوت (اثينا)..........كايدون(هانيا)فى جزيرة كريت............جاسون برايم(اثينا)

• انصح بشدة بحجز الفنادق عن طريق النت

وصلنا فندق الماريوت بالسلامة وريحنا............بعد ذلك بدأت المتعة.

هلا زياد
((جاسون برايم(اثينا))
هالفندق انا سكنت فيه حليو وغرفه جميله وتراه جديد لولا باب الحمام القزاز
تحياتي لك
السحاب

هلا السحاب وشلونك
باب الحمام كان مشكلة مهوب لانه قزاز,مشكله لانه ماله قفل...واللى معة اطفال هذى مشكلة...بس كان حركة جديدة.
ما دامك متذكر الى الحين باب القزاز.........شكلك صار لك موقف
سلام

والله انا بذاتي ما حصل لي لانه سبق ان مر علي زيه في باريس
لاكن كان معي زملاء صارت علوم وبلاوي وخلها مستوره وترى بوفيه الافطار جيد بس اطلالة الفندق لك عليها
بس ياليت تخبرني بكم اخذت ليلته ؟
تحياتي لك وعطنا علومك السنعه

أنا حاجز الأسبوع الجاي ع اثينا وبعدها فينا..يقولون أخلاق اليونانيين شينة!! خصوصا ان حرمتي مغطية..
حاجز ع المتروبوليتان بالاس..وشايل هم كلن يقول اليونان وع!!

السلام عليكم

• اخوى السحاب.............كيف حالك

شكلك حبيب وانا ارتحتلك........
بالنسبة لسعر الغرفة.........الغرفة اللى اخذت كانت رباعية...........Quadruple
وسعرها كان 730 ريال

• الاخ حر أبى............كيف حالك

انا ما انصحك بالمتروبويلتان لان موقعه حوالى 3 كيلو متر عن وسط البلد.........حاول تاخذ فنادق حول syntgma sq.
بحيث ماتتعدى المسافة عن 500متر
بالنسبة للمعاملة......ماوجدت اى مشاكل مع اليونانيين