ابو نزيه
11-12-2022 - 07:09 pm
أبشركم دخلت موقع يوروب كار
وكل جمله أسويلها قص وألصقها بالمترجم حق قوقل
وحطيت رقم بطاقة الفيزا حقت البنك ورقم انتهاء صلاحيتها
لمين خلصت أموري الحمد لله
الله يرزقني من خيرهم ويكفيني شرهم ياحي ياقيوم
وأرسلوا لي رساله بالأيميل فيها رقم الحجز والفرع اللي أبستلمها منه ( قرية فريلاسينق ) والفرع اللي أبرجعها فيه ( ميونيخ ) وأرقام تلفونات الفروع
هل تكفي رسالة الأيميل يعني أعتمد كل شي؟؟؟
الحساب اللي فيه الفيزا في الوقت الحالي مافيه أي مبلغ يعني فاضي بالعربي ولكن اذا جيت أبسافر سوف أضع فيه المبلغ عادي والا لا ؟؟؟؟
لكن عندي كم سؤال مهم جدا
1_ هل سحب المبلغ سوف يكون في الأيام هاذي والا اذا رحت للفرع الذي سوف أستلم السياره من عنده؟؟؟؟
2_ هل أقدر أدفع كاش هناك والا لازم الفيزا اللي سجلت بياناتها؟؟؟؟
3_ هل سوف أدفع زياده عن المبلغ الذي أرسلوه لي بالايميل ؟؟؟
يعني اذا قالو لي المبلغ 2000 ريال هل سوف يسحبون من هناك 4000 ريال ( هل الزود هذا يسمى تأمين )
و رمضان كريم وكل عام وانت بخير
راح اجاوب عليك من واقع تجربه وان شاء الله تكون افادتي كافيه
1_ هل سحب المبلغ سوف يكون في الأيام هاذي والا اذا رحت للفرع الذي سوف أستلم السياره من عنده؟؟؟؟
المبلغ يعلقوه لك لمن توصل عندهم يعني الان ما يسحبو ولا يعلقوا شي
2_ هل أقدر أدفع كاش هناك والا لازم الفيزا اللي سجلت بياناتها؟؟؟؟
لازم الفيزا وتبلغهم انك تدفعها كاش وراح يكون الدفع عند تسليم السياره
وهما فقط يعلقوا المبلغ على البطاقه ولا يتم سحبه
3_ هل سوف أدفع زياده عن المبلغ الذي أرسلوه لي بالايميل ؟؟؟
على حسب تجربتي معاهم يعلقوا عليك المبلغ مدبل عشان التامين في حالة اتاخرت
عليهم او جبت السياره وفيها ملاحظات مثل البنزين لاوم يكون فل لمن ترجعها
وما يعتبر تامين على الحوادث لا قدر الله ولكن تامين على التاخير او الملاحظات فقط كما ذكرت سابقا
هذا والله اعلم
ورحله سعيده ان شاء الله