بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



صيبا الخالد صيبا الخالد
الله يسسسعدكم ردو وعطونا من خبرتكم
02-10-2014 - 01:50 pm

مررررررررررررررررحبـاااااااااااااااااااااا..
وش اخباركم ؟؟
انا عندي كم سؤال وحابه استفسر عنه
انا ان شاءالله خلال الايام الجايه بكون بالكويت وهاذي اول سفره لنا برا سعوديه
حابه اسال كم يكفينا من ناحيه الفلوس لمده سبع ايام بتكون سفره بس انا وابوي
وش احلى شي عندكم مابي اروح مكان اتحسف اني رحت لها ويروح يومي عليه من ناحيه الاسواق ومتاحف وكل شي
والسينما يعرضون افلام مصريه كل يوم وكيف طريقتها؟
والمدينه المائيه فيه يوم خاص للنساء !!!!
اممممممم وش الفرق بين الدنيار وريال ؟
ياليت تفيدوووووووووووووووووووني





المشاركات

صيبا الخالد صيبا الخالد
الله يسسسعدكم ردو وعطونا من خبرتكم


وووووووووووين ردود


aDrenaline aDrenaline
الله يسسسعدكم ردو وعطونا من خبرتكم


حيااج الله حبيبتي انت والوالد بتنورونا

المبلغ مافي احد يقدر يحددلج اياه لان يعتمد عليج تبين تسوق ولا مجرد كافيه ولا سينما

بالنسبه للسينمات موجودين في 90% من مجمعات الكويت وفيها افلام مصريه حسب الموسم
اذا بتزورين الكويت هالايام روحي عسل اسود لاحمد حلمي

الاكوابارك فيها يوم خاص بالحريم اللي اهو يوم الثلاثاء لكن اتمنى تتأكدين لاني مارحتلها من فوق ال 8 سنين يمكن

اليوم الاول ترتاحون
تروحون تتغدون بمطعم فريج صويلح بالسالميه بجانب مجمع المارينا مول من جهه الشارع مو البحر
وتروحون تالي تتمشون بمرينا مول وتشربون كوفي وتدشون سينما
ثاني يوم تروحون الافنيوز تفطرون هناك تقدرون تجربون فطور (دين اند ديلوكا, نابكت , لو نوتر , بي كيو و غيرها ) تتسوقين وتقدرين حتى تتغدين بالمجمع وهم بالامكان تدخلين سينما
اليوم الثالث تتغدون بفيلا فيروز في منطقه الشعب البحري على طريق الفحيحيل السريع جهه مدينه الكويت
وبعدين تروحين المركز العلمي تتمشين بالاكواريووم وتدخلين موفي ) وبالليل تروحين مجمع 360 في منطقه الزهراء واهو مجمع جديد وفيه كافيهات حلوة مثل لايف ويذ كوكو (كله تشوكليت ) او لورينزيو (انصحج بجوكليت تشيز كيك) وغير المطاعم الموجوده مثل صباح ومسا اللي اهو فرع ثاني لفيلا فيروز وكذلك مطعم شابستان الايراني وفيه ايضا سينما وماركس سبنسر ومانغو وجوسي
وتقدرين تحطين الاكوابارك باي يوم من الصبح الى الظهر وتردين تريحين وتتغدين بمكان بمجمع او تجربين مطاعم غريبه حلوة مقابل قصر السيف وقبل مجلس الامه تقدرين تجربين برجر هب او برايم اند توست


وحياج الله

بالنسبه للريال السعودي بصراحه على اخر خبري فيه يساوي 800 فلس اقل من دينار بشوي


aDrenaline aDrenaline
الله يسسسعدكم ردو وعطونا من خبرتكم


ولاتنسين تجربين جوكليت بار
اهو كافيه خاص بالجوكليت ويوفر بعد وجبات خفيفه وباستا
تلقينه بالافنيوز والمرينا (مرينا كرسنت يعني الجزء اللي صوب البحر) وتلقينها بعد بالبدع
البدع هذا مكان تلقين فيه مطاعم وكافيها ومكان اسمه سكوب ا كون يبيع ايس كريم ويتوسطهم فندق الموفمبك


كويتي1968 كويتي1968
الله يسسسعدكم ردو وعطونا من خبرتكم


بسم الله الرحمن الرحيم

حياكم الله في الكويت

الدينار الكويتي = 13 ريال سعودي

10 دنانير 130 ريال

100 دينار = 1300 ريال

حاظرين لاي استفسار


Al_king 2010 Al_king 2010
الله يسسسعدكم ردو وعطونا من خبرتكم


السلام عليكم اختي هاذا جدوا سبع ايام تفظلي



اليوم الأول :
ص:الوصول لارض الكويت الغالية + الراحة و مشاهدة الفندق
ع:التسوق في المارينا + الغداء في أحد مطاعمها
م:زيارة المركز العلمي+دخول السينما اللي فيه+العشاء فيه

الثاني:
اليوم الثاني مخصص لمنطقة الري و الفروانية و المجمعات الموجوده فيها
ص:الإفطار في الافينيوز+ دخول سينما الافينيوز
ع:الغداء والتسوق في الافينيوز+ الذهاب لحديقة الحيوان
م:التسوق في الفروانية: العربيد للدراريع و العبي و العربيد بلازا و الحمراء مول و الأسواق الشعبية الأخرى

الثالث:
ص:الإفطار و التسوق في مجمع شرق
ع:الغداء في مطعم ميس الغانم بشارع الخليج
م: ألعاب الاكوابارك المائية +مشاهدة الابراج

الرابع :
اليوم الرابع مخصص لمنطقة حولي
ص:الإفطار و التسوق في مجمع المهلب ( حولي)
ع:الغداء في مطاعم المهلب+دخول السينما بالمجمع
م:زيارة حولي بارك+ التسوق في النقره الشمالي و الجنوبي و باقي اسواق حولي مثل العثمان و سنتر بوينت + العشاء في أحد مطاعم حولي

الخامس:
-جولة في شارع سالم المبارك و عشرات المجمعات التجارية الراقية فيه "مثل بلازا-الثريا-الفنار-البستان-ليلى جاليري-أمنية...الخ".
-في المساء الذهاب لمنتزه الشعب الترفيهي بشارع الخليج العربي و قضاء بقية المساء فيه مع تناول العشاء في المطاعم الريعه هناك.

السادس:
ص:الإفطار في المارينا و ركوب قوارب التأجير
ع:الذهاب لقرية المسيلة المائية و الغداء فيها+صالة التزلج
م: حديقة الشعب الترفيهية+العشاء في مطاعمها

السابع :
ص:الافطار في مجمع المنشر و الكوت
ع:الغداء في مطاعم احد المجمعين+دخول السينما
م: الاستعداد للعوده لارض الاوطن


صيبا الخالد صيبا الخالد
الله يسسسعدكم ردو وعطونا من خبرتكم


مررررررررررررررررررره مشكورين
الحين في سينما مانزل الافلم احمد حلمي !


كويتي1968 كويتي1968
الله يسسسعدكم ردو وعطونا من خبرتكم


السلام عليكم

هذه كل الافلام الي تعرض حاليا Cinescape - Now Showing


صيبا الخالد صيبا الخالد
الله يسسسعدكم ردو وعطونا من خبرتكم


مررررررررره شكرآ الله يخلي لك احبابك ..
بس عندي سوآل افضل سوق عندكم !
و المتحف حق الحرب الخليج وينه فيه لآني شايفه له كم صوره حاطها عضو رايح لها !


صيبا الخالد صيبا الخالد
الله يسسسعدكم ردو وعطونا من خبرتكم


وبالنسبه للجت سكي موجوده في كل الامكان فيها بحر ؟؟



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

الله يسسسعدكم ردو وعطونا من خبرتكم