الماسة السوداء
06-12-2022 - 06:49 pm
اتمنى يكون تقريري البسيط خفيف على قلوبكم
وبدش في الموضوع على طول يزعم ماعندي وقت
كان يوم جمعه وكالمعتاد تكون اليمعه هاليوم بيت الوالد على الغدا
وعلى طاولة الطعام نتريا ينزلون الاطباق وانا اطقطق في البي بي وهذره مع الربع
والا وحده تقول شرايكم نروح كويت طبعا قطتها عن غشمره واحنا بما ان ماننعطى ويه قلنا نروح ليش لا وحزه الحزه قامت تجيك التذاكر والسكن والحمد لله تيسرت الامور
رديت البيت بسرعه وبرزت اغراضي وطيارتنا كانت بالليل
6 بنوتات دشو المطار وكل وحده ساحبه شنطتها ومومصدقين الينون الي فينا
وصلنا بالسلامه وكان في دريول ناطرنا
وصلنا للشقه الي حجزنا فيها
بودل للشقق الفندقية
اللوبي
رحلتي الى الكويت
ورحنا مجمع الفنار
وبما ان الكشته يوم واحد كانت السهره صباحي هذره وسوالف لي وقت صلاه الفجر
وبعدين قلنا نريح شوي حق انتنشط ثاني يوم
ثاني يوم قمنا من وقت وقررنا نروح نتريق في مطعم سواح
وبعد ماتسوقنا بالمول رحنا نسوت بجوكليت بار يمي يمي
بعدين طلعنا من الافنيوز ورحنا مدينه المعلم
خلصنا تفرفر وردينا الشقه حق نبرز اغراضنا ونستعد للرجوع
والي ايي كويت ومايمر فريج صويلح ماجنه زار الكويت
قلنا نتغدى فيه قبل لانروح المطار
ومنها للمطار على طول على امل الرجوع لها في القريب العاجل