حياج الله إختي ألحين بدز له إيميل وبإذن الله راح أتواصل معاج ولا تحاتين في شوفير ثاني لا يقل عنه خلق بس عطيني فرصة اليوم

إختي أول شي سامحيني على الخطأ غير المقصود لأني كتبت الرقم ناقص 4 بعد الأربعتين عموما عدلت الرقم بنفس المنتدى وكلمته ووصيته عليج ومن حظج الحلو
شرى سيارة جديدة وكبيرة الله يهنيكم ويونسكم بالسفرة ولا تنسين تدعين لولدي عبد الله إن الله يوفقه بدراستة بأمريكا

ثانكس .....
صرت طماع اول شي انا والحين ولدي ......بس والله تستاهل كل خير ...
الله يوفقه وينجحه ويسعده ويكون من الاوائل مع مرتبة الشرف و يرده لكم سالم غانم ..... ولي بالمثل
قول امين ....كل مادعيت لولدك تذكرني ..

تذكرت شي مهم ......
هو المفروض يطلب بحدود كم يعني ماكسمم كم يطلب ....او كم يستاهل لو خذناه 10 ايام ....
ولا ناخذه في مناطق معينه بس ؟؟؟؟
لان انت تدري لما يعرفون ان انت من بره... في اي دول يغلون عليك الدبل ...

إختي بالنسبة للسعر ما أقدر أحدد لج لكني متأكد إنه ما راح ياخذ منكم أكثر من غيركم وفي عدة إعتبارات أول شي إنها سيارة جديدة وكبيرة وثاني شي هو الأهم إنه بشوش وخدوم وصدره وسيع صدقيني آنا جربت غيره وحرمت ولما يعرف إنج من طرفي ما راح يقصر معاكم وبعدين لما تكون جولاتكم داخل دمشق سعر وخارج دمشق سعر ثاني بس آآنا واثق إنه ما راح يزود عليكم السعر وبإذن الله بتصل عليه باجر وأأكد عليه.. نصيحة أخوية خلوه معاكم خلال فترة سفركم ولا تجربون غيره وتندمون وآنا متأكد إنكم أول ما تشوفونه بترتاحون له وتراه خدوم وبيكون تحت تصرفكم والسكن عليه إذا طلعتوا برا دمشق
وبإذن الله راح تنبسطون برفقته ولكم الدعاء بظهر الغيب
ولا تنسين تدعين حق عيال فريجنا ههه

دقيت عليه وكلمته و اول ما كلمته
(قلت خلني اتكلم بالسوري بس مافي امل )كان هندي يتكلم عربي ....
قالي انتوا من طرف ابو عبدالله (قلت ياسلام هلا والله ناوي يدبل السعر )
قلت اي وقعد يرحب ويمدح وستاانس .
(يالله يعم من قدك )
وبعدين رجعت اللغه قلت دام ان درى من احنا خلاص راحت علينا
المهم يقعد يشرحلي عن سيارته حسسني انها بنتلي كونتنتل (قلت ياحبيبي كم بياخذ على المواصفات هذي)...قال اخذ 6000على اليوم في دمشق وخارجها 7000على اليوم( اهني رجعتلي الروح استانست ) ..قلت له عشر ايام كم تاخذ قال بحدود 70,00 الف ( والله تمام )قلت مافي دسكاوند قال والله عطيتك السعر منيح واسالي ابو عبدالله وكانت عندي سياره قديمه مو جديده واعطي نفس السعر .وقال لما تشوفي وين اوديكم واجيبكم راح تنبسطو وتألوا السعر شوي .... قلت خلاص بنكون على اتصال لما اوصل قال اهلا وسهلا ....وانتهت المكالمه ....
في النهايه طلع سعره تمام ولله الحمد .....
انا نويت ادعي لهل الكويت كلهم مو بس فريجكم ....بس خلاص عاد ...

الحمد لله إن السعر عجبكم ومثل ما قال لكم عقب ما تخلصون راح تحسون إنكم ما خسرتوا وإن الريال يستاهل والله يا إختي إني مستانس لكم جنكم من الأهل
راح يكون تحت تصرفكم من الصبح إلى الليل بالنسبة للمطاعم عادة آنا أخلي وجبته على حسابي لأنه يستاهل وهو ما يطلب أكثر من حاجته ...
السعر ممتاز إذا قستيه بتأجير سيارة من غير سايق وإذا توزع على المجموعة بيكون مقبول ... والله يا إختي راح تذكرين كلامي من تشوفين الريال وابتسامته
وروحه الطيبة
بتقولين الحمد لله ما طحنا بغيره
الله يسهل عليكم سفرتكم وإن شاء الله تستانسون وتستمتعون بالمأكولات الطيبة
والحلويات المميزة بالسمن البلدي وشراب التوت الطازج وفطاير التنور
والفواكه الطبيعية اللي ما تعرف الكيماويات
( لا تخافين ما راح أحسدكم .. عليكم بألف عافية )
وإن شاء الله يكون بو حامد عند حسن الظن فيه وإذا قصر دقي علي من تلفونه وآنا أأدبه
إختي لا تنسين تدعين حق المسلمين في كل بقاع العالم
بحفظ الله ورعايته
إخوج بو عبد الله

معليش على المداخله !!! سعره 6000 الاف ليره باليوم و7000 الاف ليره خارج دمشق وسعره تمام ؟؟ يعني 70000 الف عشره اياام ؟؟؟
معليش على الكلمه هذه بس هذا حرامي مرره , ونصب عليكم بزياده ,,, احنا كنا نستأجر واحد لو مرره بحبحناه عطيناه الف ليره باليوم ويتحمد ربه وجهه وقفى .. اتمنى انك ماتستعجلي بالموضوع ترى المبلغ خيالي مره واسئلي بالمنتدى اكثر والله اشحن سيارتي اوفر لي مليون مره

إختي في نفس المنتدى اللي فيه رقم الشوفير بو حامد أرقام عدد من الشوفيرية ما في ما يمنع من الإتصال والمقارنة بالأسعار لكن مسألة إنج تحصلين واحد إذا بحبحتيه ياخذ ألف تحتاجين تردين الزمن عشر سنوات ورا
وتأكدي من سعر استئجار سيارة 8 ركاب موديل 2010 مع السايق وبدون السايق علشان تعرفين الأسعار اشلون ارتفعت بسوريا وخاصة بهالصيف ..
ومن وجهة نظري شخصيا أدفع زيادة وأشتري راحتي ولا أدور الأرخص وسيارة سكراب ونفسية زفت ولا يدل شي وهذا اللي حصل معاي يوم حبيت أجرب الأرخص
الرجال محترم وخلوق ويخاف الله واتهامه بالنصب والحرمنه حرام
ولكل إنسان وجهة نظره