تقرير جميل ننتظر بقيته باذن الله

شكرا اخوي مسافر البحرين .. وياهلا باول واسرع رد وصلني ... وطمني ان شاء الله الصور طالعه ...

ماشاءالله بدايه جدا حلوه
الحمدلله على سلامتكم وحياكم الله بالبحرين يالغاليه ..
بانتظار الجزء القادم .. متابعين

اهلا وسهلا بمزون بصراحه اهل البحرين دايما ترحيبهم حار وسريع وبشوشين والظاهر مشرفين بوابة البحرين نفس الشي
كل الشكر لكم على سرعة الرد والتشجيع

ان شاء الله بو احمدي .راح اواصل
اشكرك على ردك اللطيف

1. دخلنا الرسبشن .. كان صغير نوعاً ما بس فيه جلسه صغيره للإنتظار ..

دخلنا الرسبشن .. كان صغير نوعاً ما بس فيه جلسه صغيره للإنتظار ..

حجزنا كان سويت غرفة وصاله والحجز عن طريق احد المواقع بالانترنت وكان ارخص عرض شفناه بسعر 800 ريال لليله تقريبا ... ولين رحنا كانت كل السويتات الي بغرفه وحده مخلصه فعطونا سويت بغرفتين نوم وصاله و 4 حمامات ومطبخ ومكتب .. بس قفلو عنا غرفه وحده بحمامها فبقى لنا باقي السويت 3 حمامات + مطبخ + صاله + غرفة نوم + مكتب ....
هاي شنطتنا اليتيمه الصغيره الي كانها مالت هاواي خ اخذها الخادم بالترولي الى الغرفه
من هالممر نروح لحمام السباحه في الجهه المقابله للبحر
وهاي العاب للاطفال (( والكبار مثلنا اذا حبو يلعبون )))
ركبنا اللفت الى الدور الثاني
وهاي صوره للمنطقه المحيطه بالفندق من الدور الثاني ..
هاي المواقف الصوره مأخوذه من الدور الثاني
المزيد من الصور العلويه لمحيط الفندق
ووصلنا الغرفه ... ولحد الحين وانا كنت حاسه ان اثاث الغرفه راح يكون عادي او اقل من العادي مادري ليش ..
ودخلنا الغرفه ... وبصراحه اتفاجأنا ان الغرفه والاثاث وكل شي كان فوق المتوقع بوايد بصراحه حبينا الغرفه والفندق بكبره روعه ...
خلوني اخذكم بجوله قصيره في السويت ... نبدأ جولتنا بالمطبخ ... هاي البوابه المؤديه الى المطبخ ..
المطبخ من الداخل وفيه كل ادوات الطبخ و غرشتين ماء و عدة القهوه والشاي مجانا ..
هاي الباب الي في الوجه هو باب السويت وهالممر يؤدي الى الصاله ... تعالو حياكم ..
حياكم في الصاله ...
تعجبني اللمسات الجماليه في المكان
طاولة الطعام .. على طرف الصاله
شي حلو وراقي
منظر عام للصاله .. بس اسمحولي عالعفيسه خخ
وهاي المنظر من شباك الصاله وغرفة النوم يطلع على البحر وحمام السباحه وفي الجهه المقابله فندق سي لوفت
ادري .. كثرت صور الصاله ... لهالسبب بخليكم الحين ترتاحون ... وبعدين ننتقل الى الجزء الاخر من السويت
اتمنى اني مااكون مللتكم

الله يعطيج العافيه عواشه

الله يعافيك مستر كويت وياهلا فيك