اخت رومانسيه جربتي علاجاتهم ؟

أخوي ابو أحمد تري سيرلانكا مشهوره بالأعشاب بس وين بالضبط مادري؟؟؟
أذكر كان عند بيت واحد من الربع سايق سيلاني أصابه مرض السكري وصار ياخذ يوميا أبرة سكر لمدة سنة
عاد طلبهم يبي أجازه يروح يعالج بسيلان وفعلن راح وبعد اربعة شهور رد
ودوه العائله يفحص والغريبة أن الفحص طلع مافيه سكر شلون يقول من الأعشاب والله أعلم انت أخوي إذا رحت أتعب علي شخص كل العالم تزكيه لك

اخوي مترحل شكرا على اجابتك فعلا سيرلانكا مشهوره بالعلاج العشبي وانا ان شاء الله ناوي الذهاب برفققة احد الاخوه بعد ان سمع ان هناك علاج فعال لانبات الشعر وانا شخصيا ابحث عن علاجات لامراض الجهاز الهضمي ، وان شاء الله نستفيد من تجارب الاخوان اعضاء المنتدى الذين جربوا علاجات سيرلانكا العشبيه ، واعتقد جازما بان اعضاء من هذا المنتدى المبارك جربوا هذي العلاجات اويعرفون من جربها ومتاكد انهم لن يبخلوا بافادتي عن تجاربهم

الله يكتب علي أيدينهم العلاج الشافي لك وصاحبك وكل المسلمين أنشالله

الله يجزاك خير اخ مترحل ، وانتظر مشاركات باقي الاخوه .

بما انك سألت عن الشعر
اعرف صديق جاء من فتره وجاب معه بعض الخلطات من هناك
لكن الان له قرابه 3 اسابيع وما شفت عليه ذا التحسن

اخوي سدير شكرا على ردك ، وفترة ثلاث اسابيع غير كافيه للحصول على نتائج ايجابيه ، ان شاء الله مع مرور الوقت يتحسن خويك ، واذا تحسن تكفى تفيدني عن مكان العلاج وجزاك الله خير .

السلام عليكم ..
تقصد spice garden
رحت لها و شفت الأعشاب و شرح لي كيف يحضرون الأدوية و الخلطات
كل شي طبيعي عندهم و أكثرهم نباتيين ..
ما اشترينا أدويه من هناك غير زيت اظن للمساج زي الفيكس بس بدون تربنتين ..
اتذكر العامل هناك وراني رسائل ناس من عدة بلدان ( اليابان ، ألمانيا ، الولايات المتحدة ، بريطانيا ... )
جربو منتجاتهم لعلاج عدة أمراض ( أكزيما ، ... الخ ) و كانت فعالة و طلبو منهم يرسلون لهم زياده منها ..
للحق كانت الرسائل كلها مغلفه و موقعه بعناوين أصحابها و بعضها فاكسات ! .. ما أدري لو كانت خدعه أو لا ..
فيه ورقه عطونا اياها عن منتجاتهم و ليش و كيف .. بدورها لو لقيتها ان شاء الله بأسوي سكان و احطها لك هنا
بالتوفيق ،