كويتية بنت جابر

• اذا انتي تحبين السوق روتردام سوقها احلى

بس هم تقدرين تسكنين بلاهاي وتروحين حق روتردام بالقطار

• وبالنسبة حق كولون ترا اهيا عن طريق بروكسل اقرب من امستردام

تقريبا المسافة ساعتين

• وعندج موقع حق الفنادق واايد حلو

http://www.hotels.com

• وبالنسبة حق القطارات انا والله ولا مرة جربت احجز من قبل

كله اروح قبلها بيوم المحطة واحجز حق رحلتي
عشان جذي ماعندي فكرة عن الحجز بالانترنت
واذا تبين معلومات اكثر دشي الصفحة اللي انا مسويتها عن هولندا
وباذن الله تستفيدين منها
ورحلة سعيدة

ما قصرت خبيرتنا نوره
كولون تروحيلها من بروكسل أفضل عن طريق قطار تايلس http://www.thalys.com/
والمدة المستغرقة ساعتين
بالتوفيق

اختي بنت جابر
انا بالنسبه لي مااقارن ابد بين دن هاق الي تسمى لاهاي وبين روتردام دن هاق جنبها مدينه صغيره على البحر اسمها شغيفننق ( ادري اسمها صعب ههه) بس لاتفوتكم واسكنو باوتيل اسمه كورهاوس مدينه مره رايقه وحلوه
واذا انتي تتكلمين على الاسواق هولندا بوجه عام اسواقها مو حلوه يعني لاتركزين عى الاسواق
في امستردام فيه اوتيل حلو مره وغرفه واسعه بصراحه نسيت اسمه بس جنبه ستيكهاوس.
ارجع واقول لاتفوتك شغيفننق

1. http://www.kurhaus.nl


2. معالم هولندية

انصحكم بفندق كور هاوس kurhaus في سخيفينينقن scheveningen .. قد يعيب الغرف المطلة على البحر صغر حجمها و لكن المنظر الخرافي يتسيكي كل شيء

http://www.kurhaus.nl

بالنسبة للسوق في ال سنترم centrum في نفس المدينة حث ان لاهاي او دان هيغ هي المدينة التي تحوي ضاحية سخيفينينقن
بالنبة للفندق يقع على البحر و يوجد مطعط تركي تحته مباشرة و اكله حلال و يوجد العديد من المطاعم و القهاوي على شاطيء البحر كما يوجد بجانبه مركز للتسوق السريع و فيه بقالة و فيه صالة بولينج و محل لعب للأطفال و صيدلية
و امام الفندق مبنى السينما .. و هذا كله اللي ذكرته ينراح بالرجل من دون اي وسيلة مواصلات
أما بالنسبة للسوق فمن خلال الترام الذي يقع امام الفندق ايضا تستطيع ان تذهب للسنترم و هو السوق المشهور يوجد اسواق و محلات و مطاعم بس اسأل و الكل بيساعدك
ام بالنسبة لامستردام في فندق اسمه بارك بلازا يطل على النهر و قريب من السكوير و اسعاره معقولة جدا
http://www.parkplaza.com/hotels/netamst
اما بانسبة لروتردام فنذهب اليها عادة لأخذ نزهة بافينة و زيارة حديقة الحيوانات
من اهم المناطقة التي يجب رؤيتها :
للأطفال

• walibi world
• efteling
• dunirell
• madouradam
• sea life scheveningen
• amsterdam or roterdam zoo

معالم هولندية

• رحلة الكنال في امستردام بالبوت رحلة نهرية
• زيارة مصنع الجزم و عروض الجبن و مصنع الجبن
• متاحف الفنانين في امستردام
• برج نيت امه في روتردام
• مصانع البورسلين الملون بالأزرف في delft بالقرب من لاهاي
• الدولفينيريوم عروض للدلافين و الحيتان
• الحدائق الخضراء المتعددة و حدائق الزهور

و نسيت الباقي هاها اتمنى اكون افدتك

1. السلام عليكم 000

السلام عليكم 000

طبعا انا انصح وبقوة بهولندا لانها ديرة مو طبيعية حبيتها من اول مرة رحتلها000
امستردام تهبل وممتعة وفيها فندق الماريوت عجيب وموقعه ممتاز عند النهر والكافيهات والسكويروالزيطة كلها قريبة منه بدون تكاسي مجرد تمشي ورجعة للفندق00وفيه رحلة تحجزينها من المكاتب السياحية هناك( تاخذكم للطواحين ومصانع الجبن ويلبسونكم اللبس الهولندي ويفترون بالنهر000الخ)يعني يفرون فيكم لاهم معالم هولندا وفيه عروض للدلافين وشغلات ماتخلص
بي اذا معاكم اطفال ماانصحكم تطولون لليل لان فيها بعض المناظر من حشيش وبنات ليل ب00بس محد له شغل بالثاني يعني امان
واناا نصح بقوة بلاهاي00منطقة قمه في الروعة والرومانسية والوناسةوفيها سوق حلو00ولايطوفكم فندق كراون بلازا عند البحيرة والسوبر ماركت ومحطة الترام وبالنص بين البحر(شخيثننق)والسنتر(سنترم)بس تركبين الترام ودقيقةانتي في البحروالا السنترم00 يعني فندق يهبل وسعره زوغة ب 34 دينار بس
والبحر فيه عروض ورقص ونطاطيات للكبار والصغار على الشاطئ ومطاعم عجيبة من الرخيص للغالي والسي وورد وكلها على الشاطئ00وفيه فندق الكوراهاوس عجيب على البحر مباشرة بحدود ال80 دينار00ولا يطوفكم يوم الجمعه هناك فيه عروض بليل بالمفرقعات(الجراغيات)على البحر شي خيالي
0000اما السنترم يهبل وممتع ومطاعمه تهبل وقعدته عجيبة وسوقه حلو كله ماركات وفيه سوق تطلعين له بالنفق اغلى شي ب 4 دنانير فيه كل شي جناط -ساعات-بوكة-لبس-نعال-فواكه-سمك-حزم-0000الخ وشغله حلو يصلح هدايا(رخيص وكويس)
اما روتردام ما انصح انكم تقعدون فيها ماتسوى00انا قعدت فيها يومين وتحسفت بس سوق00 واختي جتها بقطار لمدة ربع ساعة من لاهاي تسوقت ورجعت 000هني انا احتريت وتحسفت فلوس الفندق00 والقهر ان اختي وزوجها تذكرتهم القطار بحدود ال4 دنانير وانا طلعتلها بتاكسي ب 30 دينار
0بالنسبه للقطار احجزوه من هناك متوفر بكل وقت وسعره رخيص والترام احجزوتذكرته لمدة اسبوعين من المحطة يطلع عليكم ارخص بكثير من التذكرة اليومية000
من وجهة نظري وتجربتي خلو اغلب اقامتكم بلاهاي وتقدرون تطلعون لاي مكان منها وترجعون لها بقطار
اما بلجيكا ما انصح فيها بتاتا طلعتلها بقطار من لاهاي00بصراحه ماعجبتني كلش وكلها سرقة ومافي امان00لان العرب اينما وجدووابصراحة يخربون كل شي وهي كلها مغاربة00غير مريحة وما ستانست فيها وتحسفت طلعتي من لاهاي عشانها بس اشوة كنسلنا الايام الباقية وجددناها بلاهاي00صج خسرنا فلوس بس اهم شي راحتنا ووناستنا000
وحاضرين للطيبين

مشكورين وجزاكم الله كل خير يارب ما تقصرون ودوم هذا العشم فيكم