وياهلا فيكم ..
اذا كان عشانكم وعشان اخوانك الافضل بينانغ ...
واذا علشان الطبيعه والهدوء لنكاوي افضل لكن اجوائها حاره ورطبه ..

أنا اقٌول لنكاوي فيها نشاطات واسعه وهدوء رايق .. وروحي للي يمليه ذوقك ولاتقيسين لذوق غيرك
الا بنصيحه فقط
شوفي نشاطات بينانغ هل تميل لذائقتك
وشوفي نشاطات لنكاوي هل تميل لذائقتك
انا شفت الاثنين لكٍن حبيت إني اروح لنكاًوي وكنسلت بينانغ وماندمت صراحه
رحلة المانغروف مرره رهيبه لاتتواجد مثلها في بينانغ ومتأكده بتستمتعون فيها
التلفريك روعه ومافيه مثله ببينانغ فيه القطار المعلق لكن زحمه ونظام سيء وممل عكس تلفريك لنكاوي
الشلالات بكل مكان ..
حديقة الفواكه بالأثنين ..
النباتات والفراشات والتوابل لو تميل لذائقتهم في منها بكوالالمبور
الطيور في كل مكان كوالا ولنكاوي
السوق الليلي في بينانغ فقط وانتٍ رافضته
نشاطات الشاطيء جت سكي وبنانا وخيول موجوده في الاثنين انا شفتهم في شاطي ء برجايا لنكاوي
وموجوده في باتوفرينجي ببيننغ
انارشحت لنكاوي

انا ارتحت اكثر في بينانق اكثر عندي اونس من لنكاوي
وبالتوفيق
اختك ام سلمان.

بصراحه بيننغ أفضل وأونس
لنكاوي هدوء في هدوء ولا تصلح الا للمعاريس فقط ، ولا يوجد فيها انشطه بحريه مثل ماهو موجود في بيننغ ..
اما انتو عائله فنصيحتي لكم بيننغ وأختيار احد الفنادق اللي على شاطيء باتو فرنجي مثل " فندق بارك رويال - فندق جولدن ساندس " ..
وبالتوفيق ..

عيب بيننج بحرها الخابط
وكثرة الدول( gel fish) فيه وبالنسبة لحديقة الفراشات والفواكه وغيرها فموجودة في أكثر من جزيرة أما سوق الليل فبضاعته تلقينها عند الأسواق الشعبية بالكويت يعني أم دينار ونص.. وكل إنسان له جوه يعني اللي تعود على السباحة بالبحر والغوص ما راح يستانس في بيننج لكن اللي مناطق سكنهم بعيدة عن البحر أكيد بيستانسون لأنهم أصلاً لم يروا بحراً ليتمكنوا من المقارنة
وهناك من يستمتع بمجرد الجلوس على الشاطئ والتفرج على الناس وكل إنسان له وجهة نظر . على العموم ممكن توزعون المدة بين الجزيرتين وتحكمون بأنفسكم .

مؤيد لرأي الاخوان في أختيار بينانق
خصوصاً انكم عائله ومعكم شباب الله يحفظهم يحتاجون أنشطه اكثر
وبينانق الحركه فيها اكثر من لنكاوي اللي تميل للهدوء خصوصا ليلاً تنتهي جميع الانشه ...
بالتوفيق

احس بيننغ احلى وايد أما لنكاوي وايد هاديه تناسب العرسان اكثر مب العوايل

السلام عليكم
إذا قدرتوا تجربوا الثنتين يكون افضل
ولكن دام معك اخوانك فبينانق افضل واشرح ولكن لازم السكن يكون علي شاطئ الباتو فرنجي
وبينانق فيها رحله بحريه وشواء وجزيره للسباحه نفس رحلة المانقروف اسمها جزيرة القرود
وفيه جزيرة جميله جدا اسمها جيرجاك ممكن السكن فيه يوم او يومين داخل البحر مقابل شاطئ بينانق
اللي مقابل سوق كوينسبي فيها فندق جميل ورخيص
وتلفريك لنكاوي ممكن الإستعاضه عنه بتلفريك جينتنق
وعموما بينانق في الليل التسوق بالسوق الليلي او التمشي بشارع الباتو فرنجي ممتع ويكون الجو فيه برود نوعا ما
انا ماقول هالكلام يعني لنكاوي مو حلوه بالعكس جميله وتستحق الزياره ولكن اللي
معاه اولاد وكبار بيزهقون فيها مع الغروب خلاص نوم حتي تلفزيون مافيه وجوها حار ورطب
وبالأخير وش تميلون له انتوا

مشكورين أخواني على الإفادة
بصراحة أنا خاطري في لنكاوي
وعلشان ()()( تلفريك لنكاوي ،، منصب النسر ،، فندق ويستن لنكاوي )()()
والموجود بكل الجزر
()()( رحلة المنغروف ،، حديقة الطيور و الزهور ،، البراشوت و البنانا والجت سكي )()()
وبينانج
()()( السوق الليلي ،، القطار المعلق ،، حديقة القرود )()()
ها شنو رايكم بالأماكن الموجودة فوق
أكتفي ب لنكاوي 3 ليالي ولا أربع ليالي مقسمه ليلتين لنكاوي وليلتين بينانج
بفنادق ويستن لنكاوي ليلتين ،، فندق بارك رويال بينانج ليلتين
لأن كثر ما نقدر لأن عارفة بيستانسون أخواني ب كوالالمبور وجينتنج و صنواي لاقون
والرحلات على طيران أسيا تكون صباحا ؟؟