يامرحبا بك في قطر
انصحك تشوف سوق واقف وفيلاجيو واللؤلؤه

هلا فيك اخوي وتنور الدوحه بوجودك ...
واقتراح لافندر رائع ( سوق واقف واللؤلؤة وفيلاجيو ) من الاماكن المميزة للزيارة ...
اقامة سعيدة ...

حياك الله في بلادك قطر
انصحك في المتحف الاسلامي وكرنيش الدوحه وحديقة سباير زون
واي خدمه احنا حاضرين

لافندر25
اشكرك لافندر عالترحيب و انا احس اني في بلدي...
ال3 اماكن اعرفها كويس و رحتلها كذا مره من قبل...مشكور عالمجهود ما قصرت

عيد824
الله يحييك مشرفنا الغالي...
صراحه هالاماكن حلوه كتير و من اول مره جيت اروحلها دايما...انا ابي اسال لو فيه اماكن جديده ترفيهيه انبنت من مده قصيره...
تحياتي.

qatar3333
الله يحييك و انا فعلا في بلدي...
ان شاء الله بروح الحديقه الي دليتني عنها و شاكرلك يا طويل العمر...
تحياتي.

اهلا وسهلا بك في قطر
وان شاء الله تستمتع باجواء الدوحة الرائعة ...
طبعا ماشاء الله انت من اهل قطر وتعرف ارضنا مثلنا ....وكم يسعدني عشقك لبلدي الغالي
اخوي ابومالك ...طبعا المطاعم زادت بكثرة ....لكن كنت ولازالت اوصيك بسوق واقف واستغل
هذي الاجواء الحلوة قبل تتغير...طبعا عندك اللؤلؤة زادت المحلات والمطاعم بها
يعني صار عندنا فرع لمطعم الانتر كوت (الفرنسي ) الرائع كذلك انصحك تمر مطعم النبلاء بجوار فوشون
قبل دوار مدماك ....وانصحك تمر الدايت شوب مقابل مكتبة جرير عند اشارات رامادا
الاكل عنده بحد ذاته متعة ...طبعا اتمنى انة يكون معك وقت تمر المتحف الاسلامي وتستمتع به
واذا صادف الجمعة وانت في الدوحة اتمنى انك تمر برنش الجمعة في فندق الفورسيزن رائع جدا
واي سؤال ابشر به وانا اختك

مرحبا فيكم يا أهل قطر يا أساس الكرم والطيبة
ياليتكم ماقلتوا لأخونا أبومالك (عمدة باريس ) عن سوق واقف والؤلؤة البارح من الساعة 10 ونص مساء لغاية 3 الفجر وأحنا بهالمكانين لدرجة سوق واقف سكر خلاص وهو مستمتع للآخر مايبي يقوم .
الله يتمم عليكم نعمة الأمن والأمان في ديرتكم الطيبة بصراحة في كل مرة أزورها تتغير وأكتشف أشياء يديدة .

abofawaz
ماشاء الله
الله يهنيكم ...اجل ننتظر تقريرين عن قطر منك ومنه