اخي الكريم /ارض الله السلام عليكم و رحمة الله و بركاتة
مملكة تايلند تضم ما يقارب ال 6 مليون مسلم من عدد سكانها و ايضا مستثمرين و تجار و سياح و غيرها من المسلمين من البلدان الاسلامية موجودون بتايلند 0 بالنسبة للمسلمين لهم اسواقهم الخاصة لحوم و الدواجن و تأكد من ذلك 0
تحياتي لك ""
اخوك / حسن الحمادي1

حسن الحمادي1
وعليكم السلام والرحمة والاكرام
ممكن ما عليك امر تعطينى اسماء الاماكن الى فيها حلقة في بانكوك وبتايا واذا فيه محلات جزارة اكون لك شاكر

في بانكوك تقدر تاخذ اللحوم من المطاعم العربية تتفق وياهم على السعر وانا شخصيا كنت اخذ لحومي من مطعم شهرزاد في نانا تقريبا الكيلو ب 300 بات كما يوجد دجاج مذبوح حلال بسوبرماركت فود لاند اللي بالحي العربي مقابل فندق اماري سوي 5

الحوسني
مو هذى المشكلة ؟؟ حبيبي الحوم للاستهلااك التجارى ابغى افتح كفتريا او مطعم وما استفيد شي من شرا الكيلو !!
دلنى على مكان الحلقة الله يرحم والديك وانا اشتري بنفسي واذبح بنفسي .

أخي الكريم احنا كانت عندنا هالاشكالية ولكن وبما ان الوالد كان معي فهو الحمد لله حل هالمشكلة .... الصبح يا طويل العمر الساعة 6 الصبح توقف عند محلات المطاعم وخاصة عند مطعم البتراء ( مطعم ابو دبة ) في الحي العربي وبعدين بتلقى ( بيك أب ) سيارة لونها ابيض او ازرق الصبح تجي من المزرعة وتكون محملة بالذبايح من المزرعة وطازجة ومن احلى ما يكون ... تتفق مع السائق ( طبعا دون علم صاحب المطعم ) لانه بيبيع ع ليك اغلى بكثير ،،، وتعطيه بغشيس والحبيب بييب لك الي تباه مقابل سعر ممتاز واذا انت بعد تبغي اكثر من هالشي سو مثل الوالد خلا الريال يوديه المزرعه عسب يتأكد والوالد استغرب من الذبايح يقول قمة في الروعة والذبح بعد اسلامي وناس مسملين .
هذا وتقبل ودي واحترامي ...

سمعت ولم اري
ان تجارة اللحوم في تايلند مسيطرين عليها المسلمين والله اعلم

الحربي
هذا الكلام تسلم ياحربي

ابو بدر .. مشكور على مرورك ياغالى

اتفق مع أخي الحوسني إذا كان شراء اللحم للإستخدام الشخصي فعلآ المطاعم توفر ذلك وبنفس السعر الذي ذكره
لكن إذا كان لمشروع فهناك مثل ماقال لك الأخ الحربي توجد مسالخ إسلامية والأخوة بشارع العرب أكدوا لي ذلك وكذلك أحد الأخوة المسلمين التايلنديين قال نعم يوجد واعطاني العنوان بحثت عنه لكن للأسف ..... لكن عندما تفكر فهذا موضوعه سهل بما أنه إسلامي
والله الموفق