Nagroor
28-11-2022 - 01:07 pm
السلام عليكم
يعطيكم العافيه
انا ان شاء الله مسافر طوكيو بالصيف في شهر 7 باذن الله
وحجزت تذاكر وحجزت الفندق
الفندق راح يكون في طوكيو في shinjuku
وعندي جم سؤال لأهل الخبره وان شاء الله استفيد منكم
عموما
اللي ابي اعرفه شلون اميز بين القطارات؟؟ للعلم اني راح انزل مطار ناريتا واخذ قطار الى طوكيو بس شلون اقدر اعرف ان هالتذكره اللي معاي اهيا حق القطار اللي راح اركبه؟؟ شلون اعرف القطار؟ وانا سمعت ان كل عربه بالقطار غير يعني ممكن اني اركب العربه الخطأ !! بس انا ماني فاهم بالظبط مع ان القطار اهو نفسه !!
وهل اني اذا وصلت طوكيو اخذ كله تكاسي ولا اخليها كله قطارات؟؟
وبالنسبه للصرف هل اخذ معاي ين ياباني كله ولا اخذ دولارات؟؟
واذا ما عليكم امر ابي ترتبولي جدول حق 10 ايام في طوكيو الله لا يهينكم وكل مكان مع العنوان
للعلم انا مع اخوي اللي بنسافر
اخوي عمره 17
وانا 27
وشكرا
ملاحظه: اخوي كنسل ماراح يروح
يعني بروح بروحي
ياجماعه فيدوني بسالفة القطار بس
ومابي شي ثاني
شكرا