هلا بك اخوي
عندك عين عذاري وهي ملاهي وعندك واهو وهي العاب مائيه داخليه فالستي سنتر ودرجة الحراره مضبطه على ال30
وفي العاب المجمعات مثل الستي والسيف والدانه

مزون البحرين
بالنسبة لاماكن الي ذكرتيه واخص عين عذاري هل اللعاب تصلح للكبار وحلوة ولا؟
شكرا جزيل

اخوي كل الاماكن اللي ذكرتها فيها للصغار وفيها بعض الالعاب وخصوصا الالكترونيه للكبار وواهو هي متعه حقيقيه والالعاب كلها حلوه واغلبها للكبار
وبخصوص عين عذاري فهي ممتعه خصوصا للكبار
وهذا الرابط راح يفيدك
https://artravelers.com/p/re/197231

1. هلا والله بزوار البحرين


2. انا باعطيك البرنامج مثل ماحب اودي اعيالي الاماكن المفضلة عندي


3. 4-السيتي سنتر


4. اما المجمع البحرين في العاب بس قليلة

هلا والله بزوار البحرين

انا باعطيك البرنامج مثل ماحب اودي اعيالي الاماكن المفضلة عندي

عذاري فيها صاله خارج عذاري مكيفة فيها العاب لصغار من 3-7 سنوات والعابها حلوه واسعار معقولة اي العبة من 350 فلس الي 450 فلس والعاب جديدة ومتنوعة يمكن 10 العاب او اكثرة داخل يوجد صالة بولنغ ايضا اما داخل عذاري فيها ايضا العاب للاطفال وايضا للكبار ويمكن العاب الكبار يلعبون فيها الصغار اي من 10 سنوات يعتمد على اطول الطفل وبها ايضا صاله مطاعم من جسميس وكنتاي ويمم تري باستا سيبوي لسندويشات ومطم الابراج ومطعم للبيتزا وبعد في مطعم بجانب كنتاكي نسيت اسمة بس عندة شوربت مشرووم وايد وايد وايد لذيذة .يعني لماتروح عذاري ماتملل كل شي متوفر
اما الالعاب الي في المجمعات للي يبي مرة وحدي يتسوق وبا اقولك المجمعات الي العابها حلوة واسعارها بترتيب من وجهة نظري
1-السيف
2-المارينا مول

• 3 الدانة

4-السيتي سنتر

اما المجمع البحرين في العاب بس قليلة

اماكن اخره للالعاب شارع الكورنيش في العاب حلو وتناسب الاعمار من سنة الي 12 وفي صالة داخلية اسمها علي ماعتقد مملكة الاطفال بها العاب لعمر السنة ل4 سنوات وفيها مطعم لاباس بة وفوق فية العاب اكترونية وبجانب الكورنيش مطعم البندروزا اكلة حلو وفية نظام البوفية.
النادي البحري فية لعب لابئس بها وفي مطاعم والله بمستو وقهاوي وبعد في حديقة الدرفيل بها عروض لدرفيل والعاب ومطعم وهو حلو المكان
وحديقة المائية بجانب من السلمانية اهيها حديقة قديمة في البحرين فيها العاب مثل قطار السريع - الجوكر-السيارات-سيارات سباق- بيت الرعب-العاب اكترونيه ...... الخ بس اذا انت بتروح عذاري اول وبعدين بتروح الحديقةالمائية طبعا بتكون عذاري احل الان جديدة
وبعد من اماكن للاطفال حديقة العرين حديقة حيوان مسلية لطفل وبها باص تاخذ فرة داخل الحديق حيوانات فيها الي تعيش تقريبا في جو مثل البحرين بس ممتعة للاطفال انا اعيالي وايد احبون ارحون اهناك بس مانصح فيها ال اذ كان الجو بارد اكون التمشي فيها حلو والعرين على طول في تطور واسعارها جدا معقولة الكبير دينار والصغير 500فلس واصغر من 2 مجانا
ومن االحدايق المائية جنة دلمون حلو وهي عائلي انصحك في وصط الاسبوع اتكون اهدئ
وحديقالمائية الي في ستي سنتر بعد حلوة ومرحة وصالحة لصغار اكثر من الاطفال من (وجهة نظر)
وبعد انا احب اودي اعيالي السينما فلم اطفال الطفل وايد يتسلا والصراحة انا بعد هاهاهاه مع خالص حبي هذة الماكن الي فبالي ام احمد

ما شاء الله اختي منال كفيتي ووفيتي انتي واختي مزون.
بالنسبة لأماكن الألعاب الترفيهية عندك بالمقام الأول منتزه عذاري ,, وكذلك ألعاب الحديقة المائية في السلمانية ,, هذي الألعاب الي تصلح حق الكبار أما المنتزهات الترفيهية للأطفال فهي كثيرة.
البحرين مشهورة حالياً بالألعاب المائية وضروري انكم تزورن واهو أو جنة دلمون المفقودة راح تقضون وقت مميز وتجربة فريدة ان شاء الله.