أبوفيصل 2007
02-09-2022 - 05:40 pm
السلام عليكم ورحمه الله وبركاته ،،،
لدي بعض الأستفسارات من أخواني وأخواتي أهل (الخبر) بأذن الله عقدنا العزم مع الأهل بأذن الله السفر إلى الخبر
خلال فترة الإجازة الدراسية 27-4/3/1431ه .
الاستفسارات التالية عن أفضل المطاعم بالخبرالتي تقدم التالي/
1- أفضل مطعم يقدم (الرز البخاري) ؟
2- مطعم مأكولات بحرية ؟
3- فول ؟
4- البروستد ؟
5- الحمص ؟
6- أسمع عن مطعم ماضينا ؟
7- المشويات ؟
ويا حبذا يأ أخواني وصوف الموقع للمطاعم وإن شاء السكن بيكون خلف أسواق التميمي بطريق كورنيش الخبر
وعلى فكرة كيف الخبر وقت الإجازة بتكون زحمة أكيد !!!
شاكراً لكم تعاونكم
بالنسبة لأسئلتك اخوي ... بتختلف اكيد من شخص لآخر حسب الذوق...
لكني بجاوب على اسئلتك حسب اللي اعرفه وبحكم اني من اهل البلد...
1- أفضل مطعم يقدم (الرز البخاري) ؟
للأسف ما اكل رزوز واجد...ومهما كان ماراح نوصل لمطابخ الرياض
2- مطعم مأكولات بحرية ؟
عندك واجد وتتراوح اسعارها
اذا تحب الاكل الزين والمكان الساتر والسعر المناسب فعندك مطعم البانوش
واذا تبي مطعم هاي كلاس ،،، روح مطعم السنبوك بجزيرة الدغيثر...مطعم اكلات بحريه رائع وغالي وجو رهيب
3- فول ؟
ما اقدر افيدك
4- البروستد ؟
ما اقدر افيدك
5- الحمص ؟
ما اقدر افيدك
6- أسمع عن مطعم ماضينا ؟
مطعم ماضينا بالدمام ... بتحصله على طريق الخبر - الدمام ( الطريق الساحلي ) اول ماتوصل الدمام بتلقاه على يدك اليسار
7- المشويات ؟
يمدحون مشويات الرافدين...ومشويات الشحروره..