بسم الله الرحمن الرحيم ..
تعجز الكلمات عن وصف شعوري بهذا اليوم واخلي قصايد غيري تعبر عن مابداخلي
كلمات في حب الوطن ..
يا وطنا دام عزك شامخ والدين سيرة
مارضينا غير ارضك نسكن ونعشق ثراها
انتمي لك والفخر لي شخص وارضه جزيرة
من يلوم اللي يحبك ام وتغلي ضناها
يابحريني بس اسمك لا لمع في كل ديرة
والله انه تاج اكبر من على هامة سناها
شعب ودستور وأمه ترتوي من فيض خيره
لا عدمنا من حكمنا ولا نسينا من بناها
من شمالك لي جنوبك كل شبر فيه غيره
حاسدك ربي يعينه مادرى انه ما نساها
يحتمي بك رغم غيضه اه ياشين البصيره
وين ماترحل عيونه يرجع ويذكر سماها
كل حرف لا كتبته غير اسمك استشيره
وين يا كلي تمهل ارفق ولملم حلاها
ايه احبك يا بلادي دون شك ودون حيره
كل عرق لا نشدته قال ينبض من غلاها
يا فديتك بالمشاعر والا روحي لك ذخيره
ما تردينا من اول كيف لاجت في سواها
يحفظك رب كريم من صودايف عسيره
يامنار الحق للي ضاعت حقوقه لقاها
دام بو سلمان يقودك سيري دروبك يسيره
والمواطن في يمينه خط ما نبغى سواها
ايه احبك يا بلادي دون شك ودون حيره
كل عرق لا نشدته قال ينبض من غلاها
يا فديتك بالمشاعر والا روحي لك ذخيره
ما تردينا من اول كيف لاجت في سواها
كلمات في حب والدنا وقايدنا حمد ..
قلوبنا بالشوق شفناها تطير ،، سابقتنا لك يا حبنا الكبير
بالوله جاتك يا قايدنا تقول ،، كل عام ٍ وانتا يالغالي بخير
يا ملكنا اللي على مرّ السنين ،، فيه نفخر دوم و نعلي الجبين
بعهدك الزاهر سرنا للعلا ،، و زادت البحرين فوق الخير خير
باللي تامر فيه يالغالي وسَمّ ،، سمع ٍ و طاعه لبيه و قسم
أرواحنا تفديك ودايم لك نقول ،، سر يا قايدنا ومعاك احنا نسير
يعلم الله عن غلاتك عندنا ،، يا ذخرنا يا فخرنا ويا عزنا
ما يجينا الضيم لا وانتا اللي دوم ،، بالسخا مغنينا كبير و صغير
عهدك أصبحنا في صدر الصفوف ،، وارتقينا المجد و العالم يشوف
كيف ما نرقى مدام تقودنا ،، ربنا يجزيك عنا كل خير
باللي تامر فيه يالغالي وسَمّ ،، سمع ٍ و طاعه لبيه و قسم
أرواحنا تفديك ودايم لك نقول ،، سر يا قايدنا ومعاك احنا نسير