بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



لايق علي الدلع لايق علي الدلع
فندق الكونكورد لافاييت موقعه والسيرفس حقه ...
21-01-2013 - 04:17 pm

السلااااام عليكم

حصلت حجز في فندق الكونكورد لافاااايت .... وانا معاي اطفال شرايكم في مكانه اقدر اروح الشانز مشي مع الاطفال ؟؟؟

وسمعت انه في باصات تروح حق ديزني كل ربع ساعه مجانا من الفندق صح ؟؟؟؟ والتذاكر اخذها من نفس الفندق ؟؟

وبكم تذكرة ديزني ؟؟

امممم ... وبالنسبة للفطور شرايكم فيه ؟؟ ويحسبون الاطفال والا مجانا ؟؟؟؟؟؟؟

ولو بغيت اروح برج ايفل شلون طريقة المترو ؟؟ اكتبوا لي اقرب محطه ووين مكانها بالضبط وشلون اروح تراني ماعرف شي كلش :(

يارب اللي يساعدني ربي يساعده دنيا وآخره في كل حياته .... :)





المشاركات

mohd mohd
فندق الكونكورد لافاييت موقعه والسيرفس حقه ...


موقع تعيس لفندق تعيس

انصحك بالابتعاد عنه وعدم التفكير فيه نهائياَ

واذا معاك اطفال وعائلة فالافضل شقق بكل تاكيد

ودي افيدك ولكن عادة ما اروح الا وحدي ولا اسكن الا قريب من الشانز


abofawaz abofawaz
فندق الكونكورد لافاييت موقعه والسيرفس حقه ...


الفندق موقعة جيد وقريب من كل شئ وأنصحك بة ومستواة قبل كم سنة كان ممتاز , أتمنى منك الإبحار في مواضيع البوابة الفرنسية ستفيدك كثيرا .
أتمنى لك التوفيق


لايق علي الدلع لايق علي الدلع
فندق الكونكورد لافاييت موقعه والسيرفس حقه ...


ابوفواز مشكوووووور وربي يجزاك خير ,,, وانا سكنت فيه من سنتين تقريبا بس لمدة ليلتين وناسيه كل شي عنه

لاهنت يالغااااااااالي :)


أم بدر.. أم بدر..
فندق الكونكورد لافاييت موقعه والسيرفس حقه ...


اختي انا رايحه لهالفندق مع زوجي وبدون اطفال ان شاء الله حتكون روحتنا من تاريخ 22\12الين 1\1وشوف الموضوع حقي عملت استفسار عن الفندق وماقصرو الأخوان..اما عن الفطور احنا اخذنا الاقامه بالفطور وان شاء الله يكون الفندق مثل مانبي واحسن
https://travel.maktoob.com/vb/travel340325/


القطري القطري
فندق الكونكورد لافاييت موقعه والسيرفس حقه ...


وعليكم السلام ورحمة الله وبركاته

هلا وغلا بأهل المطر والخير :8888:

سكنا الفندق سنة 2006 والفندق يبعد حوالي اقل من 10 دقايق مشي لين الشانز ..

عن نفسي عجبني لأن المكان هادي وحلو وريوقهم حلو بس فيه مجمع لاصق فيه وبينهم باب ..المجمع حلو وفيه شغلات حلوه وفيه كوفي تحت عند الجمعيه كنا انخلي ريوق الفندق ( معالعلم ان حساب الريوق مدفوع :8888: ) وانروح نتريق في هالكوفي لأن كل المعجنات الي ايسويها من كروسون وفطاير فررررررررررررررررررررررررررش :24:

بس مافيه باص ايودي على ديزني على حد علمي ..واذكر خذينا تذاكر ديزني من عند الفندق ..

سنة 2007 سكنا الوروويك و2009 سكنا شقق كلاريدج وكان عددنا كبير هالسنه ( 6 حريم + 5 رجاجيل ) واخذنا شقق في كلاريج الموجوده عند سيفورا وماريوت في الشانز ..

إذا كنتوا اتحبون الهدوء هالفندق حلو اما إذا اتحبون الحركه والزحمه ماراح يعجبكم ..

واي خدمه احنا في الخدمه


ولاتنسون العربانه حق الصغار


لايق علي الدلع لايق علي الدلع
فندق الكونكورد لافاييت موقعه والسيرفس حقه ...


المشاركة الأصلية كتبت بواسطة القطري
وعليكم السلام ورحمة الله وبركاته

هلا وغلا بأهل المطر والخير :8888:

سكنا الفندق سنة 2006 والفندق يبعد حوالي اقل من 10 دقايق مشي لين الشانز ..

عن نفسي عجبني لأن المكان هادي وحلو وريوقهم حلو بس فيه مجمع لاصق فيه وبينهم باب ..المجمع حلو وفيه شغلات حلوه وفيه كوفي تحت عند الجمعيه كنا انخلي ريوق الفندق ( معالعلم ان حساب الريوق مدفوع :8888: ) وانروح نتريق في هالكوفي لأن كل المعجنات الي ايسويها من كروسون وفطاير فررررررررررررررررررررررررررش :24:

بس مافيه باص ايودي على ديزني على حد علمي ..واذكر خذينا تذاكر ديزني من عند الفندق ..

سنة 2007 سكنا الوروويك و2009 سكنا شقق كلاريدج وكان عددنا كبير هالسنه ( 6 حريم + 5 رجاجيل ) واخذنا شقق في كلاريج الموجوده عند سيفورا وماريوت في الشانز ..

إذا كنتوا اتحبون الهدوء هالفندق حلو اما إذا اتحبون الحركه والزحمه ماراح يعجبكم ..

واي خدمه احنا في الخدمه


ولاتنسون العربانه حق الصغار


ياهلا وغلا ولد عمي :)

ان شاءالله خلاص بنسكن فيه مابغيت احصل حجز من الحين فل :(

بس بسألك المترو سهل ولا صعب ؟؟,,,,,؟؟ وحق ديزني بالرير شلون بعد ؟؟؟؟ المشكله اني انا اللي طاقه الصدر ومرتبه الرحله :(


shima.84 shima.84
فندق الكونكورد لافاييت موقعه والسيرفس حقه ...


بالنسبه للمترو ما فيه صعوبه بس يبيله تركيز شوي و انشاء الله تمشي امورك
بس لازم تنتبهون ان باب المترو يتسكر بسرعه فلازم تديرين بالج على اليهال و تركبينهم معاج بسرعه
الفندق يسوي رحلات كل يوم حق ديزني لاند و تقدرين تاخذين منه التذاكر بعد


القطري القطري
فندق الكونكورد لافاييت موقعه والسيرفس حقه ...


وانتي قدها ونص ان شاءالله :24:

هذي صوره توضيحيه للفندق ( الدويره الحمرا ) وقوس النصر ( الدويره الزرقا ) والشانز ( الخط الأخضر )




بالنسبه للمترو تقدرون اتروحون الديزني من محطة المترو الي عند قوس النصر ( جنب السفاره القطريه ) ..

ومحطه ديزني بتكون اخر محطه في المسار اسمها




وهذي صور من المترو من داخل يوم ركبناه :)





والمترو عندهم دورين :8888:



واحلى شي في المترو هاللوحه :24: ..اللوحه هذي اتبين اسامي المحطات وإذا مشيتوا راح اتلاقون ليت يشتغل ويطفي وهذا معناته ان هذي اسم المحطه الجايه الي بتوقفون عندها <<< هالحركه مش موجوده في مترو لندن :(
ومحطة ديزني اخر وحده على اليمين فوق ..




وهذي صورة مدخل المترو الي عند السفاره




واي خدمه احنا في الخدمه :)


لايق علي الدلع لايق علي الدلع
فندق الكونكورد لافاييت موقعه والسيرفس حقه ...


اخوي الــ غ ـــالي ... القطـــــــري ... :) مشكـــــور من كل قلبي فعلاأآآآ كنت خايفــــه من المتـــرو ... بس مع الصـــور

انت صج فنااااان ..

واذا تذكـــرت شـــي بارجع لكــ واستحملنــــي شــوي



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

فندق الكونكورد لافاييت موقعه والسيرفس حقه ...