موفقين بإذن الله
إن شاء الله الإخوان يفيدونك

رايح راد
اشكرك يا رايح راد
انتظر الرد في هذا البرد
يالله يا شباب ويا رواد تكفون لا تبخلون علينا ترونا نستاهل

والله إنكم تستاهلون00
إن شاءالله أهل الخبرة ماراح يقصروون00
وموفقين برحلتكم00
عني أنا بنصحكم 000لاتنسوون دعاءالسفر00
تروحون وتردوون بالسلامة00

السلام عليكم ورحمة الله وبركاته
اخي الكريم تستاهل ونصف بعد
اطلعت على استفسارك بخصوص خط سير رحلتك من ابها إلى الرياض بعد ذلك القصيم ثم دولة الامارات العربية المتحدة. لذا استسمحك لاقوم بتعديل بسيط على خط سيرك لكي يكون افضل لكم وهو على النحو التالي:
أبها - الرياض ( ترتاح في الرياض ليلة واحدة ثم تكمل الرحلة ) أذا عرفنا ان المسافة طويلة جداً.
الرياض - الامارات ( عن طريق الشرقية مروراً بالاحساء ثم سلوى الى ان تصل منفذ البطحاء )
بعدما تقضي المدة هناك يكون خط سيرك كالتالي:
الامارات - الرياض - القصيم
العودة من القصيم انصحك ان تاخذ كذلك قسط من الراحة في الرياض ثم تكمل خط العودة الى ان تصل ابها ان شاء الله. اما الوقت المناسب ارى ان الفجر دائما أي الساعة ( 2 صباحاً ) مناسب لكافة الرحلات الطويلة. لاي استفسار اخر نامل طرحه لكي نتشارك في الاجابة عليه.
لا اوصيك بفحص السيارة من الالف الى الياء، وتحتاج الى هذه الرحلة الطويلة الى كفرات جديدة. الله يحفظك في حلك وترحالك.

أخي تروح وترجع بالسلامه
الإخوان ماقصروا
بالنسبه للأماكن الي تستحق الزياره في الرياض
مركز الفيصليه والمطل التابع له وانصحك تطلعه بالنهار تشوف الرياض بشكل خيالي
مركز المملكه والمطل التابع له
شارع التحليه للمطاعم والكافيهات
سوق المعيقليه في منطقة قصر الحكم
أنصحكم بالسكن في فندق ميريكور وهو على شكل سفينه وبجانبه مول كبير وفخم (غرناطه مول)
ياليت تحدد نوع الأماكن الي تبيها

يالمتقاعد
اقترح عليك خط سير يراعي ان لاتمر الطريق اللي جيت معه مرتين ويكون كما يلي :
تطلع من ابها ثم تأخذ طريق حرض الى الاحساء وترتاح ليله هناك والصباح تمشوا في الحسا ودشوا القيصريه واشتروا بشوت زينه ولا تنسونا من الهدايا وبعد العصر دق سلف والى الامارات من منفذ البطحا ولف كل ولاياتها قصدي اماراتها في يومين ثم امسك خط البطحا ومن الحسا طريق الدمام الجبيل ودش الكويت مع منفذ الخفجي ودر في الكويت في يوم ومر الابراج ثم اطلع من من منفذ الرقعي الى الحفر ومنه الى الزلفي والقصيم وتمتع هناك بالرمال الذهبيه والاجواء النديه ثم ترجع الى الخط السريع طريق الرياض وامكث فيها يومين اوثلاثه تشوف ابراجها واسواقها وتحس بزحمتها وانحش عن طريق الملك فهد في العصر ثم امسك طريق الجنوب الى ابهاك البهيه وتعيش وتجيب هديه

اخوي الكبير المتقاعد نصيحة مني اذا لك جلد على خط سيد واح رح مع طريق الرياض الى الخرج بعدها امسك طريق حرض انا لسا جاي من الامارات الطريق ممتاز ويختصر عليك 100 كم من طريق الاحساء وهناك 3 نقاط لامن الطرق والخط احسن من اول ومن الرياض الى البطحاء 504 كم وبالتوفيق لكم

اشكر كل من رد ةتفاعل مع موضوعي
خايف من البرد والله يعين