الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ALIMTIAZ
08-12-2022 - 11:51 am
تحياتى للجميع
حبيت اتكلم عن المطعم بشكل مختصر بحكم انها اول زياره لى اليوم بس للاسف بدون صور .
المطعم من اسمه طبخ كويتى وعنده هم مشويات و حلويات كويتيه ...
المطعم يتكون من دور واحد بس ماشاء الله دور كبير , يتكون من صاله للشباب و صاله خاصه للعائلات ويتكون من كباين خاصه جدا للعائلات يعنى انت واهلك ويتسكر عليك الباب .
المصاعد عدد 2 وكبيره .
يوجد سلالم كهربائيه تصعدك على المطعم مباشره .
الاستقبال والانتظار كبير ويكون وسط المطعم وبنفس المكان يكون الكاشير يعنى بيعيد عن صالات الطعام .
الخدمه والاستقبال ممتاز .
بخصوص الاكل ما اقدر احكم عليه بما انها اول زياره لى بس بتكلم عن اكلتى اليوم وهى شوربه عدس , ومطبق زبيدى كانت ممتازه والحمدلله .
الاسعار مناسبه وفى متناول الجميع .
طبعا القهوة العربيه وحلو للقيمات ما شاء الله قبل الاكل وبعد الاكل .
بخصوص المواقف توجد صغيره امام المجمع وتوجد مواقف جانبيه عباره عن ساحه ترابيه .
عنوان المطعم :
حولى شارع بيروت - بجانب بنك بوبيان - مقابل تقريبا مطافئ حولى .
تلفون 22665557
9والمطعم جديد تقريبا فاتح صار له شهر .
وبالعافيه للجميع مقدما وتحياتى للجميع .


رحلتي الى الكويت
التعليقات (8)
cheese cake
cheese cake
يعطيك العافيه اخوي .............. بس حسافه لو كان فيه صور بس يالله الجايات انشالله اكثر
من رايي ان هالنوعيه من المطاعم لازم تكون بكثره في بلدنا لان الاكل الكويتي مميز عن غيره والكثر من اخوانا الخليجين والاجانب اول ما يوصلون على طول مطعم فريج صويلح او سوق المباركيه اللي يميزهم الطبخ الكويتي والله يكثر من هالمطاعم لتزدهر دولتنا بكل مافيها ........
ثانكيو

il bambino
il bambino
ان شاء الله نزوره ونجربه
يعطيك العافيه

violetq8
violetq8
ان شاءالله نزورة و نحكم علية

أحبك يا كويت
أحبك يا كويت
الإهتمام بهذه المطاعم جزء من الإحتفاظ والإهتمام بالتاريخ الكويتي العريق ..
حفظ الله الكويت واهلها من كل مكروه

FRESNO
FRESNO
مطعم يستحق الزياره جربته مرتين ويستاهل الثالثه .. خدمه ممتازه .. أطباق حلوه .. أسعار غير مبالغ فيها .. ديكور وايد حلو .. ومشكور على نقلك للموضوع .

هواي شرقاوي
هواي شرقاوي
أأأأخ لو فيه صور
وان شاء الله نزوره لما نجي الكويت
الف شكر لك

كبتشينو بلدي
كبتشينو بلدي
يعطيكم العافيه
لو في احد يقدر يوفر احداثيات المطعم
تحياتي

أحلى كيميائية
أحلى كيميائية
الف شكر على المعلومات وخاصه العنوان
وان شاءالله ازووره واحط لكم صور


خصم يصل إلى 25%