البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مـزون
14-12-2022 - 07:36 am
بسم الله الرحمن الرحيم ...
كوكوز ..
كل شي فيه والله حلو
اليوم ومن بعد اذن الماسه ولفضاوتي الزايده من بعد سفر بوالشباب الله يرده بالسلامه
حبيت انزل هالتقرير البسيط عن مطعم وكافيه كوكوز :02yju: معشوقي وحبيب الكل
هالصور طبعا لأكثر من زياره سواء مع حبيب قلبي بوعيالي او مع الاهل ..
كوكوز في منطقة العدليه خلف فندق الخليج وقريب من كافيه ليلو وهو عباره بيت ابيض من طابقين ..
مدخل المطعم

القعده الخارجيه .. عجيبه اذا كان الجو حلو ومعتدل

القعده الداخليه و شفتها مجدده بآخر زياره لي ..

بعض الصفحات من المنيو ..

حياكم بسم الله :8dx7j:
نبتدي بسيزر سلط

سلطة حلومي ودجاج مشوي ..

الاطباق الرئيسيه :: السندويشات
ومنها الدجاج المشوي بالمشروم ..

ميني برغر

باستا الدجاج والمشروم يمي يمي

فيليه الدجاج المشوي بصوص المشروم

وختامها مسك ..
ريسوتو بالمأكولات البحريه :9g5kb:

وطبعا مافي داعي للتقيم لانه ومن غير تفكير 100%
والاسعار جدا مقبوله
وبالاخير اتمنى اني وفقت بطرحي لهذا التقرير البسيط ..
دمتم بود


رحلتي الى البحرين
التعليقات (9)
التاج988
التاج988
يعطيك العافيه اختي
وبصراحه الميني برغر يشهي ههه

الغالـــية
الغالـــية
يعطيج ألف عافية أختنا المتألقة دوم ... مزون البحرين ..
مطعم كوكوز غني عن التعريف .. وتقييم الأكل فيه فوق الممتاز ..
والجلسة الخارجية هالأيام وايد حلوة وشرحة .. خاصة لوقت الفطور ..
كل الشكر لج خبيرتنا على هالجهد وهالموضوع المميز

il bambino
il bambino
يا سلالالالام
والله شهيتيني مزون بهالصبح
عليكم بالعافية
وان شاء الله بأقرب زياره للبحرين نزوره

عيد824
عيد824
تقرير لذيذ
مشكورة اختي مزون والله يعطيج العافية

qatar2007
qatar2007
ماشاء الله ...
تصدقين مزون للاسف ماجربته في زيارتي الاخيرة بالعيد
كنا طايرين في ليلو مانشوف غيره
بس بضيفة من اللستة للمرات الجاية

mngo67
mngo67
عليكج بألف عافية...خووش تقرير
راح اظيفه ضمن القائمة لزيارتي الياية للمملكة

احساس جديد
احساس جديد
مزون البحرين
سلمت الايادي على هذا التقرير الروعه وعليك بالعافيه هالاطباق الحلوه
ودي اعرف شنو انواع الجلسات الموجوده في المطعم يعني فيه جلسات عائلية خاصه او بارتيشن
مودتي واحترامي لك..
احساس جديد

كويتية وافتخر
كويتية وافتخر
هلا اختى مزون ،،، واي يعت يعت يعت من الصور عذاب وعوار قلب ماشالله نفس اطباقي اللي طالبتهم انا احبها ماشالله انتى اي برج اللي نفس الاكل اللي احبه انتى طالبته وانا بالكويت وانتى بالبحرين عليج بالف عافية وهنى وعافية يارب
بعد الحجي هذا وين مكانة عشان نرووحلة ضروري ونحطة من ضمن اللستة مثل ماقالت اختنى اللي من قطر

مـزون
مـزون
شكرا لكم جميعا وان شاءالله لي رجعه للردود


خصم يصل إلى 25%