البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ibrahem003
14-11-2022 - 04:59 am
ناوي ان شاء الله ازور البحرين عن قريب وزيارتي خاصه لصيد على شاطئ
اتمنى تساعدوني في افضل مكان لصيد الأسماك على الشاطئ
ولكم تحياتي


التعليقات (9)
مـزون
مـزون
هلا بك اخوي
والعهده عالراوي (زوجي) يقول احسن مكان للحداق هو عند ميناء خليفه او عند جسر الشيخ خليفه
وهو في منطقة الحد والجسر اللي اقصده هو اللي يربط الحد بالمنامه

ibrahem003
ibrahem003
شكرا لك على الاهتمام والرد
سؤالي كيف وضع المكان هل هو شاطئ رملي ؟؟ يعني هل يمكننا الجلوس فيه حتى الصباح؟؟ وشكرا

مـزون
مـزون
عند ميناء خليفه مافي شواطئ رمليه كل المكان صخر
لكن عندك الحوض الجاف شاطئ رملي وممكن تصيد منه وهو قريب من ميناء خليفه يعني بنفس المنطقه تقريبا

الماسة السوداء
الماسة السوداء
حياك الله اخوي ابراهيم بالبحرين
من خبرتي بالحداق خ مثل ماقالت اختي مزون تحت جسر الشيخ خليفه
وايد ناس تقعد على الحصى وتحدق
وفي مكان صغير عباره عن صبيه(سميت بناء) في اخر الجسر بس اذا تبي تحوش لك مكان لازم تروح من وقت لانه يزدحم بالصيادين اذا تأخرت وماراح تلقالك مكان
المكان الثاني عندك جسر الشيخ سلمان الي يربط المنامه بالبسيتين والمحرق
والجسر القديم الي يربط المنامه بالمحرق والي عليه فندق نوفوتيل
وعلى نفس هالجسر فيه ممشى يطل على البحر وتقدر تحدق منه
اذا بغيت مكان مميز للحداق عندك منتجع البندر في ستره بس الدخول له يكلفك 10 دينار بحريني
ومازال في اماكن كثيره للحداق بس هذي افضلها

مسافر1981
مسافر1981
الله يرحم الشواطئ الرملية في البحرين و اماكن الحداق الممتازة
بس مثل ما قالوا الاعضاء عندك قرب الجسور يمكن تحصل على مبتغاك

ibrahem003
ibrahem003
الف شكر لكم جميعا
طيب ابي النتيجه النهائيه تشورون علي اروح الحد والا البندر؟؟

Discover Bahrain
Discover Bahrain
مزون البحرين
اختي انا سمعت أن عند الحوض الجاف ممنوع الصيد خوفاً من خيوط الصيد تتراكم مع الوقت وتأثر على القوارب أو حتى البواخر .. أما ميناء خليفة فأعتقد لأن عمق الساحل مباشرة 14 متر فأعتقد الأمر أفضل لأن حوض الجاف الساحل عبارة عن شاطئ رملي قليل العمق
وعندك أخوي كذلك جسر الشيخ عيسى بن سلمان ( الي يربط بين شمال المحرق وشمال المنامة عند المنطقة الدبلوماسية ) هناك يجتمع عدد كبير من هواة الصيد البحري، بس بيني وبينك ما في على الصيد من على القوارب في مناطق الفشوت والجزر الداخلية .. وصيد موفق ..

ibrahem003
ibrahem003
شكرا لك اخوي بحريني
انا اشوف ان الكل ركز على جسر الحد
انا اتذكر اني مريت على الجسر هذا من قبل الي يكون فيه عمدان رفيعه وبعدها بيصير شاطئ بس حبيت اعرف كيف اقدر ادخل بالسياره لاني بحثت عن مدخل ولم اجد
واي جهه افضل ؟؟ اتذكر ان اخر الطريق هذا بيكون الحوض الجاف على اليمين فأتمنى توصف لي بالضبط وين انت والأخوان
وشكرا

Discover Bahrain
Discover Bahrain
  1. يا هلا أخوي.

  2. وللوصول إلى الميناء ،،


يا هلا أخوي.

الحوض الجاف وجسر الحد الصيد فيه ممنوع أخوي ولكن في بعض الصيادين المخالفين أحياناً ولكن احنا دايماً نبعد عن الشر ونغني له .. أفضل مكان في منطقة الحد هو ميناء الشيخ خليفة بن سلمان لأن عمق الساحل هناك يصل إلى 14 متر يعني غزير جداً بالنسبة لساحل ..

وللوصول إلى الميناء ،،

أول ما تنزل من جسر الحد ( وانت ياي من المنامة تجاه المحرق ) أول ما توصل إلى الإشارة الضوئية اللي على يمينها تروح الحوض الجاف والي على يسارها تروح المطار ،، أخذ هذي الإشارة إلى الأمام مباشرة بشكل تام لا تلف لا يمين ولا يسار .. وراح تدخل منطقة صناعية وهي منطقة الحد الصناعية الي تعتبر أكبر منطقة صناعية في البحرين وطبعاً غالبية هذي المنطقة منطقة مدفونة في البحر ،، واصل إلى الأمام وراح تشاهد بعض اللوحات الإرشادية تشير إلى (ميناء الشيخ خليفة بن سلمان) اتبعها واستمر بمواصلتك إلى الأمام يمكن حوالي 15 كيلومتر من بداية دخول المنطقة الصناعية عند جسر الحد .. وراح تحصل المنطقة مفتوحة على يدك اليسار تقدر تختار فيها أي موقع .. بس حاسب لأن الساحل جداً غزير ولا سمح الله لو فرطت أي سيارة داخل البحر هناك تختفي ولا تبين لأن البحر هناك غزير .. وهو نفس البحر الي وقعت فيه كارثة غرق سفينة الدانة السياحية قبل 3 سنوات والي راح ضحيتها أكثر من 50 شخص ..
ولكن من ناحية الصيد البحري هناك .. على كيف كيفك ..
صيد موفق أخوي وبالسلامة ..


خصم يصل إلى 25%