بوسكنر حياك الله معانا وان شاء الله تستفيد ..
اولا متى موعد السفر ؟ وكم مدة السفر ؟
سلوفينا اذا تقصد بليد من فينا اقرب ... اما بالنسبه لفينسيا بعيده جدا من زيلامسي 440 كيلو تقريبا وما ينفع تروح وترجع بنفس اليوم وكذالك ميونخ اتصير ابعد..
ولكن قبل لا نكمل ايضا من اين سوف تبدا وتنتهي ؟؟
انا بالانتظار وبالخدمه

والله انا ناوي اسافر هذي الفتره وتقريبا الفتره الي راح اكون فيها في اوربا اسبوعين يعني النمسا اسبوع والدول الثلاث الي قلت عنهم اوزعهم على اسبوع بس انا ابي ابدأ من فيينا ومادري شلون انسق يعني خلني اقولك انا بروح فيينا وزلمسي وخلنا نقول بليد والبندقيه وميونخ جزاك الله خير وما قصرت وسؤال الله يخليك هل احجز الفنادق من ديرتي ولا احجز هناك افضل علما بان فيينا فقط راح احجزها من الكويت افظل وشكرا

حياك الله .. بوسكندر وانا حاضر لجميع الرحله ..
نبدا .. اولا الحجز افضل من الكويت لجميع الفنادق او من موقع بوكنق
ثانيا زيارة زيلامسي افضل بكثير من بليد لانه مافيه اكثر من البحيره والهدوء التام والممل وزيلامسي بتكون افضل
ثالثا افضل شي تحجز الذهاب فينا والعوده من ميونخ .. ( ضروري من اجل المسافات )
رابعا .. من زيلامسي الى فينسيا صعبه اخوي .. او ممكن تروحله رحله مع مكاتب الرحلات العربيه لكن المشكله بتكون بعدد الاشخاص الي طلبين الرحله من زيلامسي لانه مو وقت صيف اقصد السياحه ضعيفه شوي بهاذا الوقت
ختمسا .. ارى الجدول المناسب لك فينا 4 ايام وممكن اتزور بليد عن طريق القطار اهناك لو حبيت
سالزبورخ 3 ايام ثم زيلامسي 4 ايام و3 ايام ميونخ للتسوق وزيارة الاماكن السياحيه القريبه
هاذا الانسب ..
اذا اعجبك الجدول .. قولي وانا حاضر لجميع الرحله
وتحياتي لك

انزين اخوي انا يمكت اسافر على الهولنديه اذا قلنا نكسل البندقيه واروح هولندا ترانزيت وبالرجعه اقعد في هولندا 3 ايام وانا ودي اروح سلوفيينا يومين وفيينا بس سالزبروج مابي واروح الى زلمسي وميونخ والله يعطيك الف عافي يا الغالي تعبتك معاي وابي الاماكن السياحيه خق كل مكان اروحله مع اسماء المحطات المترو ان وجد وشكرا انتظر منك الرد

على راحتك يعني انت مضبط الجدول على جذيه
المهم الحين كم يوم تبي تقعد بفينا وزيلامسي وميونخ وانا حاضر
للفنادق والرحلات والتنقلات
الفنادق 4 او5 نجوم
انا بالخدمه

اوكي راح اقولك شنو انا ابي بالظبط انا بروح فيينا قول اقعد فيها ليلتين وثالث يوم احرك فهل اروح اول شي سلوفينيا افضل او اروح زلمسي لان زلمسي بقعد فيها قول 3 ليالي و سلوفينيا ليليتين وميونخ ليلتين وبالرجعه بروح هولندا بالطياره اقعد هناك 3 ليالي وبالنسبه للفنادق مايهم 4 او خمس المهم يكون نظيف وسعره معقول وبالسنتر وقريب على المترو وهذا اهم شي وابي اخر يوم اقعد في فيينا ليليه وحده علشان استعد حق المطار وقت الرجعه لهولندا وانا ودي اروح من فيينا الى زلمسي بالسياره مع سائق ومن زلمسي الى ميونخ اروح بالقطار وهل هناك خط للرجعه من ميونخ الى فيينا وهل لازم احجز حجز مسبق للقطار ام احصل هناك التذكره على طول وشكرا

حياك الله بوسكندر..
لو سمحت اخوي انا بقولك شغله المخطط غير واضح وفي بعض الاماكن تكون عكس الاخر
لكن مثل ما قلتك عزيزي .. اذا كنت ناوي على فينا كبدايه تجلس فيها 5 ايام وتخصص يوم واحد الى بليد كرحله
ثم تنطلق الى زيلامسي وتجلس فيها 3 ايام ثم ميونح 3 ايام وبالطيران الداخلي على امستردام 3 ايام والعوده من هناك
هاذا الافضل ولك تحياتي

انزين اخوي كم ساعه من فيينا الى بليد وهل هناك خط من ميونخ الى فيينا وشكرا

حياك الله اخوي المسافه تقريبا سعه ونصف الى بليد من فينا .. ولكن لا بد الحجز من المحطه الرئيسيه اهناك .. وتعرف كم توقف في الرحله ..
ميونخ الى فيينا ( 442 كم - 4 ساعات و 10 دقائق ) ..
سؤالي ليش من ميونخ الى فينا او العكس .. انت راح تمر على سالزبورخ وممكن تنزل الى زيلامسي
اشوف اخوي انا برايي حتى تكون المتعه اكثر شيل من بالك امستردام
واجعل الرحله تبدا بفينا وتنتهي بميونخ
وملاحظه بليد يكفيك يوم واحد فيها تجلس على البحيره .. او تاخذ فيها قارب
وبجذيه نكون وفرنا كثير من الوقت والمسافات
والجدول الممتع 5 ايام فينا ومنها يوم كامل الى بليد من الصباح الى المغرب
ثم سالزبورخ يومين .. ثم زيلامسي 4 ايام .. وميونخ 3 ايام للتسوق وزيارة المعالم القريبه
هاذا الافضل اخوي
ولكن انت الاختيار عندك
بحال الموافقه اكتبلك جميع متطلبات الرحله لا تحاتي