السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عاشق اوزنقول
29-09-2022 - 03:01 pm
السلام عليكم ورحمة الله وبركاته
أعزائي رواد منتدى المسافرون العرب..أهنئكم بشهر رمضان المبارك..وأعاده الله علينا وعليكم بالسرور والمسرات.


التعليقات (7)
الغريب444
الغريب444
هلا اخوي عاشق وتقبل الله منا ومنك صالح الاعمال في هذا الشهر الفضيل ...
انا ماني من منطقة عرعر اكيد فيها فنادق وشقق وانا كنت امرها مرور الكرام واشوف فيها شقق لكن اخواننا في عرعر يبي يفيدونك باذن الله خاصه اخينا والعضو العزيز عرعر $ وباقي الشباب اهل عرعر مايقصروا معاك .... بالتوفيق ...
وتفضل هالروابط ان شاء الله تفيدك https://artravelers.com/p/re/268550

مافيني شي
مافيني شي
مراحب عزيزي بالنسبه لشارع مافي شي اسمه الصفراء
في الشارع الاصفر اسمه وهذا الشارع مافيه ولا فندق كله معارض سيارات ومحلات مفروشات ومحلات مطابخ
ومحلات كمبيوتر وبالنسبه للفندق تقريباً ارخص فندق
وفيه فندق العروبه ممكن ارخص اتوقع 90 ريال اذا ماخاب ظني
وفندق عرعر موقعه عند ميدان سمو الامير عبدالعزيز بن مساعد بالقرب من سوبرماركت المائده
وفندق العروبه موجود على الطريق الدولي اي بالقرب من المطار
وبالنسبه ل عرعر صغيره يعني الشارع الاصفر عن اي فندق تقريباً 5 دقايق بس
واي خدمه انا حاضر

عاشق اوزنقول
عاشق اوزنقول
تسلموا الله يعطيكم العافية ماقصرتم طيب بالنسبة لجامعة الحدود الشمالية كم تبعد عن فندق عرعر

الغيداق
الغيداق
أقرب فندق للشارع الأصفر فندق التيسير 4نجوم

مافيني شي
مافيني شي
ههه عرفت ليش انت تسأل شكلك مقدم على الوظائف حقتهم
اوك راح اجاوبك الحين من فندق عرعر لين مبنى الجامعة تقريباً حوالي 3 كيلوا
اي بالسياره خمس دقايق وراح اعطيك الوصف بالضبط
وانت طالع من فندق عرعر اوريدي راح يواجهك ميدان سمو الامير عبدالعزيز بن مساعد
خذ الدوار وكانك تاخذ فوق تحت وراح يصير الفندق بالجهة المقابله لك اي بالسيد الثاني
واذا صار مقابلك الفندق خلك سيده لين يواجهك دوار الساعه ومن عند الدوار خذ يمين
اي لا تدخل بالدوار وخلك سيده لين يجيك اول تقاطع على يدك اليسار
اي على بعد عشرين متر المهم خذلك سيده لين تجيك الاشاره الوحيده اللي على الشارع
اترك الاشاره وخلك سيده مسموح لك تمشي سيده والإشاره حمراء عايدي
اهم شي تترك الصبات وتخليها على يدك اليسار
لان الصبات اذا صارت على يدك اليمين تعتبر من نطاق الاشاره اي
من عرض الشارع عاملين الحركه ,, بس حركه حلوه اي للي يبي سيده ما يوقف عن الاشاره
الاشاره فقط للي يبي يروح يسار أو فوق تحت
المهم اترك الاشاره على يديك اليسار وخلك سيده بعد الاشاره بعشرين متر
راح يجيك مبنى كبير مكتوب عليه مركز الاهرام التجاري وبجانبه محل ادوات كهربائيه
وعلى فكره الجامعه مبنى مستأجر لان المبنى للحين ما خلص حلقهم
واذا وقفت عند الاهرام انزل مشي كأنك تبي تدخل المحل وخله يمينك لين تجيك اول دخله
امش عشر امتار راح يجيك باب وعنده سيكيورتي وهنا تكون وصلت
اتمنى انك حفظت الوصف وانا عطيتكاه بالتفصيل الممل
واي خدمه لا يردك الا لسانك

j0ker
j0ker
اعتذر لوصولي المتأخر جدا
و الاخوان الله يعطيهم العاافية ما قصروو بالخدمه يالغالي
اما الفندق فأنا انصحك بفندق البستان بلاازا
و كافة المعلومات عن هالفندق تجدها بالرابط اللي اعطايك اياه الاخ الغالي و العزيز ( الغريب )
بارك الله فيكم جميعا

الغريب444
الغريب444
ماقصروا الشباب الله يعطيكم العافية .....
لكن اخوي عرعر اول مره ادري اني اخوك وعزيز عليك ههه امزح ... تسلم قلبي ياعرعر$ ...... الله يحفظك ويرعاك ... وانتبه ترى اخوي عندكم عسكري بفوج العجمي وتراه شخصيه مهمه ههه اذا بغيت شي من الفوج ابشر .....


خصم يصل إلى 25%