صباحكم / مسائكم ورد
رمضان كريم ع الجميع .. والله يعينا على صيامه وقيامه يارب ويعتق رقابنا من النار آمين
لأول مرة أكتب تقرير أتمنى إني أتوفق فيه وتستمتعون معي وتستفيدون .
قررنا تمضية أيام صيف 2009 في القاهرة
كان حجزنا في يوم الجمعة تاريخ 3/7/2009 على الخطوط السعودية
خط السير الرياض القاهرة , سعر التذكرة 2395 للشخص في الدرجة السياحية
مساء يوم الجمعة وصلنا لمطار الرياض 10 وشوي كان المطار زحمة بشكل أغلبهم هنود , كانت 3 رحلات للهند :105:
ومع الزحمة لابد من وجود المشاكل والتلاسن عن نفسي شفت مشكلتين وبجد إنقلب مزاجي :112:الله يهديهم < تكفين يالعاقلة :109:
المهم خلصنا أمورنا من العفش وغيره بسلام وتوفيق من الله وجلسنا ننتظر موعد الأقلاع اللي كان على الساعة 12 تأخر موعد إقلاع الرحلة بسبب عطل في الطائرة يجري إصلاحه < هذا كلامهم
طولو وهم يصلحون هالعطل حوالي ساعتين وفي الأخير قررو يغيرون الطائرة طيب ماكان من الأول :110: ومن حسن حظنا كان التغيير لطائرة أفضل على حسب ماقالو .
الحمدلله عن نفسي لقيت لي فلبينيه جايه من فرنسا تشتغل هناك وتنتظر رحلتها بمطار الرياض جلسنا نسولف :gathering قلت فرصة أتجرأ شوي وأحكي إنجلش وضاع الوقت ولا حسيت بتأخير الساعات اللي صار.
المهم موقف التأخير وتغيير الطائرة تسبب ببعض المشاكل .
مع تغير الطائرة صارت لخبطة في المقاعد , صارو المضيفين يجلسون بعض ركاب الدرجة السياحية في مقاعد الدرجة الأولى أو الأفق
ولا أعتمدو إعتماد كبير على أرقام المقاعد المخصصة في تذكرة كل راكب .
ومن هالشي صارت مشاكل في الطائرة :( ياكثر المشاكل
يعني مثلاً عائلة فيها مجموعة أفراد حجزو مقاعد جنب بعض , أضطرو يتوزعون كل شخصين أو ثلاثة سوا.
واللي رفضت تترك أطفالها بحالهم وأكثر الوقت لو سمحت ممكن تغير مكانك ووو . والحمدلله رتبو الأوضاع وإنحلت الأمور بأسرع وقت والأغلب راضي ويبي الطائرة بس تقلع .
إلا عائلة وحده (زوج وزوجة وأطفالهم) صارت معهم مشكلة بينهم وبين المضيفين , من اللي صار نقلو بعض أفراد العائلة للدرجة الأولى ولكن العائلة طلبو إنهم كلهم ينتقلون .
وصار تمادي في الأسلوب وكلام مزعج وأضطر المضيف ينادي مسئول من المطار , وجا المسئول ومع الشد في الكلام أمر المسئول بخروج العائلة من الطائرة رفضت العائلة الخروج وهددهم بالأمن
للعلم كانت الزوجة هي المتحدث الوحيد للعائلة , الزوج مجرد ديكور مانطق بحرف وبالأخير رضخت العائلة لأمر المسئول وخرجو ,
وبعد مانزلو عفش العائلة من الطائرة ونادو بعض الشهود يشهدون عالموقف مرت ساعة تأخير زيادة ومايحتاج أقولكم كيف نفسيات الركاب على كل هالتأخير اللي صار أعتقد الأغلب كره شي إسمه الخطوط السعودية ويتوعد بالمقاطعة خخخ
وعلى الساعة 3:30 تقريباً أقلعنا .
الحمدلله الرحلة بالجو كانت هادية ومع الشاشة اللي قدامي مر الوقت على خير وتعدل المزاج :106:
تفرجت على فيلم كده رضا وأسترخيت شوي مع تلاوة لسورة الأحقاف ووصل العشاء مدري السحور خخخ
وبعدها تفرجت على فيلم أحلام الفتى الطائش , اممم سامج بس يضحك شوي وقبل لا يخلص جا إعلان بقرب وصولنا لمطار القاهرة الدولي .
لحظة وحنا بين غيوم سماء القاهرة :
الحمدلله وصلنا لعاصمة أرض الكنانة بسلامة :101:
المطار كان شبه فاضي وكل الإجرائات صارت بسرعة :24: عكس مطار الرياض
دقايق واحنا بالسيارة وتوجهنا من المطار لشقتنا في مدينة نصر
ولكم هالصور من خروجنا من المطار للشقة
وبعد هاليوم المليء بالأحداث والإرهاق نمنا
للحين متواجدة بمصر وعندي تقارير عن أماكن زرتها
بإذن الله بنزل الصور بأقرب وقت
ويارب حبيتوو البداية
تحياتي
سمآ نجد
:106:
المشاركة الأصلية كتبت بواسطة عشرة عمر
