$$s3oood$$
03-11-2022 - 07:54 pm
مرحبا اخواني اخواتي
بروح للبحرين عندي اختبار صحيح ان في رمضان الفنادق تنزل اسعارها ابي فندق اربع او خمس نجوم عند جامعة الخليج اذا ماعليكم امر وكيف اروحلها عند السيف هي ولاشلون مااعرف غيره ووين افطر والسيف والستي سنتر وكيف دواماتهم برمضان غير ولانفس الشئ وماتقصرون
جامعة الخليج موقعها في المنامة ... ملاصقة لمجمع السلمانية الطبي ... يعني إذا انت جاي عن طريق الجسر ... تواصل سيده لا يمين ولا يسار .... على طول ... لحد ما تمر بتشوف على يمينك مكدونالدز ... الاشاره اللي بتشوفها بعد تقريبا 2 كيلومتر ... تلف عندها يسار وتروح سيده ... .. بعد 3 إشاره ضوئية ... تروح سيده وتلف يسار .. مجمع السلمانية على يمينك .. والجامعة ملاصقة فيه ..
أما الفنادق ...
للأسف هالمنطقة ما فيها فنادق ... لكن مثلا فندق الخليج 5 نجوم يبعد تقريبا 10 دقايق وسعره هاليومين حلو .. تقريبا 80 دينار لليلة .. وبوفيه فندق الخليج للفطور ما في أحلى منه ..
أو إذا بغيت فندق رامادا 4 نجوم ... بعد قريب من الخليج وسعره في حدود 67 دينار لليلة ..