أولاً الحمد لله على سلامتكم
الصراحة يا أخت/ أم بسول أصحاب المطاعم عندنا ذمتهم وسيعة ولا يخافون الله فينا
أذكر قبل سنة طلعت مع زوجتي إلى مطعم البحصلي و حصلنا قشر بصل في داخل الطبق قلنا معذورين يمكن تعلقت على البصل المقطع ولا إنتبهوا لها. لكن أنه يكون في داخل الكبينة اللي كنا فيها صارور(صرصار) و يطير :112:!!!! ما أستحملنا اللي قاعد يصير و طلعنا منهم و بلا رجعه بإذن الله
ما أدري ليه تذكرت ((إذا غاب القط, ألعب يا فار))

وع
الله يقرفهم
والبحصلي عاد مشهور بالصراصير

انا اكلت من عندهم قبل اسبوع وغثني بطني ما أدري وش السالفة

بيتزا كومباني فرعهم اللي في خريص بلازا احسن وانظف بكثيير من اللي في صحارى بلازا
والفلبيينيين اللي بفرع خريص بلازا وش حليلهم وخاصه _ مانويل _عيال اختي يحبونه

في احد الفلبينيين قال لي معلومه صدمتني .... قال ان رواتب عمال المطاعم الفلبينيين (وهو يشتغل في بيتزاهت) لا تتعدى 700 ريال تصوروا !! عامل بيتزا فلبيني وعنده دبلوم يعطونه 700 ريال ومربوط بعقد ولا يقدر يعمل شي يشتغل غصبا عنه بفضل نظام الكفاله عندنا المخالف للشريعه الاسلاميه السمحه ولكن من يجرؤ على التكلم احد العلماء المعروفين في اليمن افتى ان رسوم الاقامه لا تجوز على المسلمين لانها جزيه والمسلم لا يدفع الجزيه فكان جزائه ان منع من دخول السعوديه ... نرجع لموضوعنا كيف تريد من شخص متعلم ومدرب يتقاضى 700 ريال في الشهر ( القيمه الحقيقيه اصبحت اقل من 500 ريال بعد انخفاض الدولار ) ان يعمل بذمه في شركه او مطعم يرى انهم يستغلونه ابشع استغلال ؟!

والله أختى أم بسول البيتزا بالذات بتفرق فرع عن فرع ..
يعنى مثلاً بيتزا هت فى جدة عندهم فرع رائع فى شارع التحلية وصارى وفرع آخر (الله يكرم النعمة بس) فى شارع ولى العهد..
بيتزا كومبانى بصورة عامة ممتازين وأنا جربتهم أكثر من مرة فى أحد فروعهم فى جدة ، أعتقد والله أعلم إنها مشكلة فى الفرع اللى جربتيه فقط ..

الاداره هي السبب
وفرعهم اللي في طريق الملك عبدالله من جد روعه في كل شي
وماشاءالله عليك قوة ملاحظه
الله يحفظك من كل مكروه

اذا تقصدين الفرع الي عند مكتبه جرير بالعليا العام
اقسم بالله العظيم ان حصل لي موقف في نفس المطعم عند مكان السلطه
وانا معاي الصحن كنت باحط السلطه ولاحظ حشرات بجانب السلطه
واستدعيت القرصون الي واقف وقال كلم المدير وراح نادى لي المدير
ونبهته وشاف بعينه وكنسلت طلب السلطه
واكتفيت بطلب البيتزا، وحاولوا يراضوني وانا جالس وجابوا لي صحن سلطة سيزر .
طبعا اكتفيت بالبتزا ، وكانت اخر مره ادخل المطعم
هذا الموقف حصل قبل شهر ونصف تقريبا .

جزاك الله خير على التنبيه