السلام عليكم ورحمه الله وبركاته وبعد
احبتي واخواني واعزائي اعضاء منتدانا الجميل
حبيت امسيكم بالخير اول شي
واخبركم اني بحاجة لفزعتكم وماني غني عن نصايحكم
وعلى قوله اهل الحكم والامثال (( من نشد ماضاع ))
اقول وبالله التوفيق :اني معزم بعد مشيئة الله نطلع لسوريا هالسنة بشهر 6 تقريبا
او نهاية شهر 5
اذا الله وفقنا طمعاً في السياحة الحقيقة السياحة المنشودة السياحة من اجمل ابوابها
وليست سياحة المراقص والبارات والتي سئمنا من سماعها من اغلب شبابنا العربي
والخليجي بشكل خاص !
فالزبدة الله يطول عماركم : حنا اربع اشخاص وساكنين بالرياض
ونبي لنا برنامج خاص لزيارة سوريا يستغرق 10 أيام
وليكن بالمعلوم انا بنطلع بسيارة خاصة
وعزبتنا معنا اصغرها فنجال القهوة واكبرها قدر الظغط
ومجملها خوة نشامى شرواكم ,, مع العلم مافيه احد منا قد راح لسوريا
ابدا ولكن سمعنا عنها الكثير والكثير ..... فاللي نبيه منكم تحديد مايلي :
1- المسافة براً من الرياض ( حي عرقة تحديداً) الى وسط دمشق ؟؟ كم كيلو ووش احسن طريق
2-كيف اقدر اجهز السيارة بال(تربيك) والله ضيعه اسمه عشان مانتاخر بالجمارك والتامين
3-هل تنصحون بالاقامة فالاردون او لا .
4-وش افضل الاماكن في سوريا (( المدن او القرى )) لاني سمعت ببلودان والزبداني وعالية
5-السكن شقق او فنادق او فلل وين بالظبط والاسعار تقريباً مع توضيح المطاعم المشهورة
6-الاماكن الطبيعية اللي تعجب الناظر .. من خضرة وانهار وجبال وينابيع
7- حنا مقررين تكون القطة من (3000) ريال للشخص يعني (12000) ريال تكفي ولا نزود ترى الحال ميسور الحمد لله نقدر نوصل القطة ل (20.000) ريال مثل سهم بنك البلاد بس بغينا خبرتكم.
وسلامتكم
- * ملاحظة تكفون اب اشوف اماكن مافيها (مرقص/بارجيل/مساج) ترى ملينا وتبنا من طلعات للدول الشيقة :112:
1- المسافة براً من الرياض ( حي عرقة تحديداً) الى وسط دمشق ؟؟ كم كيلو ووش احسن طريق
أحسن الطرق واقربها طريق الشمال عرعر القريات... وهذي خطه والمدن الي بتمر عليها با الكيلو متر
الرياض المجمعه 190 كم ..... المجمعه الحفر 260 كم.... الحفر رفحاء 270 كم تقريبا .....
رفحاء عرعر 270 كم تقريبا ....... عرعر القريات 400 كم ....... بعد دخولك الحدود الادنيه تقطع مسافه
0كم حتى تصل الحدود السوريه...... من الحدود السوريه حتى دمشق 100 كم
المجموع = 1850 كم تقريبا من الرياض حتى دمشق.......
xxxxxxxxxxxxxxxxxxxxxxxx
2-كيف اقدر اجهز السيارة بال(تربيك) والله ضيعه اسمه عشان مانتاخر بالجمارك والتامين
التروبيتك سلمك الله تقدر تاخذه من محطه الفهد في القريات قبل الحدود وتقدر تاخذه من الرياض من وكالات السفر ... وسعره تقريبا 550 ريال .....
xxxxxxxxxxxxxxxxxxxxxxx
3-هل تنصحون بالاقامة فالاردون او لا . ??
والله فيه ناس يفضلون البقاء في الاردن وفيه ناس يمرون الاردن مرور ... بس انا اشوف احسن انك ما تبقاء في الاردن لاءن مده عشر ايام قليله خلها كلها في سوريا بما انك رايح في الاصل الى سوريا...
xxxxxxxxxxxxxxxxxxxxx
4-وش افضل الاماكن في سوريا (( المدن او القرى )) لاني سمعت ببلودان والزبداني وعالية ؟؟
الزبداني وبلودان منطقتين جميله جدا وماء تفوت ... وبما انك في دمشق لا زم تطلع للبلودان والزبداني..
وتستمتع فيها...
xxxxxxxxxxxxxxxxxxxxx
5-السكن شقق او فنادق او فلل وين بالظبط والاسعار تقريباً مع توضيح المطاعم المشهورة ??
افضل سكن الفلل ... بس السعر يمكن يكون غالي شوي وخصوصا ان رحلتكم بتكون مع بدايه الاجازه الصيفيه...
اسعار الشقق تقريبا ما بين ال 2000 ليره الى 4000 ليره لليوم الواحد...
اما اسعار الفلل ما بين ال 3500 الى 6500 ليره لليوم الواحد ...
وبنسبه للمطاعم فيه سلمك الله مطاعم على طريق المطار وافضلها مطعم القريه ومطاعم على طريق الربوه على نهر بردا وافضلها الشلال والشبيليا...
xxxxxxxxxxxxxxxxxxxxxxxxxxx
6-الاماكن الطبيعية اللي تعجب الناظر .. من خضرة وانهار وجبال وينابيع ؟؟
عندك في ضواحي الشام بلودان والزبداني وفي الشمال با القرب من الاذقيه كسب وصلنفه....
xxxxxxxxxxxxxxxxxxxxxxxxxx
7- حنا مقررين تكون القطة من (3000) ريال للشخص يعني (12000) ريال تكفي ولا نزود ترى الحال ميسور الحمد لله نقدر نوصل القطة ل (20.000) ريال
0الف ريال تعادل 165.000 ليره سوري
وهذا مبلغ كافي وزياده لمده عشر ايام...
تروحون وترجعون با السلامه ولا تخلينا من التقرير المصور..