مـزون
12-08-2022 - 03:24 am
السلام عليكم ورحمة الله وبركاته ...
اخواني وخواتي فبوابة الكويت استفساري بخصوص المنطقه الحره اللي بميناء الشويخ
شنو الماركات اللي بهالمنطقه واسعارهم شلون يعني وايد رخيصه وله لا ؟
لان احنا لازم نحط بإعتبارنا فرق العمله
وبعد بصير طماعه وبسألكم عن الميرديان اللي على شارع الخليج هو 5 نجوم لان المبنى من برى مومبين
عليه اي نوع من انواع الفخامه
ومشكورين يالغالين مقدما ..
هلا اختي مزون البحرين بالنسبة لاستفسارج الأول عن المنطقة الحرة فأترك المجال للأخوان والأخوات اللي عارفين بالموضوع ...
أما فيما يخص فندق الميريديان اللي على شارع الخليج ومطل على البحر.. فهو في السابق كان ملك لمجموعة بوتيكات ريتز وتم بيعه لمريديان في صفقة مبادلة.
والفندق تم ترميمه بالكامل على مستوى فنادق مريديان ويضم عدد معين من السويتات (لا اذكر العدد ولكن اتوقع من 4 الى 6) وانا كنت ساكن في سويت من فترة 3 سنوات وكان جدا مرتب وهادئ وفي افضل مطعم برأيي للمأكولات البحرية في شكل ثيم كويتي صج انه غالي بس حلو (يعيشك بالجو الكويتي من ناحية اللبس والأكل والديكوروعرض شاشات تلفزيون لدرب الزلق) ومكانه صراحة استراتيجي وحيوي.
اتمنى اكون افدتك...ويا هلا ومرحبا فيكم في الكويت