السلام عليكم ورحمة الله وبركاته
هالاسبوع ويوم الثلاثاء بالتحديد كانت لي زياره ل سيتي سنتر للغدا والتسوق ..
وقررنا نتغدا في مطعم Paul الفرنسي
موقع المطعم: الدور الثاني - مقابل محل فافافوم Vavavom
عدد الافراد: 5
تقييمي: 1010
انطباعي: الاكل جداً لذيذ ويستحق التجربه بس خذ لهم نص ساعه يجهزونه !
وصلنا المطعم على الساعه 2:30 وكان خفايف والناس بدت تطلع ..
اخترنا طاوله داخل ( اكثر خصوصيه )
انا من عادتي لازم اصور في المطاعم وبصراحه ما كانت عندي نيه انزل موضوع عنه
ف ما صورت الا جزء من المنيو ولو كنت حاطه ببالي كان صورته كامل
صور بسيطه من المطعم

المنيو

ضيافة المطعم
خبز بالزيتون الاخضر والاسود

زبده .. والشي الثاني ماعرف اسمه بس بنكهة الزيتون وروعه

طلباتنا
المشروبات :
3 كولا ، 1 عصير برتقال ، 1 عصير جزر ، 1 ماي

الاطباق :
كلهم طلبوا نفس الطبق ما عدا انا .. وفي البدايه جابوا لهم طبق بالغلط للأربعه !!
هذا هو

وغيروا لهم بطلبهم الاساسي Filet de veau grille ( موجود بصورة المنيو )
عباره عن ستيك لحم وقوارب الكوسا وماش بوتيتو وخبز بالثوم
بالإضافه لصوص المشروم ( إدمان )

وهذا طلبي .. Poulet au four a I`ancienne ( موجود بصورة المنيو )
عباره عن ستيك دجاج وخضار وماش بوتيتو وخبز بالثوم
بالإضافه لصوص المشروم

صور مقربه

الاكل لذيذ ويشبع مع ان اول ما شفناه قلنا قليل بس محد فينا قدر يكمل صحنه
وطلعت فاتورتنا شي وخمسين دينار
وبالعافيه علينا