عذايب قطر
اخباركم يالطيبين
مابطول عليكم
يغيت اعرف كم التذكرة تقريبا من مسقط الي صلاله
تذكرة كاملة 64 ريال
تذكرة مفردة 36 ريال
يعني من دبي لين مسقط بالسياره وعقب بالطيارة لين صلاله
هل يصير انوقف السياره في المطار وله في خطر عليها
يصير تركنوها في مواقف المطار ، وهناك عدة أنواع للمواقف نوع الساعة ب 300 بيسة ، ونوع آخر اليوم كامل ب 1 ريال عماني ، فتقوموا بوضع السيارة في مواقف ال 1 ريال ، وتأخذون تذاكر الى صلالة ومن ثم ترجعون وسيارتكم في المطار في الحفظ والصون .
شو تنصحوني احنا شخصين انا وزوجي
تحياتي لكم
عذايب قطر
وإذا في خاطرك شيء تفضل وفالك طيب .
تحياتي

مرحبا
مشكور اخوي على الرد وماقصرت
عندي اساله وانا حيرانه
انا في بالي نطلع من الدوحة ونقعد في ابوظبي يومين وعقب نحرك على عمان من صوب العين
قاصدين الجبل الاخضر وعقب مسقط وبعدها بالطيارة لين صلاله
كم ساعه من العين لين الجبل الاخضر نزوى
وكم لين مسقط
ممكن اتفيدوني
سالنا عن التذكرة من مسقط لين صلالة طلعت ب 900 ريال قطري
انتظر الرد
وسلامتكم

عذايب قطر
مشكور اخوي على الرد وماقصرت
عندي اساله وانا حيرانه
انا في بالي نطلع من الدوحة ونقعد في ابوظبي يومين وعقب نحرك على عمان من صوب العين
قاصدين الجبل الاخضر وعقب مسقط وبعدها بالطيارة لين صلاله
كم ساعه من العين لين الجبل الاخضر نزوى
من العين الى الجبل الأخضر تقريباً 4 ساعات وتقدر المسافة ب 430 كم تقريباً ، بس بالنسبة للطريق الأفضل والمؤدي الى نزوى ترى ما عندي خلفية بسبب إنشاء عدد من الطرق الجديدة التي تربط بين منطقة الظاهرة والمنطقة الداخلية والتي تقلل المسافات بعكس الطريق القديم .
وكم لين مسقط
من نزوى الى مسقط سوف تستغرق رحلتكم بالكثير مدة ساعة ونصف ، وتقدر المسافة ب 160 كم تقريباً .
ممكن اتفيدوني
سالنا عن التذكرة من مسقط لين صلالة طلعت ب 900 ريال قطري
سعر التذكرة من مسقط - صلالة - مسقط = 64 ريال على الدرجة السياحية .
سعر التذكرة من مسقط - صلالة - مسقط = 128 ريال على درجة رجال الأعمال .
انتظر الرد
وسلامتكم
وإذا في خاطرك شيء آخر تفضلي وفالك طيب .
تحياتي

من قطر طلعت التذكرة ب 940
ماعندي احد اعرفه في مسقط وله كان خليتهم يحجزولنا
وصلاله شكلنا بنقعد في فندق الجبل
مانبي حمس نجوم احنا نبي نستمتع بالمناظر الطبيعية
فشو رايكم بالفندق
تحياتي لكم جميعا
عذايب قطر

عذايب قطر
أختي الغالية
يمكنك الحجز عبر الأنترنت من موقع الطيران العماني ، وهذا هو رابط الموق
http://www.omanair.aero/wy/
وصلاله شكلنا بنقعد في فندق الجبل
مانبي حمس نجوم احنا نبي نستمتع بالمناظر الطبيعية
فشو رايكم بالفندق
بالنسبة لموقع الفندق فيوجد في منطقة عوقد بالقرب من مستشفى السلطان قابوس ، ويصنف من فئة الفنادق ذات النجمتين ، وهو يقدم خدمة التوصيل من والى المطار ، وبالنسبة للخدمة في الفندق ومستوى الأثاث وغيرها من الأمور فلا علم لي عنها .
تحياتي لكم جميعا
عذايب قطر
وهذا كل ما لدي اليوم .
تحياتي

هل الحجز من موقع الخطوط العمانية مضمون
واي الفنادق مطله على البحر غير الهلتون وكراون
يعني ماتنصحنا بفندق الجبل
تحياتي لك

عذايب قطر
واي الفنادق مطله على البحر غير الهلتون وكراون
لاتوجد أي فنادق أخرى مطلة على البحر بإستثناء

• منتجع الشاطىء للشقق الفندقية *

الدهاريز الجنوبية
923235599
يعني ماتنصحنا بفندق الجبل
تحياتي لك
وإذا في خاطرك شيء تفضل وفالك طيب .
تحياتي

الله يعطيك العافية
وسوري على كثر الاسئله
اخوي يعني من ابوظبي لين الجبل الاخضر تقريبا اربع ساعات
ومن الجبل الاخضر لين مسقط انت قلت ساعتين بالكثير
هل الكلام صحيح
يعني اذا نطلع من ابوظبي الصباح مرورا بالجبل الاخضر متى بنوصل
بالنسبة للطريق البري من مسقط لين صلاله هل الطريق خطر يعني شارعين وله شارع
انا ماعرف ليش متخوفه من الطريق بس ادري انه فيه مناظر روعه اكيد
ممكن صورة عن الطريق لو سمحت واي المناطق بنمر عليها
وتسلم وما تقصر يالطيب
وان شاءالله انت على تواصل واقولك رايي في عمان الجميله
تحياتي لك
عذايب قطر

اخوي اذا بالسيارة لين صلاله من ابوظبي مسقط صلاله
اشلون بيكون الطريق