1. السلام

السلام

إن شاء الله باجر بنزور المنطقة الشرقية مع الأهل ، وعندي بعض الإستفسارات :
1) كثير ناس تتكلم عن خبز تميس ( كل اللي فهمته خبز كبير على جبن على زعتر .... الخ ) ، صادني فضول وخاطري أجربه ( كله أكل ههه ) ، فياريت اللي يقدر يخبرني وين أفضل مكان لشراء مثل هذا الخبز في المنطقة الشرقية مع وصف الموقع ( ولو الإحداثيات أو wikimapia ) .
2) آخر زيارة لنا جربنا مطعم شواطئ الخليج وكان الدجاج في مكينة ، مع إنه سألت في المنتدى وقالوا لي دجاج مشوي ( الغريب المطعم مكتوب عليه دجاج شواية ) وفي الأخير يطلع دجاج مكينة ، فقررت هالمرة نتغذى في مطعم ماضينا لأنه أجوف الكل يمدح فيه ( هل يوجد محل للعوائل ؟ ،شنو أفضل طبق ؟، الأسعار ؟ )
3) العشاء ، مثل الشي جربنا في آخر مرة مطعم أبو نواس ، كان البروستد ممتاز ولذيذ بس أحس المشويات ليست بالمستوى المطلوب ، فمادري شنو تنصحنوني أي مطعم ممتاز ، ( حدائق دمشق ، مكسيم ، الشحرور ، لفان ، الوزان ، مشوار ( شخص زاره ويقول ريحة المطعم تسد النفس ) ، القرية الشعبية ! ( أهم شي مطعم لبناني أو تركي ... بس مانحب الصيني ) !
كيف أسعارهم ، وأجوف ناس تتكلم كثير عن القرية الشعبية فما هي جودة الأكل والأسعار شلون ؟
4) الأسواق ، شنو تنصحون ؟ ( غير الراشد ، الظهران ، السويكت ، سوق الحب ) ؟
أهم شي ماطولت عليكم ،،،