ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hn&mm
11-05-2022 - 09:12 pm
انا رياح ايطاليا وناوي استأجر سيارة ؟؟
الى عنده خبرة في هذا الموضوع يقول لي هل احتاج رخصة دولية ؟؟
او الرخصة السعودية الجديد مع الجواز كفاية ؟؟؟
ارجو المساعدة
شكرا


التعليقات (9)
الزعيمة
الزعيمة
هلا.....
يحتاج اكيد رخصة دولية والرخصة السعودية مطلوبة لتأكيد فقط.......
من متطلبات استئجار اي سيارة......جواز السفر +رخصة قيادة دولية+بطاقة ائتمانيه+رخصة القيادة السعودية للتأكد فقط
وبالتوفيق

milano-man
milano-man
سارة احمد
مراحب
الرخصة الدولية مهمة جدا لأستيجار السيارة سعر الرخصة 100 ريال تصدر من مكاتب السياحة.
نصيحة:
جهاز النفقيتر gps مهم جدا وراحة بال.
بالنسبة لي انا ومن تجربة شخصية اشوف افضل مكاتب ايجار السيارات هي مكاتب avis وموجودة فى المطار سعرهم مناسب جدا. للمدن انصح بالسيارات الصغيرة الحجم وذلك لايجاد موقف بسهولة مثل الفيات والفورد فوكس وغيرها.
بالتوفيق

رحال في أوربا
رحال في أوربا
أنا بالنسبة لتجربتي قبل شهر إستئجرت سيارة من ميلان بدون رخصة دولية ولا سالني عنها لان الرخصة السعودية فيها معلومات بالانجليزي وهذا الي يهمهم

hn&mm
hn&mm
يعطيكم العافية شباب على الردود
شكرا لكم

abu fisal
abu fisal
أنا استأجرت من فرنسا ومريت ايطاليا وسويسرا .. بالرخصة السعودية الجديدة فقط
عموما ما احد يسال بعد المكتب .. والله يسهل امرك

AbuMaha
AbuMaha
معليش اخواني احب انبهكم على نقطه مهمه بخصوص الرخصه الدوليه انا كنت هناك 6 شهور وصارت مواقف كثيره بخصوص هالموضوع اولا يعتمد على الشركه ويعتمد على الشخص لان الايطاليين كل يوم لهم مزاج ومش فاهمين القانون اصلا انا كنت استاجر من افيس بالرخصه الدوليه ومايطلبون الرخصه المحليه بس مره واحد مسكت معه وانا في ميلان لعوزني والله بس الزين فيهم حب الخشوم يمشي معهم
وبعض المكاتب ماتطلب الا الرخصه المحليه مزاجات طبعا
الي اهم من هذا السواقه في ايطاليا يبيلها تركيز لان فيه لوحات في الشوارع ماتفهم معناها مكتوبه بالايطالي وتشوف السيارات تمشي معها وانت ماتدري في الاخير يخالفونك لان الي يمشون فيها معهم تصريح بس
اهم شي الشارع الي مخطط بالاصفر لاتمشي معه هذا 24 ساعه ممنوع ومافيها سماح ابدا للتكسي والباصات فقط
وفيه لوحه مكتوب عليها Ztl هذب انتبهوا منها تلقون فيها وقت غالبا مايكون من الساعه 7 الصباح الى 7 في الليل ممنوع وغالبا ماتكون الي تدخل على وسط المدينه يحطون فيها كميرا والي يخالف يصورونه وترى بتشوفون ناس يدخلون ماعليكم هذولا سكان وعندهم تصريح
وشكرا

اطليانو
اطليانو
اهم شي gbs لاتنسى تسوي الاعدادات للجهاز كاشف الكميرا لان كميرات السرعه في كل مكان و الا ماتدري الا الشرطه وراك
خ
ياكثر ماصادوني خ

رامايو
رامايو
انتبهو كمان من الإيكوباس في السنتر
لازم تسووه و اللا عليه مخالفه

hn&mm
hn&mm
رامايو
الإيكوباس ؟؟؟؟
ويش معناتها ؟؟ ممكن توضيح اكثر ؟؟


خصم يصل إلى 25%