اخوي البدر
اولا حياكم الله بالبحرين تنورونا ويسعدنا تشريفكم
ثانيا ياريت تتاكد من اسعار الفنادق الي ذكرتها لاني اتوقع اسعارها اكثر من 800 ريال
لانها تعد 5 نجوم
عندك نوفوتيل 4 نجوم وسعره بحدود ال900 ريال
وحياك الله

ان كنت صحيح محصل سعر طيب في احد الثلاث فنادق ،،
خياري لك الشيراتون وبلا منازع ،،
وان خذت بنصيحة اختي الماسه ، النوفوتيل و اليت هم فنادقهم حديثه وطيبه.

اخوي مثل ماتفضلو خواتي .. الشيراتون خيار حلو ..
واذا بغيت في منطقة الجفير عندك الماريوت توه جديد

جزاكم الله خيرا وما قصرتم
والاسعار حصلتها عن طريق موقع بريورتي كلوب ،،
لكن كنت استفسر عن أفضل اطلالة للفنادق اللي أنا ذكرتها لكم ، وفي نفس الوقت يكون الفندق مريح ومافيه ازعاج وأثاثه رائع ،،
بالنسبة للنوفتيل ،، وين احصله وهل فيه احد من اعضاء المنتدى كتب عنه ،،،
وشكرا لكم

حبيبي البدر المنير بإمكانك ان تبحث في قوقل وبتحصل احد كتب عن المنتجع...وانا سكنت فيه قبل سنتين او ثلاث منتجع حلو واغلب زوارة من الجنسية الاوربيه وله شاطئ خاص...
توصيف المنتجع :
وانت على شارع الملك فيصل تتعدى المخرج اسمه المنطقة الدبلوماسيه وعلى طول تجيك اشارة...روح يمين ...(على شارع الفاتح)...وراح يكون على يمينك فندق كراون بلازا والدبلومات...بتجيك على طول اشارة....روح معاها يسار امشي شوي يجيك المنتجع على يدك اليمين وبعده على طول فندق اليت ريزورت....
ان شاء الله يكون التوصيف واضح

هلا أخوي عادل
تسلم والله وما قصرت ،،
لكن ما ذكرت لي اسم المنتجع ، هل تقصد ا لنوفتيل ؟؟؟

البدر المنير
اي اخوي يقصد منتجع الدانه النوفوتيل

هلا اخت مزون
طيب كيف لو ابي اطلع للشراتون ؟

البدر المنير
ماعرف ادلي مضبوط بس بحاول :tongue:
تطلع من المنتجع تروح سيده لين الاشاره وتاخذتها U تيرن وترجع على الجسر نفسه وعند الاشاره الثانيه (الدبلومات) تروح يمين
وبتلقى اشاره تاخذها يسار وتخلي اول اشاره وتروح سيده وثاني اشاره تاخذها يسار للشيراتون ..
ياكثر اشاراتنا
و المسافه يبيلها 10 دقايق تقريبا ..