الموضوع جيد ارجو من الجميع التفاعل مع الموضوع

mns_0
مشكور عالمرور
صدقني اخوي المفروض هالموضوع موجود في جميع بوابات السفر
لكي تعم الفائده بخصوص تعامل الفنادق مع زوارها وخاصه الخليجيين

::112:جبتها على الجرح
لما كنا ساكنين في زيلامسي كنا مستأجرين في فندق نيو بوست 9 ليال المده طويله
فلما كنا نجلس باالبي عشان النت كان ولدي يدور بس بدون ازعاج بس يدور حولنا
فبعد كم يوم كنا جالسين وكان فيه عوائل خليجيه جالسه معنا المهم جا صاحب الفندق وقام يهاوش في زوجي يقول ولدكم لايتحرك من مكانه انت ابوه وهذي امه انتم مسؤلين عنه وقام يبربر بصوت عالي
فزوجي عصب واحنا بعد نص ساعه صعدنا فوق ونزل زوجي وتهاوش معه وقاله اذا تبي تحاكيني حاكني بروحي مو قدام الناس وقاله اجل اطلعوا من الفندق فقاله زوجي عطني فلوسي واطلع :112: فرفض وبعدها لما نمر يجلس يناظرنا نظرات غبيه
مرت الايام ولما جينا نسوي التشيك اوت قالت لنا العجوز ادفعوا زياده 90 يورو فقالها زوجي ليش ماعلينا فواتير ولا شئ والغرفه مافيها ميني بار على ايش تدفعيني فقالت له ولدكم وصخ المفرش جاه شوي شوكلت وقالت ادفعوا 90 يورو مبلغ مبالغ فيه فطلب زوجي الشرطه وجوا وقالوا مانقدر نسوي شئ هم طلبوا ادفعوا
فدفعنا بعد هواش وبعدين دفعنا امرنا لله الله ينتقم منهم
والمشكله الغرفه ماكانوا ينظفونها مجرد بس يرتبون السرير ويغيرون الفوط بس :112:

شوري والله ضيقتي صدري مره ايش ذي المعامله السيئه .... عاد احنا كنا على اساس نيو بوست بس المكتب قالنا نقلناكم للسي فيلا لانه غرفتكم فيها صيانه ... وكانت احلى ليالي بالسي فيلا ..
اعذرني اخوي طلعت عن الموضوع .. اتمنى تفاعل الاعضاء

موضوع مهم جدا
وشكرا لصاحب الفكره

shory
مشكور اختي عالمشاركه
وصدقيني بعد ما سمعت صقتك مجرد التفكير بفندق " نيو بوست " ممنوع وراح احذر كل من اعرف انه راح يسافر ويسكن بهالفندق انه " يشطب " هالفندق من حساباته
مشكور مره ثانيه على التفاعل
وياريت نقراء مشاركات اخرى

نيو بوست انا الغيته من مخي بعد سالفة الاختانا سكنت بجراند هوتيل التعامل مو سيئ مره بس الموظفين والموظفات عليهم اخلاق تجيب الهم
يعني ابتسامه مافي بالاستقبال ولا ترحيب ولا شي
مره جيت بطلع من الفندق بتمشى ع البحيره طبعاً مفتاح الغرفه عادي لو اخليه معي بس اخاف يضيع مني وبعدين الميدليه المعلقه بالمفتح كبر المطرقه
يعني الافضل لازم اسلمه للاسقبال وكل مره اطلع اسلمه لهم هم طفشو كل شوي معطيهم مفتاح وراجع وماخذه منهم بالاخير جيت بستلم المفتاح الموظفه خايسة الاخلاق عطتني المفتاح وبينت لي بأني طفشتهم يعني خذت المفتاح من مكانه وحطته ع الطاوله بقوه
سوري طولت بس هذا من المواقف اللي زعلتني بالنمسا

36r
مشكور عالمشاركه
الله يستر انا حاجز فيه هالسنه بس كلها ليلتين

dellah27
للرفع
ارجو المشاركه واثراء الموضوع