الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أحلى كيميائية
06-12-2022 - 10:49 am
في يوم الخميس قررنا ان نروح الألعاب ونطلع يهال العايله
فكان على اساس المرينا مول منها نتعشى ومنها نلعب اليهال
بس اللي تفاجأت فيه ان اليهال قالولي في مكان وايد احلى والعابه يديده ومتنوعه
هياا انطلقناا:36_1_33:
وكفايه انه مكان يديد.. فكان المكان المقصود هو..
:36_1_17:
CARTON NET WORK
:36_1_27:
في منطقة شرق .. تحديدا الطابق الأول لجمعية شرق
مقابل قصر دسمان ..
فأعجبني المكان كثيرا .. لما فيه من :
1- العاب كثيره ومتنوعه للصغار اكثر من الكبار
2- العاب الجيم بأنواعها
3-العاب الصور والمداليات ( عرفتوها )
4-كافتيريا مليقة بالمكان
5-مسرح للشخصيات بس حسافه لحقنها على آخر شئ
6-العاب خارجيه
7-محل لبيع الالعاب والملابس المناسبه للاطفال
فإلى هناك..................

الكافتيريا من بعيد

هذا الكرت الاخضر تشترونه اب 300 فلس وتعبينه السعر اللي تبيه

طبعا سألت الموظف عن تابع لأي شركه قال اهي تابعه لشركة طفل المستقبل
وبامكانك عمل عيد ميلاد لطفلك في عالم الكارتون نت وورك
مع الشخصيه المحببه لك.
بقيمة 290 وفي بقيمة 390 وكل يحتوى على باقات عرض ..
للاستفسار .. /6/7 22478135
فاكس.. 22430630
وهو أحد مشاريع شركة طفل المستقبل الترفيهيه العقاريه..
وبالاخير ..
رحنا مطعم نايف بجانب الالعاب وتعشينا .. :36_1_51:
ان شاءالله اكون قد وفقت فيما كتبت ..


رحلتي الى الكويت
التعليقات (8)
المرام
المرام
كيميائيتنا
ما شاء الله عليج .. سبقتيني
عاد من اسبوعين شفت دعايتهم بالجريده و دقيت كلمتهم .. قالوا انهم تابعين ل طفل المستقبل و بجمعية شرق
و قلت لزوجي دليني على المكان عشان نروح له مع الجهال .... لاني ما ادل شرق
بس ان شاء الله اروح له على يوم
مشكوره حبيبتي على التقرير الحلو
أهم شي ريماس استانست على الالعاب ؟ الله يخليها لكم

مـزون
مـزون
شكرا اخيتي عالتقرير الحلو
وشكل المكان روعه ...
عاد الحين بوالشباب ماعنده عذر لازم يجيبنا الكويت عشان الولد يتونس >> احلفي بس ماعندكم العاب بالبحرين
الله يعطيج العافيه

بنوتة كويتيه
بنوتة كويتيه
مشكورة و يعطيج العافية على التقرير الحلو

أحلى كيميائية
أحلى كيميائية
المرام
هلا فيج
سوري سبقتج
بس لاني هاليومين فاضيه شوي وما عندي شغل وايد فقعدت احمل الصور واسوي لي جم تقرير
اي الصراحه المكان وايد حلو .. وحبيته وايد لان نظيف ويديد والالعاب بجياسها
اي واستانسنا وايد .. ترى ما يبيله شئ.. الوصف
اذا تدلين دوار قصر دسمان خليه على ايدج اليسار ودشي شرق تلقين الجمعيه بويهج
او
من صوب مطعم مغل محل اللي بشرق دشي لفته وبعدين سيده شوي وتلقين الجمعيه بويهج ..
وان شاءالله تروحين له صج المكان عجبني..
واكيد هذا اول مكان نطلع فيه ريماس تلعب بس ليلحينها ماتعرف
ووايد صور صورتها بالاخير تعبت ونامت
ميرسي عالمداخله العسل

حور الكويت
حور الكويت
مشكورة والله يعطيك العافية على التقرير الروعة

كويتية وافتخر
كويتية وافتخر
هلا اختى الكيميائية ،،، ماشالله عاد تدرين انا امس مريت علي نفس الشارع وكنت بروح سوق شرق وهم شفت المكان وحتى جمعية شرق واايد مجددينها وهم بعد فيها مطعم (ناز الإيرانى ،،،، وماكدونالدز ،،،، ونايف ،،) بس اكيد راح اروح اودي اعيالي حق الالعاب الجديدة لكرتون نت وويك
تري هم بالاعياد اييبون هذي الشخصيات طفل المستقبل حق اليهال بسوق شرق
ويعطيج الف عافية ماقصرتي علي هذي المعلومة حق اعيالنا

رفيع الشان
رفيع الشان
مشكوره أختي أحلى كيميائيه
و الله يعطيج العافيه على التقرير الأكثر من رائع

alrashedq8
alrashedq8
وانا عبالي شي نفس المدينة الترفيهية طلع طفل المستقبل بس على شخصيات كارتون نيتوورك
بس شكله حلو حق الصغار واحنا الكبار ماكو شي حقنا
بس فكرة حلوة ان تكون الالعاب على شخصيات كارتون نتوورك
جمعية شرق اهي اللي فيها مطعم نايف اللي يم دوار دسمان؟؟
مشكورة ويعطيج العافية على التقرير


خصم يصل إلى 25%