تورنتو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mr.english
16-12-2022 - 05:11 pm
  1. الجزء الاول


بسم الله الرحمن الرحيم
السلام عليكم ورحمة الله وبركاته

الجزء الاول

"67 يوم من احلى ايام العمر احكيها في هذا الموضوع بالصور ان شاء الله تعالى"
كان يا ما كان في قديم الزمان.. كان Mr.English يحب السفر كثير وكان يقول بسافر للبلد الفلاني وللبد الفلاني.. وكلها كانت كلام.. مالكم بالطويلة.. جاء يوم من الايام فكر جديًا فيه انه يسافر الى كندا لدراسة اللغة الانجليزية :x1:
كان الموضوع صعب في الغاية.. معارضة من الام وتأييد من الأب وأخ يساعدني ويبحث معي ويساعدني في البحث عن انسب مكان لدراسة اللغة الانقليزية فترة الصيف..
مع بحثي وملاحظاتي واستفسارات من الأصدقاء وبحث ورأيت مناظر وتطور وتنظيم.. الخلاصة: "حبيت كندا".. ولا اخفيكم ان تقرير الاخ كريم سبلة كان من احد اسباب الاختيار للمدينة بالذات
رضت الوالدة بالأخير.. المهم اني اخترت مدينة تورنتو العاصمة الاقتصادية لكندا..
اما الحين خلوني أقول أقولكم عن تورنتو.. تورنتو هي اكبر مدينة في كندا.. تتمتع بجو جدا رائع في الصيف (بالنسبة لنا طبعا) وفيها أطول برج اعلى نقطة وصلها (Free-Standing Structure) بالعالم.. تقع على احد البحيرات العذبة الخمس العظمى على الارض.. ولايخفاكم ايضا شلالات نياقرا.. واللي هي اكبر شلالات واضخم تدفق مياه في العالم.. وايضا فيها اكبر مدينة ترفيهية في كندا واللي هي الوندر لاند (Canada's Wonderland) .. كما ان تورنتو خامس اكبر مدينة في امريكا الشمالية.. بعد مكسيكو ستي ونيويورك ولوس انجلس وشيكاقو. فيها 3 جامعات ضخمة ومتميزة.. جامعة تورنتو وجامعة يورك وجامعة ريرسون.. وفيها 5 كليات تقنية.. كما ان جامعة تورنتو من افضل الجامعات في القارة الامريكية. تورنتو فيها اطول شارع في العالم واللي يبلغ طوله اكثر من 1800 كيلو متر..
كانت تجهيزات السفر متعبة ولكن ممتعة بنفس الوقت.. قدمت للفيزا واخذتها بعد حوالي 21 يوم.. وكان اللي رافع ضغطي هو حجز التذكرة.. وكل شوي نقول بعد شوي.. لين طارت الطيور بأرزاقها ووحجزت تذكرة ام 4000 ريال بقيمة 6600 ريال على طيران الاتحاد! اضطرينا نرفع الدرجة عشان القى مقعد وحجزت وقطعت التذكرة يوم السبت والرحلة كانت الاربعاء.. يعني سريع سريع.. خط الطيران الرياض-ابوظبي-تورنتو.. والعكس للعودة..
في الروحة كان الفندق على حسابي لانه ماكان يعتبر ترانزيت.. بين الرحلتين رحلة لكنها كانت مليانه فل.. وحجزت في فندق ال"Crown Plaza" ابو ظبي.. روعة صراحة كان بحول 350 ريال ليلة واحدة
صالة مطار ابو ظبي..
هذا الفندق.. كراون بلازا اللي بأبوظبي
حركات اخر الليل.. فاضي وماعندي شي قلت بصور.. ح
هذا وانا بالتكسي.. ارخص تكسي شفته.. مشوار ابو 15 ريال عندهم ب 3 درهم=ريال:8888:
وكل المشاوير بالعداد.. حسبت عداداتهم خربانه بس ركبت حول 5 تأكدت انها رخيصة اصلا!:8888:
انا سويت تشيك اوت بس طلبت يحطون الشنط عندهم لاخر الليل عشان اروح السوق واقضي الوقت برا الين يجي موعد الرحلة.. رحت السوق وتمشيت وكل شي.. جت الساعة عشر واتصلوا الفندق قالو يالله تعال السيارة تنتظرك
استغربت قلت يعرفون رحلتي بس مااعرف ان فيه سيارة للمطار.. انا حسيت ان فيه سوء تفاهم..
رحت وركبت حسيت اني مهم ههه وقلت بشوف هم يطلبون الحساب ولا لا؟ بس ماحد طلب حسيت انها من ضمن الخدمة..
المهم جيت ولقيت كابرس جديد ونظيف على البوابة مع السواق.. حطو شناطي وركبت ورا ودز فيني الى المطار
وهذا بعد مااتكلت على الله ورحت للمطار.. وانا قاعد اصور جاني عسكري
قالي ممنوع.. قلت اذا منعت الاجانب ماراح اصور وبعدين صور المطار بكل الانترنت.. واقفة علي:112:


رحلتي الى كندا
التعليقات (7)
صديق الهمس
صديق الهمس
احم احم ... كح ******** سعيد بانه اول من رد عل الموضوع
بداية جدا جدا جدا مشوقه وحلوه
لذيذه مثلك يالغالي ... اه ذكرتني برحلتي ... طبعا في نفس سنة رحلتي
اما بالنسبة للأم وعدم رضاها ... عارف هالشعور ياغالي ..
تعال .. كيف ؟؟ التذكره كانت ب 4000 ريال بس ؟؟؟ اي خطوط ... الاتحاد؟؟
بس ما وضحت كم يوم سكنت والهدف من الرحله
متابع وبقوه ... على احر من الجمر
بانتظار الجديد
تحياتي
صديق الهمس

qatar3333
qatar3333
ماشالله عليك تقرير مشوق
سجلني من المتابعين الغالي

sager33
sager33
في انتظار باقي التقرير

fahad26
fahad26
ماشالله بدايه حلو ه
شد حيلك ونحن في
انتظارك

mr.english
mr.english
  1. الجزء الثاني

  2. مشكورين على الردود الحلوة..

  3. الهدف كان اللغة الانجليزية

  4. طبعا انتو عرفتو خط الرحلة الرياض-ابوظبي-تورنتو


الجزء الثاني

مشكورين على الردود الحلوة..

بالنسبة للخطوط رحت على طيران الاتحاد الاقلاع كان تاريخ 20 - 6 - 2007 اللي هو يوم ميلادي وصادفت انه نفس تاريخ ميلادي صار عمري 19 وانا على الطيارة ههه وماصار يقال عني "Underage" حسب القانون الكندي :8888:

الهدف كان اللغة الانجليزية

طبعا انتو عرفتو خط الرحلة الرياض-ابوظبي-تورنتو

ركزو ابوظبي-تورنتو بدون توقف.. 15 ساعة على كيفك.. عطونا كيس فيه شرشف وشرابات ومخدات وفرشة اسنان ومعجون.. كني بكشت في البر.. بديت الرحلة حماس.. الطيارة كانت كلها اجانب تقريبا ماعدا سعودي واحد كشفته بالجواز كان شايله:wink: وتهاوش مع مضيفة مدري وش السالفة.. المهم الرحلة بدت.. وماجت ساعتين الا وطفشت.. قلت لالا بنام واقوم ..نمت وقمت.. اشوف الا وباقي 10 ساعات.. اشوف فلم فلمين.. واطالع الا باقي 7.. وانام مره ثانية واكل واروح لاخر الطيارة لين اولها عشان ماينحبس الدم:tongue: ههه من الطفش صراحة.. الوقت ماله نهاية!
جلست مقعدي على الشباك وجنبي باكستاني موظف كبير في دبي.. المهم انه كرشة ودب.. وذبحني بالتكاية اللي بيننا.. ماتهنيت فيها.. ادف يده شوي وهو يدف يدي شوي كل واحد يسوي نفسه مب قصده ههه لا ورايح يطلب هجرة لكندا هو وجهه.. اقول بنفسي كنهم ينتظرونك مره بتكملهم ههه
مابقيت لهم شي
هذا احلى منظر.. والصراحة الصورة ماتجي نص الواقع.. والمدينة اللي تحت هي (دمشق)
شقينا العالم شق
هذا واحنا نمر من تحت القطب الشمالي مباشرة.. كان مره برد صراحة:tongue:
خط في السحب كأنه سيارة او قطار مر منه.. سبحان الله
وبحمد لله وصلنا تورنتو.. وبدت تنزل الطيارة حبة حبة.. اطالع تحت!! اقول يالله ياسلام..
خضار وطبيعة وتنظيم خيالي.. منظر روعة
واطالع بتنظيم البيوت.. والاشجار حولها.. كأنه حي البطحاء في الرياض ولا؟ :tongue:
وصلنا بحمد الله وعبيت الابليكيشن حق الدخول ودخلنا مطار Pearson الدولي.. فخامة ونظافة واناقة عجيبة
تأخرت شنطتي الثانية وكانت مع اخر 3 او 4 شناط.. وطلعت من الصالة بدون اي تفتيش حتى شناطي مادخلوها الجهاز..
طلعت والقى ورقه مطبوعة بأسمي.. والقى راعي البيت العم ديفيد ينتظرني .. شكله حبوب وطيب..
رحنا المواقف وركبنا الpath finder حقه ودزينا للبيت
شوارع نظيفة وطبيعة وناس يمشون ومباني جميلة .. اتعب انا
وصلت البيت.. كان نظامه اسباني.. مجمع تدخل تلقى ابواب بيوت وكل بيت دورين.. وبالوسط ساحة حلوة وفيها نافورة وكراسي وورود..
البيت موقعه خرافي.. للي يعرف في تورنتو.. على Beech Ave جنوب شارع Queens لما اطلع من المجمع اشوف البحيرة.. من قربه للشاطئ.. مااكمل ثواني مشي الا وارجولي بالمية.. موية يعني ح لما وصلنا افطرنا بيض وحركات سواه هو.. وجا يشيل الصحون.. قلت تأخرت عليك بالمطار حول ساعة وتعب من السواقه ويقولي مشغول لازم يروح.. قلت خلاص ابودي الصحون.. قال اوكيه.. (انتظره يحلف هو يشيلها بس مانفع ووديتهم وغسلتهم بعد ههه:109
العم ديفيد كان طيب مره ويقولي تعرف بني حارث وبني سعد؟ قلت انت وش عرفك؟.. يقول من فلم Lorence of Arabia (لورنس العرب) بدينا حياة طبيعية ودخلت غرفتي.. الغريب ان المدرسة قالوا انه ساكن مع ولده.. بس طلع ولدة احيانا عند امه واحيانا مع ابوه.. لأنهم تطلقوا مدري من طلق الثاني المهم العشاء كان مشوي.. الرجال صراحة اكلت عنده لين انتفخت.. كل يوم نشوي.. وكان يقولي اي شي تبغاه اكل خذ من الثلاجة يعني خذ راحتك بالبيت
هذي صورة له وهو يشوي بالحديقة الخلفية the back yard
صورة المشوي لذيذ
نمت يومها وقمت بكل نشاط قالي بنروح الداون تاون.. ونتمشى قلت قدام..
Queens street
هذي العربة اللي تمشي على السكة يسمونها هناك "Street Car" حلوة مره صراحة لكنها قديمة وكانو يقولون راح يجيبون جدد بس مدري وش صار عليها
وهذي المحكمة.. على كوينز ستريت بس بعد ماتعدينا Yonge واحنا متجهين للغرب
هذي امانة المدينة اللي يشتغل فيها ديفيد.. كان ابوي قصدي.. العم ديفيد :tongue: يشتغل عند سكرتيرة محافظ المدينة
هذي واحنا في قلب تورنتو وسط الناطحات
رحنا الشاطئ وكان فيه مناظر رائعة جدا.. ترى قصدي البحيرة والطيور.. ههه:8888:
الCN tower ماكل الجو على الناطحات.. لانه جدا جدا جدا مرتفع!!
نكمل في الجزء الثالث..

صديق الهمس
صديق الهمس
اه ... والله الصور توجع القلب.... تجيب لي ذكريات اول
اشهد انك فنان في التقاط الصور .

وارثة الطيب
وارثة الطيب
ماشاء الله صور من الداون تاون حلوه
خاصه البلديه عندها نافوره مره تصير نافوره بالصيف
وبالشتاء تصير ساحة تزلج يسلام فاتك والله شي خرافي وانت تتزلج والسنو ينزل:8888:
وطبعا اهم شارع ينج استريت شارع لجه والله كل اللي فيه يطقون ماسكينها عرس:bounce8:
مازالنا متابعين


خصم يصل إلى 25%