البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
D7ooomi99
13-12-2022 - 01:35 am
بسم الله الرحمن الرحيم
السلام عليكم ورحمة الله وبركاتهكل الشكر والتقدير >>> أحس قاعد اقدم برنامج واشكر الراعي الرسمي
الزبدة:- أشكر كل الاعظاء اللي قدموا لي معلومات قيمة عن مملكة البحرين مما سهل علي رحلتي هذه منهم الماسة السوداء والغالية
وأشكر واحد من الاعضاء بحريني غير أعتقد أسمه لأني بايق الخريطة حقته
واللتي كان مخطط لها أن تكون إلى محمية العرين وبعد ذلك إلى السيف مول
  • الحلقة الأولى -المهم أني يوم الاربعاء 5-11-2008 وفي الصباح

خشيت الجوازات بالسيارة
وقلت للمدام يالله مادمت أني في إجازة والناس في اعمالها ومدارسها الخبر مافي أحلى منها هذا الوقت وخذي حسابك أن مافي رجعة للبيت إلا في الليل يعني طلعة مرة وحدة أبي أحلل يوم الاجازة هذا
طلعنا من البيت على الساعة تسعة ونص - عشان نتحاشى زحمة المدراس والاعمال في الساعات المبكرة-
وقلت خلنا نروح كورنيش الشبيلي وناخذ لفتين والجو حلو ويجنن
المدام :- وين بنروح
أبوداحم:- ليش خير عسى ماوراش شي - لكنة تهجمية ترفع الضغط "" لكنة أغلب الرجال ""-
المدام:- وبصوت خافت لا بس حبيت أعرف وين بنروح
أبوداحم:- قلتلج الشبيلي
المدام :- لا اقصد بعد الشبيلي:21:
أبوداحم :- أها بعد الشبيلي أي مكان تمشي فيه السيارة بالخبر ودوارة على البحر كوفي شوب طبعا
المدام:- يعطيك العافية
أبوداحم :- أحسب بعد:36_1_3: >>> صح ياقوي
المهم وبعد لحظات من الصمت
المدام:- أي كوفي شوب
أبوداحم:- قلتلج أي شي أي واحد
المدام :- طيب
أبوداحم:-:36_1_19: "طبعا داخليا"
المهم وصلنا كورنيش الشبيلي وخذلك دورة
وبعد كذا
أبوداحم:- أقولج مالي خلق كوفي شوبات
المدام:- ليش
أبوداحم:- مالي خلق بس كذا مالي خلق
المدام:- -- وهي مندهشة من الاسلوب الفض والنفس الخايسة-- أوك براحتك
وقفت كوفي اللي بالمحطة وأخذنا كوفي ودورة على الشبيلي وركبنا الجسر
ودفعنا 20 ريال رسوم الجسر
المدام:- رايحين البحرين
أبوداحم:- شايفة جوازاتنا معانا - بناخذ دورة على الجسر ونرجع حرام يعني-
المدام :- شفيك أنت اليوم أحد مزعلك شي
أبوداحم:- ولاشي
أبوداحم :- بقولج شي بس لاتعلمين أحد
المدام :- قول
أبوداحم:- أخذي جوازج من الدرج وطبقي بسرعة :36_15_9:
المدام:- أها ماتجوز من حركاتك هذي
أبوداحم :- فقع ضحك
أبوداحم:- رجع ملامح وجهه زي أول مكشر بتطبقين بسرعة ولا أغير رايي وأرجع:112:
المدام:- تسويها:36_15_24:
وهكذا انفضحت المفاجأة وانكشفت أوراق أبوداحم إلا ورقة وحدة كانت الجوكر >>> أصلح كاتب سيناريو:kashkhah: أبوداحم
المهم
كنا على الجسر والساعة العاشرة صباحاdata_travel/data/6489/medium/resized_DSC04250.jpg
وكان الجسر فاضي بما تعنيه الكلمةdata_travel/data/6489/medium/resized_DSC04259.jpg
ومن الفضاوة حتى الحفريات سووها
وهذي صورة المغادرة إلى مملكة البحرين ومتع عيونك بالجسر الفاضيdata_travel/data/6489/medium/resized_DSC04265.jpg
والله شي خيال شوفو الجمارك شلون فاضية من جد وناسة

ولما وصلنا مركز التأمين البحريني قاللولي ياحلو
عليك مخالفة روح سددها في مكتب المرور هناك وبعدين نأمن لك ونمررك
المهم بوداحم ضرب حساباته
أنا عمري ماتهورت ولاسويت مايكل شومخر بالسيارة الجديدة >>> يعني سمعوا عندي موتر جديد -- مطفوق له سنة عندي-
المهم قلت خير إن شاء الله نروح نشوف في مكتب المرور وش السالفة
رحت هناك بالصندقة
صباح الخير
صباح النور
أخوي يقولون أن على مخالفة وأنا مخالف
وهذي أوراق السيارة
تشك تتشك تشك تشك تشك


رحلتي الى البحرين
التعليقات (8)
مـزون
مـزون
حياك الله اخوي والمسلسل بدايته عن جد حلوه ..
لاتطول علينا متابعينك

منبع الروح
منبع الروح
حلو التقرير والاسلوب اجمل ننتظر التكمله بس لاتتاخر

الماسة السوداء
الماسة السوداء
خ بدون تعليق على سالفه المخالفه حتى 81 يخالفونك عليها
ويعطيك الف عافيه على هالتقرير المشوق
متابعين معاك لي اخر التقرير

الغالـــية
الغالـــية
مرحبا فيك أخونا ... في البحرين .. انت والمدام ... نورتوا البحرين ..
ولا شكر على واجب ... ما سوينا شي ...
التقرير من بدايته مشوق وباين عليه انه رايح يكون ممتع ... أسلوب حلو ومغامرات ...
منتظرين التكملة ... وشاكرين لك مشاركتك لنا هالزيارة

D7ooomi99
D7ooomi99
- الحلقة الثانية -
الإختطاف
عدنا
وبعد دخولنا إلى البحرين بدأت بتتبع اللوحات الإرشادية لحلبة سباق البحرين "" لأنها هي اللتي توصلك إلى محمية العرين وجنة دلمون المفقودة لقربهم من بعض "
وأول ماجات اللوحة ومع الكوبري يمين المدام استغربت عادة نروح يسار للمنامة والمحرق وضاحية السيف المرة هذي يمين على وين
المدام:- على وين ياحلو
أبوداحم:- رجعنا
المدام:- لابس حبية أسأل طريق أول مرة أشوفة
أبوداحم:- عملية إختطاف فلسنا من الاسهم والغلا قلة بكلم عمي إذا يبي بنته يدفع فدية 2 مليون
المدام:-ماتجوز عن حركاتك هذي
أبوداحم:- كيفي مابي أجوز عنها
وهذي خارطة الطريق أو آسف خريطة الموقع
"" الخريطة مبيوقة من أخوي وحبيبي بحريني غير""

المهم لحد يقولي وين المحمية أنت ألحق لوح حلبة سباق البحرين تحت كل حصاة بتلقى وحدة وعلى كل عمود لمبة

dubai112
dubai112
روعه تقريرك يابوعبدالرحمن
و انا متابع التقرير الرائعه تحياتي لك عزيزي و في انتظار المزيد

فاررسه
فاررسه
صور حلوه يعطيك العافيه في انتظار باقي التقرير

سعودي أوكيه
سعودي أوكيه
أجمل تقرير قرأته بصراحه وبدون مجاملة ياأخ عبدالرحمن وننتظر جديدك ولاتنسى الأفوكادو وسلملي على محمود


خصم يصل إلى 25%