™ ْ² مناسبتنا الخاصة في مطعم نينو الايطالي ™
السلام عليكم و رحمة الله و بركاته ..
أمس 27/11/2008 كانت عندنا مناسبه خاصه .. اللي هي مرور خمس سنوات على زواجنا .. يعني امس ذكرى يوم زواجنا
و باليوم هذا نحب نطلع و نتذكر بعض بهدايا بسيطه ...
بالاول حطيت في بالي ... اما مطعم قناطر اللبناني الجديد أو البحار السبعه اللي فوق برج الحمام او لونرتو المطعم الفرنسي
ف خيرته ... قلت تبي لبناني ولا فرنسي ولا بحري ؟
قال خلينا هالمره لبناني ... قلت اوكي
بس امس قال لي وين مكانه قلت له عالبحر عند شوبيز
قال اليوم الخميس و الدنيا زحمه ... خلينا قريب و بيوم ثاني نروح ل هالمطعم
قلت خلاص ... يمدحون نينو في الافينيوز
و رحنا له ... و الحمد لله عجبه المطعم
عجبني حيل المطعم ... الاضائه خفيفه و الجرسونات مو مقصرين ..
و اللي خلاني اتطمن قبل نطلب ... انه المطعم زحمه لكن مو حيل
المطعم تلقونه بالدور اللي تحت من داخل عند دبنهامز لاغراض المنزل ... و عند شوكلت بار
احنا كنا ندوره فوق ...
المهم ...
طلبنا :
ربيان + ستيك بصلصة الفطر + لازانيا + باذنجان ما عجبني + عصير كوكتيل + سفن
طلع حسابنا 19 دينار و 100 فلس
و الحين الصور ...
أول ما قعدنا جابو لنا التوست و الجبن المبشور و الزبده :

المنيو :

الطلبات :
عصير مدري شسمه بس مثل الكوكتيل : فيه موز و منجا و فراوله بس طعمه فراوله وبس

السفن :

لازانيا :

الباذنجان اللي ما عجبني :

الربيان اللي عجب زوجي حيل
لاحظوا حجمه .. ما شاء الله ... اللي يشوفه يقول سمك مو ربيان حجمه كبير حيل

ستيك بصلصة المشروم :

جزء من ديكور المطعم :

و الحين الهدايا ... تبون تشوفونها ؟؟
راح اوريكم وحده من الهدايا اللي جبتها لزوجي :

عرفتوها
هذا جاكوزي للرجول هو يحب هالسوالف و الحمد لله عجبته
و هديته لي كانت ..

ايه صح ... شوايه كهربائيه
نصيحه لكل زوج و زوجه ...
لا تنسون بعض بالهدايا ... بين لها انك متذكرها ... ترى كل واحد يحب انه احد يتذكره بهديه حتى لو كانت بسيطه
كثير يقولون لي زوجي ما يجيب لي ... ليش اجيب له ..!!
حتى لو ما يجيب لج ... انت عوديه على الهدايا و هو راح يتعود و يجيب لج ....
ان شاء الله يكون عجبكم التقرير ...
و انتظروا جديدي
و ادعوا لي انه بنفس هاليوم السنه الجايه ... يكون ابني او بنتي بحضني