القاهرة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
hgفراشه
15-09-2022 - 06:34 am
السلام عليكم
كيف الحال جميعاا ..
إستفساري لأعضااء منتدى العرب المسافرون الذين شعرت بصدق تعاونهم وكأني ذهبت للمنطقه وشفتهاا
من كثرر التعااوون ..ماشااءلله تبارك الله
أناا بحول الله ودي أسافر مصرر في هذاا الشهرر ممكن نص الشهر اونهايته ماني عارفه قلت بالأول أجمع معلومات
لسبب إني ولامرره سافرت دوله عربيه !!! وقلت أول دوله أزورهاا مصررأم الدنيا .. رأساا على القاهره
بغيت منكم ترتبوون لي رحلتي لمدة اسبووع انااوزوجي
وين الأماكن اللي نتمشى فيهاا.. المطاعم للغداء .. للعشااء..
تنصحووني بفندق اوشقه لاني انااوزوجي وماابي الفندق يكون غالي مرره ابي سعره مناسب جداونظيف
اسعار مصرحاليا من تمشيات وغيرره تعتبر من النوع المرتفع او المتوسط
رحلتي لمدة اسبوع من فندق اوشقه وتمشيات وأكل تكلف كم لي بالسعودي
والجنيه كم يساوي عندناا
وأي شيء تعرفونه خبروني إياه
ولكم مني خالص الدعاء


التعليقات (9)
hgفراشه
hgفراشه
من خلال بحثي وجدت أنكم ماتنصحون بشقه للعوائل وتفضلون الفنادق طيب ودي بغرفه بفندق سعره حلوو
وشرايكم بفندق النبيله كم يطلع عندناا لليوم بالريال السعودي
وهل احجز الفندق لاوصلت مصرر وإلا من المكاتب اللي عندناا
تتوقعون 2000ريال للتمشيات فقط خلاال 7ايام حلوه والاماتناسب
انتظركم

lady in apple
lady in apple
وانا مثلك اختي ان شاء الله ناوية انا وزوجي السفر بنهاية ديسمبر وستكون اول مرة بالنسبة لزوجي يزور مصر ان شاء الله اما بالنسبة لي فقد سبق لي زيارتها صيف 2003 مع اهلي.
حتي يتسني لاعضاء المنتدى مساعدتك انصحك بتوضيح اهدافك من السفر, ماذا تفضلين في السفر? وماهي اولوياتك? زيارة الاماكن الاثارية ام التسوق? مانوع الطعام الذي تفضلينه? هل يهمك المنطقة التي تسكني فيها ام تعتبرين السكن مجرد مكان للراحة والنوم?وكذلك الامر بالنسبة لزوجك?
اتمنى من الاخوة التفاعل معك فانا متحمسة لقراءة الردود بالرغم اني قراءت العديد من التقاريرالمفيدة والتي اعطتني فكرة شاملة عن القاهرة علي الرغم اني زرتها من قبل ولكن لدي شعور انه هناك الكثير قد فاتني.

اليانور
اليانور
اختي يعتمد هذا على صرفياتكم وانا راح اقولك لو على اكل وتفسح لمدة اسبوع 2000 حتكفي ان شاءالله
اما بالنسبة للفنادق فانا انصحكي بالحجز عن طريق النت لانه حيكون ارخص وعندك مواقع كثيرة منها هذا الموقع
http://www.octopustravel.com
اما المطاعم كثيرة منها بلانتيت افريكا وتشيليز وغيرها

wــــواح
wــــواح
hgفراشه
هلا فراشة
راح ابدا معك بالسكن وبما انك سألتي عن فندق النبيلة ...
انا سكنت قبل فترة في النبيلة وراح اعطيكي رأيي بكل امانة
موقع الفندق ممتاز جدا _شارع جامعة الدول العربية _ قريب من امطاعم والأسواق وموقعه في اجمل شارع في القاهرة خاصة للسواح الخليجيين بصفة عامة ...
مستوى الفندق اربع نجوم وممتاز من حيث الغرف والخدمة وافضل شي فيه لايوجد به بار او مراقص وهو فندق محترم ومميز ..
سعر الفندق تقريباً مائه دولار في اليوم (375) ريال +افطار بوفيه من كل الاطباق وبالهنا والعافية ..
الحجز ممكن تحجزين عن طريق الاتصال بالفندق افضل وهذا موقع الفندق بأمكانك رؤية الغرف ومستى الفندق من جميع النواحي ..
ملاحضة مهمة جداً اذا اتصلتي تبي تحجزين اطلبي من الغرف او الاجنحة المجددة وتكون مطلة على الشارع الرئيسي وهذا هو موقع الفندق وانا من رايي انه الافضل لكم ..
http://www.alnabilahotel.com/ara/history.asp
.........................................
المطاعم كثير
وهذا الرابط فيه اغلب المطاعم واراء الاعضاء فيها
https://artravelers.com/p/re/104289
........................................
اماكن التمشية والأسواق خذي هذا الرابط فيه كل شي عن الاماكن السياحية في مصر
https://artravelers.com/p/re/95961
...............................................
بالنسبة للعملة
0ريال يساوي= 1,509.93
وخذي هذا الموقع حطيه عندك بالمفضلة لتحويل العملات عشان تعرفين قيمة حميع العملات بالريال السعودي في اي وقت وبتحديث يومي..
http://www.alsaqr.com/currency.htm
.................................................
تكلفة الرحلة من غير التذاكر لمدة سبعة ايام
السكن 375*7=2625
المواصلات 100*7=700 ريال
مصاريف يومية+الوجبات الرئيسية+تسوق= من 500 ال 700 ريال
يعني نقول 600 *7=4200 ريال
المجموع 2625+700+4200=7525 ريال
يعني لو تكون الميزانية عشرة الاف ريال بدون تذاكر ممتازة جداً
..........
طبعاً ابعطيكي افضل الأماكن من رائئ الخاص
الأسواق ....سيتي ستارز في مدينة نصر
افضل الاماكن خان الخليلي _الحسين +العمدة وع جامعة الدول العربية
افضل مدينة العاب _دريم بارك
النيل لايفوتكم جلسات ومراكب ومطاعم
وعليكي بالراوبط الي فوق وافية وكافية ..
اخيراً اتمنى لكم رحلة موفقة وسعيدة ..

سعودية تعشق مصر
سعودية تعشق مصر
ماشاء الله عليك كفيت ووفيت
وفعلا 2000 ريال بصراحة ماتكفي مع ارتفاع الاسعار اللي حاصل
بس القاهرة حلوة وتقدروا تمشوا على قد فلوسكم بس احس ان السفر محتاج شوية رفاهية
اتمنى لكم اجازة حلوة في ربوع معشوقتي
واي سؤال انا حاضرة
تحياتي

][KSA_MooN][
][KSA_MooN][
شكرا اختي فراشة على ثقتك الطيبه بأعضاء هذا المندى الطيب...
راح احول انظم رحلتك قد مااقدر انا من رواد مصر من زمان .
طيب راح ابداء بالطيران ... اذا حصل لا تروحين الا بالخطوط السعودية .... هي افضل شي
الشي الثاني الميزانية من دون التذاكر طبعا حسبت فنادق ومعيشه وتكاسي اعلى ليمت 8500 ريال تقريبا...
والنظام راح يكون السكن في فندق النبيلة ولا تسكنون الا في الادوار المجددة اطلبوها من المكتب الي تبون تسافرون عن طريقه.... الشي الثاني النبيله موقعه زين على جامعة الدول وحوله كل شي مطاعم وكوفي شوب ومحلات بيع ملابس وغيره. يعني على شارع مليء بالحركة راح تنبسطون.
الشي الثاني اذا تبون فندق راقي مرة اسكنو ماريوت برج الجزبرة على النيل بس راح تتغير الحسبه لأنه غالي يعني راح يزود حوالي 3500 ريال تقريبا لكن الفندق يستاهل لأنه راقي مرة .
المطاعم..
1_ مطعم قدورة حق سمك في جامعة الدول العربية رهيب هالمطعم مرة ...
2_ مطعم كباب ابو رامي في السيدة زينب ... حلو مرة عنده كباب ام
3_ اذا ولهتو على الرز روحو لمطعم حضرموت... وقريب منكم في جامعة الدول موقعه...
الاسواق..
1_ مجمع ستار ستي جدا جدا رايق لا يفوتكم مجمع جديد وحلو مرة ولا يجيه الا الطبقه العاليه..
2_ وسوق فيرست مول حلو ..
3_ الملحقيه حق هليتون رمسيس...
الطلعات البحرية والتمشيه ...
1_ روحو للمركب الفرعوني رخيص جدا وحلو بوفيه مفتوح مع العشاء..
2_ وفيه بعد كرستالة النيل .. نفس النظام,,,
3_ فيه الاناطل الخيريه حلوه ...
المعالم....
1_ المتحف المصري حلو مرة ...
2_ الاهرام مهم زيارته..
الميزانيه اليوميه ....
1_ لاتتجاوز الالف بالكثير وراح يبقى منها...
ملاحظات مهمه... 1_ انتهبو من الصرف في السوق السودة لعدم وجود المصداقيه..
2_ يجب اخذ الحذر في المطاعم والسؤال عن التكلفه قبل الطلب وكذلك التكاسي...
والله يوفقكم وتروحون وتجون بالسلامة
اخوك قمر السعودية

hgفراشه
hgفراشه
lady in apple
هلاوغلا
تروحون وترجعون بالسلامه يارب
طبعاا الاماكن هي المميزه في مصر والطعام أكل مصر يمدحونه وودناا نجربه
طبعاالسكن يهمني
وفعلا من سنة 2003إلى الان أكيد في تغيرات حاصله !! ويارب تستفيدي من المووضوع
حياك

hgفراشه
hgفراشه
تسلمون جميعا عل مشاركه بالردود وربي ينولكم مرادكم ويرزقكم من حيث لاتحتسبون
ودعواتكم تتسهل علينا السفره

hgفراشه
hgفراشه
lady in apple تروحون وتردون بالسلامه
اليانور سلمت على المشاركه الطيبه
سواح ماشااءالله ماقصرت كفيت ووفيت مثل مايقولوون
سعوديه تسلمين قلبوو
قمر السعوديه ربي يسلمك ويجزيك خير
بغيت طيب يعني لوو نضع 11000شامله التذاكر وكل شيء تتوقعون تكفي وإلا


خصم يصل إلى 25%