المحلات في الرياض
بسم الله نبدا
وترى المعلومات من اخوي الله يعطيه العافيه
المحل الاول
اسمه الديوانيه النجديه
الموقع:
طريق أبو بكر الصديق (حي النزهه)
الوصف:
امسك طريق الدائري الشمالي الين مايجيك مخرج ابو بكر الصديق اطلع معه وبعدين امش تبي تجيك اشاره تعدها تجيك اشاره ثانيه برضوه تعدها وبعد تجيك اشاره ثلاثه الي هي تقاطع طريق الملك عبدالله ابد خذ يوتيرن يعني ديور و ادخل مع الخدمه وامش تقريبا 300 او 400 الين ماتحصله موقعه قبل صيدلية اطلس
المحل الثاني
مايعرف اسمه
الموقع
طريق العروبه (حي الورود)
الوصف:
امسك طريق الملك عبدالعزيز وخلك في الخدمه وامش الين ماتجيك اشارة حقت محل اكسترا للكترونيات ابد لف معاها يمين وامش الين ماتجيك اشاره حقت تقاطع العروبه مع شارع المهندس عبدالله العنقري ديور معاها وامش وامش الين ماتلاقاه طبعا موقعه قبل بنده
وسامحنا على التقصير

السلام عليكم
فيه محلات بمخرج 15 اطلع معه وانت متجه شرق سوي رجوع من الإشارة تجيك على يمينك

شكرا يا روز الله يعطيك الخافيه انتي واخوك هالنشمي
كل هذا وتقولين سامحنا على القصور ماشاءالله عليك
الاخ مهند الله يعطيك العافيه وما قصرت
على فكره تصويرك رهيب في موضوعك المثبت في بوابة الكويت
شغل عدل

تم زيارة الموقع الاول يا اخت روز وهو على نفس الوصف اللي قلتيه
الاخ مهند المحل اللي وصفته هو الليوان للاعمال التراثيه
حسب وصفك يوجد محلهم اللي طلعوا منه وما فيه اي اثر لهم
الا لوحه قديمه قدرت اطلع منها رقم الجوال بعد ما قعدت اطالع فيها خمس دقايق
وهم الان في مستودعات منطقة السلي
الاسعار تقريبا ما فيها فرق رغم توقعي رخص اللي في السلي
تحياتي لكم وتشكراتي

هلا اخوي فهد تسلم
طيب فيه محل ثاني نفس الوصف
لكن ترجع من الإشارة الثانية وليس الأولى
وتلاقي على يمينك محل كبير اسمه برق الحيا
المحل فيه عدد للرحلات والتخييم
وتابع لهم محل للأعمال التراثيه اسمه المسند

اخوي فهد اعتقد لو تروح لطريق العروبه في الرياض بتحصل هناك ناس يسوون لك ديكور التراثي الطيني مع الاثاث ايضا
بحيث انهم يريحونك انت ماعليك الا تدفع بس وهم يصممون وينفذون لك الديكور والاثاث ولكن حط في بالك اسعار طريق العروبه غاليه اكثر من غيرهم ولكن من ناحية الجوده لاتفوتك بصراحه
بامكانك تمر على محل الدومان عنده مهندسين رائعين جدا وعندهم مجموعه جميله من الاثاث واعتقد انهم ينفذون اعمال ترميم او بناء ايضا
تحياتي لك ولو تبي رقم الدومان او وصف المحل راسلني على الخاص

مهند
الاخ ستايل تسلم يا عسل
فعلا الاسعار في طريق العروبه ماهي رخيصه

كم الاسعار انا عندي ملحق صغير 5×5 كم توقع يسونه