بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



Discover Bahrain Discover Bahrain
يا جماعة الخير تكفون ضروري نازل مطار هيثرو ومحتاج مساعدة ضروري ..
11-09-2013 - 08:12 pm

يا هلا ويا مرحبا ..

راح أدخل الموضوع رأساً على طول ، بعد فترة بسيطة ان شاء الله راح أسافر إلى ( ويلز ) عن طريق طيران الإمارات ، وخطوطها راح تكون ( البحرين - دبي - لندن "مطار هيثرو" ) ..

بعد ما أوصل لندن أو المطار بشكل خاص أحتاج إلى إني أحصل مواصلات ( بالبر ) من المطار إلى مدينة كارديف في وليز وهي تبعد عن مطار هيثرو في لندن حوالي 150 كيلو ..

أحتاج منكم أخواني وان شاء الله احصل الجواب منكم ، شلون كيفية النقل بالقطار ولا الحافلات ؟؟

أقصد ماعرف التفاصيل المتعلقة باستقلال المواصلات البرية من المطار إلى وليز ، هل إني أحجز قبل لا أسافر ؟؟؟ ولا إني أستفسر من خدمات الزبائن !! وخوفي لو استفسرت هناك راح أتعطل أكثر وأنا الوقت في يوم الوصول يحكمني = ضروري جداً.

أخواني اللي عنده خلفية أو فكرة عن كيفية استقلال القطار أو الأفضل الحافلات مباشرة من مطار هيثرو إلى ويلز يخبرني في أسرع وقت أرجوكم ،، وجزاكم الله خير على الخدمة الإنسانية.


..





المشاركات

القطري القطري
يا جماعة الخير تكفون ضروري نازل مطار هيثرو ومحتاج مساعدة ضروري ..


وعليكم السلام ورحمة الله وبركاته

هلا وغلا الغالي

أبشر بالفزعه :11ight:

شوف طال عمرك ..

الأفضل لك والأرخص هو القطار ..

قيمة التذكره من لندن ( محطة بادنغتون ) إلى ويلز ( محطة نيو بورت ) 15 باوند ونص ..

ومدة الرحله تقريباً ساعه و50 دقيقه ..

أول ماتوصل مطار هيثرو وأتخلص الأجراءات راح اتلاقي لوحه مكتوب عليها هيثرو اكسبرس ومرسوم عليها صورة قطار ..

أتبع اللوحه لين اتوصلك القطار ..واللوحه راح اتخليك تدخل في ممرات تحت الأرض ..

القطار يطلع دايركت من مطار هيثرو لين محطة بادنغتون ..ومدة الرحله ربع ساعه ..

إذا وصلت محطة بادنغتون أحجز تذكره على ويلز ..وكل نص ساعه يطلع قطار من محطة بادنغتون على ويلز ..

وأي خدمه أحنا في الخدمه الغالي ..:24:


Discover Bahrain Discover Bahrain
يا جماعة الخير تكفون ضروري نازل مطار هيثرو ومحتاج مساعدة ضروري ..


مشكووور يا الغالي والله يشهد إنك ماقصرت الله يعطيك الف عافية ، تعبتك معاي بصراحة.


مجموعه انسان مجموعه انسان
يا جماعة الخير تكفون ضروري نازل مطار هيثرو ومحتاج مساعدة ضروري ..


اخي بحريني

اخينا القطري كفى ووفا

الافضل حجز التذكره عن طريق الانترنت ارخص من محطه بادنقتون الى محطه كاردف سنترلال وقيمه التذكره تقريبا 67 باوند

اما نيوبورت فهي تبعد عن كاردف 15 دقيقه تقريبا
كاردف تبعد عن لندن 150 ميل

حاول استخدام خاصيه البحث في المنتدى


Discover Bahrain Discover Bahrain
يا جماعة الخير تكفون ضروري نازل مطار هيثرو ومحتاج مساعدة ضروري ..


المشاركة الأصلية كتبت بواسطة مجموعه انسان
اخي بحريني

اخينا القطري كفى ووفا

الافضل حجز التذكره عن طريق الانترنت ارخص من محطه بادنقتون الى محطه كاردف سنترلال وقيمه التذكره تقريبا 67 باوند

اما نيوبورت فهي تبعد عن كاردف 15 دقيقه تقريبا
كاردف تبعد عن لندن 150 ميل

حاول استخدام خاصيه البحث في المنتدى


مشكور يا الغالي على المداخلة الجميلة جزاك الله خير ، بس أخونا القطري قال من لندن ( محطة بادنغتون ) إلى ويلز ( محطة نيو بورت ) 15 باوند ونص وانت أخوي تفضلت وقلت أن من لندن ( محطة بادنغتون ) إلى ( محطة كاردف سنترال ) 67 باوند على الرغم من إني فهمت من كلامك أن نيو بورت تبعد عن كاردف 15 دقيقة فقط والفارق بين للمحطتين حوالي 40 باوند ..

يعني أفهم من كلامكم أخواني الأعزاء إني إذا رحت من ( محطة بادنغتون ) إلى ( محطة نيو بورت ) أحتاج إلى تاكسي يوصلني إلى وسط منطقة كاردف ؟؟ أعتقد هذي الطريقة الأفضل لأن بكل الأحوال التاكسي مطلوب من محطة المطار إلى مكان الإقامة ..

اسمحوا لي أخواني تعبتكم معاي ، بس الحين أي رحلة أفضل من كل النواحي حتى المادية ؟؟

بادنغتون -- نيو بورت ؟؟

ولا ..

بادنغتون -- كاردف سنترال ؟؟



ومشكورين واسمحوا لي تعبتكم معاي لكن الله ما ينساكم بهالخدمات الانسانية الي تقدمونها ما قصرتوا بصراحة.

..


القطري القطري
يا جماعة الخير تكفون ضروري نازل مطار هيثرو ومحتاج مساعدة ضروري ..


هلا وغلا الغالي

مافي أي تعب طال عمرك وكلنا تحت أمرك

الغالي ..

إذا تبي أتروح محطة كاردف سنترال تقدر تطلع لها من نفس المحطة ( محطة بادنغتون ) وماعندك أي مشكله ..

وكل نص ساعه يطلع قطار على محطة كاردف سنترال ومدة الرحله ساعتين وشي ..

وقيمة التذكره حوالي 43 باوند ..

واي خدمه الغالي احنا في الخدمه ..


Discover Bahrain Discover Bahrain
يا جماعة الخير تكفون ضروري نازل مطار هيثرو ومحتاج مساعدة ضروري ..


مشكور يا الغالي ، بس ما عندك خبر عن نظام الحافلات ؟؟

وآسف والله منحرج منكم وايد تعبتكم معاي بصراحه.


القطري القطري
يا جماعة الخير تكفون ضروري نازل مطار هيثرو ومحتاج مساعدة ضروري ..


هلا وغلا الغالي

ومابين الاخوان أحراج ..

للأسف أغلب التنقلات هناك أستخدمها على القطارات :(

بحاول ادور عن الحافلات وإذا لقيت شي بكتبه لك اهنا ان شاءالله

وسامحنا الغالي كان ودي أفيدك ولكن مافي البيد حيله


Discover Bahrain Discover Bahrain
يا جماعة الخير تكفون ضروري نازل مطار هيثرو ومحتاج مساعدة ضروري ..


بالعكس اخوي :) انا مستانس انك تتفاعل معاي عسى عمرك طويل .. وشكلي خلاص بخليها بالقطار ، بس أحجز قبل فترة ولا عادي في نفس الوقت ؟؟ انا قلت يمكن نلاقي صعوبة في الحصول على حجز ، شرايك اخوي ؟؟

..


ناعوس ناعوس
يا جماعة الخير تكفون ضروري نازل مطار هيثرو ومحتاج مساعدة ضروري ..


اخوي الغالي

يبدو لي إن الحافلات أرخص وأريح بكثير

فيه حافلات مباشرة من هيثرو إلى المكان اللي تبغاه وسعرها 39 جنيه

وتحصلها حسب الوصف اللي وصفلك اخونا في الرد رقم واحد

وهذا موقعهم للحجز أو الاطلاع

National Express United Kingdom // Homepage

وأنا مجربهم وآخر حلاوة



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

يا جماعة الخير تكفون ضروري نازل مطار هيثرو ومحتاج مساعدة ضروري ..